ചാരുദത്തന്‍റെ സ്വകാര്യങ്ങള്‍

2012-01-31T07:42:00.000-08:00

Commercial 'Brake'
The chutzpah of the highest order ever heard in bilateral relations.Nothing less than stomachful, over the lunch with Palestinian authorities, the Canadian tag-team (John Baird - Foreign Affairs Minister and Jim Flaherty - Finance Minister) opened their mouths again, ''Get Stuffed with your campaign for state recognition at the UN and return to the negotiating table with Israel without any pre-conditions!''

ജനുവരി - 13/2012

2012-01-13T13:05:00.000-08:00

കാറ്റില്‍ ഒന്നിച്ചുകൂടുന്ന ഹിമരാശികളില്‍ എന്‍റെ പിന്നാമ്പുറത്തെ കര്‍പ്പൂരതുളസികള്‍ ഉറക്കമായി. ബദാമും പേരയും ഇലകള്‍ കൊഴിച്ച്, തപസ്സിലായി. പക്ഷികളില്‍ ഏറിയ പങ്കും ത്രിരാത്രവ്രതങ്ങളെടുത്ത് ദക്ഷിണാവര്‍ത്തങ്ങളിലേയ്ക്ക് എത്ര മുമ്പേ പോയിക്കഴിഞ്ഞു. സജീവങ്ങളായിരുന്ന വേനല്‍ വര്‍ത്തമാനങ്ങളുടെ ഓര്‍മ്മകള്‍ക്കുമേല്‍ മഞ്ഞു പുതച്ച് തീന്‍മേശയും കൂട്ടുകാരും ഉറങ്ങിപ്പോയി. നേരത്തെ ഉറക്കം വിട്ടുണരുന്ന കുട്ടികളായി ഇവരെല്ലാം തിരിച്ചുവരും..

വെണ്മയുടെ പുതപ്പുകള്‍ മാറ്റി ആദ്യമുകുളങ്ങള്‍......... ......

പറന്നുതിരിച്ചെത്തുന്നവരുടെ ഗോളാന്തരവൃത്താന്തങ്ങള്‍.......

ബ്രഹ്മചര്യം വിട്ട് ഗൃഹസ്ഥാശ്രമികളാവുന്ന വൃക്ഷാവലികള്‍........

പറന്നും, മറന്നും പോയ മൊഴികള്‍ക്കായി കാതോര്‍ത്ത്, വീട് വീണ്ടും ശബ്ദായമാനമാകുന്നതോര്‍ത്ത്, അവിഘാതയാത്രകള്‍ക്കായി മനസ്സു നിറയെ പ്രാര്‍ത്ഥനകളുമായി, അവരാരുമറിയാതെ വഴിക്കണ്ണുകളില്‍ സുരക്ഷാകവചങ്ങളുമായി, നിദ്രാവിഹീനയായി ഇവിടെ ഒരമ്മ......

കൗപീനവാന്മാര്‍

2012-01-03T08:54:00.000-08:00

ബഷീറിനെ ഒരു മുസ്ലീം മാത്രമായി ചുരുക്കേണ്ടത്,വായനയില്ലാത്ത നിരക്ഷരരായ മതഭ്രാന്തരുടെ അജന്‍ഡയാണ്‌...........

എന്നെസ് മാധവനെ വായിക്കത്തവരാണ്‌,ബഷീര്‍ വിമശനത്തിന്‍റെ പേരില്‍ അദ്ദേഹത്തെ മുസ്ലീം വിരുദ്ധനാക്കുന്നത്. ജാതിയുടെ പേരില്‍ മുസ്ലീങ്ങള്‍ പീഡനങ്ങളേറ്റു വാങ്ങിയപ്പോളൊക്കെ, ശക്തമായ രീതിയില്‍ കഥകളിലൂടെ പ്രതികരിച്ച അദ്വിതീയനായ എഴുത്തുകാരനാണ്‌ എന്നെസ് മാധവന്‍....

(കലാപഭൂമിയില്‍ നിന്ന് ഓടിയൊളിച്ചിട്ട്, താമ്രപത്രവേദികളില്‍ അഹമഹമികയാ ഇടിച്ചുകയറുന്നവര്‍ക്ക് ഇത്തരുണത്തില്‍ നാം ആദരാഞ്‌ജലികള്‍ അര്‍പ്പിക്കുക!)

മദ്യപിച്ച്, തീവണ്ടിയില്‍ വച്ച്, മര്യാദയില്ലാതെ ബാലചന്ദ്രന്‍ ചുള്ളിക്കാട് സംസാരിക്കുകയും ഗുപ്തന്‍ നായര്‍ ഇരിപ്പിടം വിടുകയും ചെയ്തത് രണ്ടാളുടെയും പ്രവര്‍ത്തനരീതികളാണ്‌... അതിലൂടെ താന്‍ ചെയ്തത് മഹത്തരമെന്നും ഗുപ്തന്‍ നായര്‍ക്ക് ഉത്തരം മുട്ടിയെന്നും ബാലചന്ദ്രന്‍ കരുതുന്നുണ്ടെങ്കില്‍ ആ 'സ്വയംകൃതസാര്‍ത്ഥകത'യെ ഓര്‍ത്ത് അദ്ദേഹം സമാധാനിക്കട്ടെ. (എന്നെസ് മാധവന്‍ ഐ എ എസ്സായതില്‍ സഹതപിക്കുന്നവര്‍ നമ്മുടെ യുവമഹാകവി കോണ്‍ഗ്രസ് പത്രത്തില്‍ ജോലി ചെയ്തത് മറക്കരുത്) മദ്യപിച്ചും അലഞ്ഞുതിരിഞ്ഞും പട്ടിണി കിടന്നും മാത്രം സാഹിത്യമെഴുതുന്നവന്‍ മാത്രമേ ലോകോത്തരം എഴുതൂ എന്നൊന്നും ആരും വാശി പിടിക്കരുത്.)

ബഷീര്‍ എഴുതുന്നതല്ല മാധവന്‍ എഴുതുന്നതെന്നു നാം മനസ്സിലാക്കണം. അതുകൊണ്ടു തന്നെ രണ്ടെഴുത്തുകള്‍ താരതമ്യത്തിനെടുക്കരുത്. ലാവണങ്ങളിലിരിക്കെ വിവരം കെട്ട രാഷ്ട്രീയമേലധികാരികളുടെ തുഗ്ലക്കിയന്‍ തീരുമാനങ്ങള്‍ക്കു മുമ്പില്‍ പഞ്ചപുച്ഛമടക്കി, അമ്പത്തെട്ടിലോ അറുപതിലോ അടുത്തൂണ്‍ പറ്റിക്കഴിഞ്ഞ് ഒരു'എക്സ്പോസിംഗ് സര്‍വ്വീസ് സ്റ്റോറി'യെഴുതുന്ന മഹാന്മാരില്‍ നിന്നും എത്രയോ മുമ്പിലാണ്‌,'തിരുത്തും','വന്മരങ്ങള്‍ വീഴുമ്പോളും','നിലവിളി'യും എഴുതിയ എന്നെസ്സ് മാധവന്‍....!......... കാരണം,അതെഴുതിയത് അദ്ദേഹത്തിന്‍റെ സര്‍വ്വീസ് കാലഘട്ടത്തില്‍ തന്നെയാണ്‌..../....

ചിന്തകള്‍ക്ക് നേരിട്ട് അക്ഷരം കൊടുത്തയാളാണ്‌,വൈക്കം മുഹമ്മദ് ബഷീര്‍... ആനവാരിയും, പൊന്‍ കുരിശും,എട്ടുകാലിയും,മണ്ടനുമൊക്കെ ഒരു ഗതകാലകേരളഗ്രാമത്തിന്‍റെ മുഖചിത്രങ്ങളാണ്‌.... (ഇന്നാണെങ്കില്‍ രാമന്‍ നായരെക്കൊണ്ട് ആനയെ വാരിക്കാന്‍ ഒരു ബഷീര്‍ ഇറങ്ങിയാല്‍ കുമ്മനത്തുനിന്നും പെരുന്നയില്‍ നിന്നും ഗുജറാത്തിലെ ഗാന്ധിനഗറില്‍ നിന്നുമൊക്കെ പന്തംകൊളുത്തിപ്പടകള്‍ പുറപ്പെടുകയായി. വെള്ളാപ്പള്ളി പറയുന്നതു വരെ നമുക്ക് ദണ്ഡപാണിയുടെ ജാതി അറിയാമായിരുന്നോ? (കുരിശില്‍ ആണിയടിക്കപ്പെട്ട ക്രിസ്തുവും
കാറ്റ് കടക്കാത്ത, താക്കോല്‍ രഹിതമായ ചില്ലുകൂട്ടില്‍ ഒതുക്കപ്പെട്ട ശ്രീനാരായണനും പുറത്തുവരാതിരിക്കാന്‍ തന്നെയാണ്‌ നാം അങ്ങനെ ചെയ്തത്. കാരണം, ചോദ്യങ്ങളെ നമുക്കൊരിക്കലും ഇഷ്ടമല്ലായിരുന്നു. ഒന്നും ചോദിക്കാത്ത കുട്ടികളെ ഇഷ്ടപ്പെട്ടിരുന്ന അദ്ധ്യാപകര്‍ ആയിരുന്നു നമ്മളെ ആദ്ധ്യാത്മികം പറഞ്ഞ് പേടിപ്പിച്ച് ഭരിച്ചിരുന്നത്.ജാതി ചോദിക്കരുതെന്ന് പറഞ്ഞയാളിന്‍റെ പേരില്‍ ജാതിസംഘടനയുണ്ടാക്കി തൂണിലും തുരുമ്പിലും ജാതി കണ്ടെത്തിയവര്‍!...
ഇടയ്ക്ക് ഗുരുവചനങ്ങളെ ഓര്‍മ്മപ്പെടുത്തിയവരെ കുടത്തിലടച്ച് സമുദ്രത്തിലെറിഞ്ഞ നേതാക്കന്മാര്‍.../...//. .///////////

ഒരു സാധാരണ കമ്യൂണിസ്റ്റിന്‍റെ ഉല്‍ക്കണ്ഠകളാണ്‌ 'നാലാം ലോക'ത്തിലൂടെ എന്നെസ്സ് എന്ന കമ്യൂണിസ്റ്റ് പങ്കുവച്ചത്. പാഠങ്ങളെക്കുറിച്ച് നിരവധി ചോദ്യം ചെയ്യലിലൂടെ വളര്‍ന്ന നാം ഒരു ചോദ്യം നേതാക്കളുടെ മുമ്പില്‍ വച്ചതിന്‍റെ പേരില്‍ പാര്‍ട്ടിക്ക് അനഭിമതനാവാന്‍ പാടില്ല. സ്ഥാനഭ്രഷ്ടരുമാകാന്‍ പാടില്ല. ജന്മം കൊണ്ടുമാത്രം ഹിന്ദുവായ ഒരു സാഹിത്യകാരനെ ജന്മം കൊണ്ടുമാത്രം മുസ്ലീമായ ഒരു സാഹിത്യകാരന്‌ വിമര്‍ശിക്കാനുള്ള സ്വാതന്ത്ര്യം ഇന്നാട്ടിലുണ്ടായേ പറ്റൂ. തിരിച്ചും അങ്ങനെ തന്നെയാവണം. (തിരുവനന്തപുരത്തുള്ള, ഒരാളെക്കുറിച്ചും ദുഷിച്ച് ഒരുവാക്കു പോലും ഇന്നേ വരെ പറയാത്ത ഒരു പാവം പെണ്‍കവി (കവയിത്രി എന്ന പ്രയോഗമിപ്പോള്‍ പൊളിറ്റിക്കലി ഇന്‍കറക്റ്റ് ആണല്ലോ!) യെ വയസ്സിന്‍റെ പേരില്‍ കുതിരകയറാന്‍ ചെന്നപ്പോള്‍, കേരളക്രൈസ്തവര്‍ യുവമഹാകവിക്ക് മേല്‍ ഉപരോധം ഏര്‍പ്പെടുത്തിയില്ല എന്നതും ഇവിടെ സ്മരണീയമാണ്‌..!))) ) )) ജാതിയും മതവുമില്ലാതെ ജനപ്രതിനിധിയായവന്‍റെ തലയില്‍ പിന്നീട് ജാതിയുടെ തലപ്പാവുകളണിയിക്കരുത്. അത്, സാധാരണ സമ്മതിദായകന്‍റെ തെരഞ്ഞെടുക്കാനുള്ള അവകാശത്തിന്‍റെ മേലുള്ള കടന്നുകയറ്റമാണ്‌..

ഇത്, മതം മാറി വിവാഹം കഴിക്കുന്നത് പോലെയുള്ള തട്ടിപ്പാണു്‌... ..... മതം നമ്മുടെ തെരഞ്ഞെടുപ്പ് അല്ലാത്തിടത്തോളം കാലം മതം മാറ്റത്തിന്‍റെ സാംഗത്യമെന്താണ്‌? (പെണ്‍കുട്ടിയെ, നിര്‍ബ്ബന്ധിച്ച് മതം മാറ്റി വിവാഹം കഴിച്ചിട്ട് ഭാര്യയുടെ ജാതി ആഘോഷിക്കുന്ന, ഗള്‍ഫിലുള്ള ഒരാളെ എനിക്കറിയാം.അയാള്‍ക്ക് അതാഘോഷിക്കാനുള്ള അര്‍ഹതയുണ്ടോ എന്ന് നിങ്ങള്‍ തന്നെ തീരുമാനിക്കുക)

മതം ഒരിക്കല്‍ പോലും ഒരു ഉത്സവമാക്കാതിരുന്ന ബഷീറിനേയും മാധവനേയും ഇപ്പോഴെന്തിനാണു നാം മുസ്ലീമും ഹിന്ദുവുമാക്കുന്നത്? അതവസാനത്തെ ആയുധമാണ്‌.: ജാതിയും മതവും ആവനാഴിയിലെ അവസാന ആയുധമാണ്‌. മറ്റൊന്നും ലക്ഷ്യവേധിധികളാകാതെ വരുമ്പോള്‍ പ്രയോഗിക്കപ്പെടുന്ന അവസാന ആയുധം. (വടക്കേയിന്ത്യയിലും ഗള്‍ഫിലും ഈ ആയുധം നമ്മള്‍ മലയാളികള്‍ അവസാന പാരയായി ഇത് പ്രയോഗിക്കാറുണ്ട്. ഇരയുടെ തലയുമെടുത്തേ അത് പോകാറുമുള്ളു!)

ആകെയുള്ള ഒരു കൗപീനം പുരപ്പുറത്തിട്ട് ഉണക്കുന്നവര്‍ ഓര്‍മ്മിക്കുക,അതെടുത്ത് വീണ്ടും ഉപയോഗിക്കണമെങ്കില്‍ ഒന്നുകില്‍ രാത്രിയാവണം അല്ലെങ്കില്‍ നഗ്നനായി പുരപ്പുറത്തു കയറണം. 'ജാതിഭ്രാന്തും, വര്‍ഗ്ഗീയതയും, നീചബുദ്ധിയും' ഗുപ്തന്‍ നായര്‍ എവിടെ എങ്ങനെയൊക്കെ പ്രകടമാക്കി എന്നുപറയണം. ഐഏ എസ്സിനെ മാറിനിറുത്തി, ഒരു സാഹിത്യകാരന്‌ ഏതൊക്കെ ജോലികള്‍ 'ആത്മാഭിമാന'ത്തോടെ ചെയ്യാന്‍ പറ്റും എന്ന് വ്യക്തമാക്കണം.

വെയില്‍മാത്ര

2011-12-08T22:01:00.000-08:00

ഒത്തിരി നാളുകള്‍ക്കിപ്പുറം
മരച്ചില്ലകള്‍ക്കിടയിലൂടെ,
എന്നെത്തേടി
എന്‍റെ മുറിയിലേയ്ക്ക് സൂര്യന്‍.

കാലക്ലിപ്തമല്ലാത്ത
ഒരു കാറ്റോ
മഞ്ഞിന്‍ പ്രഹരമോ
ചീളുകളായി മറഞ്ഞിരി-
പ്പുണ്ടെന്നറിഞ്ഞിട്ടും,
അവരും വന്നു.

കറുകറുത്തൊര-
ണ്ണാറക്കണ്ണനും,
അവന്‍റെ പിന്നിലീ
നാലു ദിനം മുമ്പ്
മഴയായ മഴയൊക്കെ
കൂട്ടിലിരുന്നു കൊണ്ടി-
ട്ടിപ്പോള്‍ കാകളിച്ചുണ്ടില്‍
കാകേക്ഷു തേടിയീ-
ക്കാടക്കോതയും!

ടിക്കെറ്റ് ലെസ്സ് പ്ലാറ്റ്ഫോംസ്

2011-10-29T21:01:00.000-07:00

ആലുവ തീവണ്ടിയാപ്പീസ്.

പറവൂരില്‍ നിന്ന് ഞങ്ങളെത്തിയതും തീവണ്ടിയെത്തിയതും ഒരുമിച്ചായിരുന്നു. മധു നായര്‍ പെട്ടെന്ന് ടിക്കെറ്റ് എടുത്തു ഉള്ളില്‍ കയറി.

തീവണ്ടിവിടാന്‍ സമയമെടുക്കുന്നതു കണ്ടപ്പോള്‍ ഞാന്‍ വിചാരിച്ചു. പെട്ടെന്ന് തിരിച്ചെത്തിയിട്ട് കാര്യമൊന്നുമില്ലല്ലോ, എതായാലും സുഹൃത്തിന്‌ ഇരിപ്പിടം തരപ്പെട്ടോ എന്നൊന്ന് നോക്കിക്കളയാം.

ഞാന്‍ പ്ലാറ്റ്ഫോം ടിക്കെറ്റ് വാങ്ങാനായി നീങ്ങി.

കൗണ്ടറിലെ ദ്വാരത്തിലൂടെ ഒരു പത്തുരൂപാനോട്ട് വച്ച്, ഞാന്‍ പ്ലാറ്റ്ഫോം ടിക്കെറ്റ് ചോദിച്ചു.

''ചില്ലറയില്ല. ഒരു മൂന്ന് രൂപ തരാമോ?''

''സോറി... എന്‍റെ കൈയില്‍ ചില്ലറയില്ലല്ലോ'', ഞാന്‍ പറഞ്ഞു.

കൗണ്ടര്‍ ക്ലര്‍ക്ക് പ്ലാറ്റ്ഫോം ടിക്കെറ്റിനൊപ്പം എന്‍റെ പത്തുരൂപയും മടക്കിത്തന്നു.

''എവിടെ നിന്നെങ്കിലും ചില്ലറ വാങ്ങി പോകുന്നതിനു മുമ്പായി തന്നാല്‍ മതി. ടിക്കെറ്റ് വച്ചോളൂ...''

ഞാന്‍ പ്ലാറ്റ്ഫോമില്‍ കയറിയെങ്കിലും മധു നായരെ കാണാന്‍ കഴിഞ്ഞില്ല. വണ്ടി വിടുകയും ചെയ്തു.

തിരിച്ചിറങ്ങുമ്പോള്‍, ചില്ലറയ്ക്കായി ഞാന്‍ ഒരു വാരിക വാങ്ങി.

കൗണ്ടറില്‍ പോയി പണം കൊടുക്കുമ്പോള്‍, ഞാന്‍ ചോദിച്ചു.

" ഞാന്‍ പണം തന്നേ പോകുകയുള്ളു എന്ന് താങ്കള്‍ക്കെങ്ങനെ മനസ്സിലായി?''

എന്നെ പരാജയപ്പെടുത്തിയ ഒരു ചിരി കൗണ്ടറില്‍ വിരിഞ്ഞു.

'' ഒരു പ്ലാറ്റ്ഫോം ടിക്കെറ്റ് വാങ്ങാനുള്ള മഹാമനസ്കത കാണിച്ച നിങ്ങള്‍ പണം തരാതെ പോവില്ലെന്ന് എനിക്കറിയില്ലേ?"

ഞാന്‍ തോറ്റു; നന്ദിയും പറഞ്ഞു പിരിഞ്ഞു.

ശരിയായിരുന്നു. ആ പ്രഭാതത്തിലെ തിരക്കില്‍ ആകെ ചെലവായ ഒരു പ്ലാറ്റ്ഫോം ടിക്കെറ്റ് എന്‍റേതു മാത്രമായിരുന്നു.

എത്രയോ പേര്‍ ദിവസവും കയറിയിറങ്ങുന്ന പ്ലാറ്റ്ഫോമിനു മുകളില്‍, അപ്പോഴും കാണാമായിരുന്നു,

''ടിക്കെറ്റ് എടുക്കാതെ പ്ലാറ്റ്ഫോമില്‍ പ്രവേശിക്കുന്നത് ശിക്ഷാര്‍ഹമാണ്‌.''

*********

TheSpec - ‘Honour killings’ shame multiculturalism

2011-10-24T19:44:00.000-07:00

TheSpec - ‘Honour killings’ shame multiculturalism

ട്വിക്സ്റ്റ് - വിഷാദാത്മകതയോടെ സംവിധായകനും

2011-09-17T14:01:00.000-07:00

- സുരേഷ് നെല്ലിക്കോട്

സ്വന്തം ചിത്രത്തിലെ അതിദാരുണമായ ബോട്ടപകടത്തെക്കുറിച്ച് പറയുമ്പോള്‍
അദ്ദേഹത്തിന്‍റെ കണ്ണുകള്‍ ഈറനണിഞ്ഞു. ഏതാനും നിമിഷങ്ങളിലേയ്ക്ക് ശബ്ദം വിതുമ്പിപ്പോയി.

വാല്‍ കില്‍മെര്‍ അവതരിപ്പിച്ച കഥാപാത്രം, ബോട്ടപകടത്തില്‍ മരിക്കുന്ന മകളെക്കുറിച്ചുള്ള വേദനകളേറ്റുവാങ്ങി സ്വയം കുറ്റാരോപിതനാവുന്നതുപോലെ, ചലച്ചിത്രരംഗത്തെ അതികായനായ ഫ്രാന്‍സിസ് ഫോര്‍ഡ് കപ്പോളയും, 1986 ല്‍ തന്‍റെ മകന്‍ ജിയോയുടെ മരണത്തിനിടയായ അപകടത്തിന്‌ പരോക്ഷമായി താനും ഉത്തരവാദിയായിരുന്നെന്ന് സ്ഥാപിക്കുകയായിരുന്നു. അതിന്‍റെ ന്യായമാണെങ്കിലോ ഒരച്ഛനുമാത്രം മനസ്സിലാകുന്നതും! മകന്‍ വിളിച്ചിട്ടും പോകാതിരുന്ന ഒരച്ഛന്‍, താന്‍ അവന്‍റെകൂടെയുണ്ടായിരുന്നെങ്കില്‍ ആ അപകടം ഒഴിവാക്കാമായിരുന്നു എന്ന് സ്വയം കുറ്റപ്പെടുത്തുന്നു. 'ഗോഡ്ഫാദറും', 'അപ്പോകാലിപ്സ് നൗ'വുമൊക്കെ ഒരുക്കിയ അതിപ്രശസ്തനായ ഒരു ചലച്ചിത്രകാരനെ ഇത്തരം ഒരു മിഥ്യാബോധത്തിന്‍റെ തടവുകാരനാക്കിയത് അദ്ദേഹത്തിന്‍റെയുള്ളിലെ സ്നേഹമയനായ പിതാവ് മാത്രമായിരുന്നു.

രംഗം: മുപ്പ ത്താറാമത് ടൊറോന്‍റോ അന്താരാഷ്ട്ര മേളയിലെ കപ്പോള ചിത്രമായ 'ട്വിക്സ്റ്റ്' ന്‍റെ പ്രദര്‍ശനത്തിനു ശേഷമുള്ള ചര്‍ച്ചാവേദി. സെപ്റ്റംബര്‍ പന്ത്രണ്ട് തിങ്കള്‍.

അതിദാരുണമായിരുന്നു, ജിയോയുടെ അന്ത്യം. പ്രശസ്തനടന്‍ റയന്‍ ഒനീലിന്‍റെ മകനും നടനുമായ ഗ്രിഫിനോടൊപ്പം ജലകേളികള്‍ക്കായി ഇറങ്ങിത്തിരിച്ചതായിരുന്നു, ജിയോ. മറ്റ് രണ്ട് ബോട്ടുകള്‍ക്കിടയിലൂടെ വെട്ടിച്ചു കടക്കാന്‍ ശ്രമിച്ച ഗ്രിഫിന്‍ പെട്ടെന്നാണ്‌ കണ്ടത്, ഒന്ന് മറ്റേതിനെ കെട്ടി വലിക്കുകയാണെന്നും, അവയ്ക്കിടയില്‍ ഒരു കമ്പിക്കയര്‍ ഉണ്ടെന്നും. ജിയോയ്ക്ക് അപായസൂചന കൊടുക്കുന്നതിനൊപ്പം ഗ്രിഫിന്‍ തലതാഴ്ത്തി. പക്ഷേ, ഒരു നിമിഷത്തിന്‍റെ വ്യത്യാസം. അത് ജിയോയുടെ തല അറുത്തിരുന്നു.

''എന്‍റെ ചിത്രങ്ങളെല്ലാം ഇനി തികച്ചും വ്യക്തിഗതങ്ങളായിരിക്കും'' കപ്പോള പറഞ്ഞു. 'ടെട്രോ'യില്‍ മൂത്ത സഹോദരനുമായുള്ള ബന്ധത്തിന്‍റെ പുനര്‍നിര്‍ ണ്ണയങ്ങളായിരുന്നെങ്കില്‍ 'ട്വിക് സ്റ്റി'ല്‍ ഒരു പിതാവിന്‍റെ വേദനകളാണ്‌ അദ്ദേഹം ചിത്രീകരിച്ചിരിക്കുന്നത്. ഒരു കൊലപാതകരഹസ്യമാണ്‌, ഗോഥിക് ഹൊറര്‍ ചിത്രമായ 'ട്വിക്സ്റ്റി'ന്‍റെ കഥാ തന്തു. മകന്‌ സംഭവിച്ചതു പോലെയുള്ള ഒരു ബോട്ടപകടം അപ്പാടെ ചിത്രീകരിച്ചിട്ടുണ്ട് ഈ ചിത്രത്തിലും.

''ഈ സെപ്റ്റംബര്‍ പതിനേഴിന്‌ ജിയോയ്ക്ക് നാല്പത്തെട്ട് വയസ്സു തികയുമായിരുന്നു'' - സംസാരത്തിനിടയില്‍ അമേരിക്കന്‍ ചലച്ചിത്രരംഗത്തെ 72 കാരനായ ആ അതികായന്‍ വിതുമ്പി.

നിര്‍മ്മാണ- സംവിധാനരംഗങ്ങളില്‍ ഒരു കൈത്താങ്ങായി പ്രവര്‍ത്തിച്ചുവരുമ്പോഴായിരുന്നു, കപ്പോളയ്ക്ക് മകനെ നഷ്ടപ്പെടുന്നത്. 'ഗോഡ്ഫാദര്‍' പോലുള്ള ചിത്രങ്ങളുടെ നിര്‍മ്മാണങ്ങളില്‍ താല്പര്യമില്ലാതായ ഫ്രാന്‍സിസ് ഫോര്‍ഡ് കപ്പോളയെ പുത്രദു:ഖം അങ്ങേയറ്റം മാനസികമായി ശുഷ്ക്കിപ്പിച്ചിരിക്കുന്നു എന്നു തന്നെ പറയേണ്ടിയിരിക്കുന്നു.

***

ഒക്ടോബര്‍ ഒമ്പത്

2011-09-09T19:31:00.001-07:00

ഒക്ടോബര്‍ ഒമ്പത്.

പിറന്നാള്‍ ആശംസകള്‍, സെബാസ്റ്റ്യന്‍!
ഇന്ന് നീ ഉണ്ടായിരുന്നെങ്കില്‍ നിനക്ക് പതിനെട്ട് തികയുമായിരുന്നു. വേറൊരു രീതിയില്‍ പറഞ്ഞാല്‍, നീ ഒരു പൂര്‍‍ണ്ണയുവാവാകുന്ന ദിവസം. പക്ഷേ, ഗ്രാന്‍റ് മയുടെ ലോകത്ത് നീ എന്നുമെന്‍റെ ചെറിയ കുട്ടി തന്നെയായിരിക്കും. നിന്‍റെ കൊച്ചരിപ്പല്ലുകള്‍ കാട്ടിയുള്ള, നിഷ്കളങ്കതയാര്‍ന്ന ചിരി ഗ്രാന്‍റ് മയുടെയുള്ളില്‍ നിറഞ്ഞു നില്‍ക്കുകയാണ്‌. ഡാഡിയുടെ ആരോഗ്യം നീ ശ്രദ്ധിക്കണം.
ഗ്രാന്‍റ് മയുടെ കുട്ടനെ വല്ലാതെ മിസ്സ് ചെയ്യുന്നു.

(സെബാസ്റ്റ്യന്‍റെ കളിപ്പാട്ടങ്ങളും അവന്‍റെ ക്രിസ്മസ്മരത്തിന്‍റെ ഇലകളുമാണ്‌ ഗ്രാന്‍റ്മ, അവന്‍ അപകടത്തില്‍ മരിച്ച സ്ഥലത്തെ വഴിവിളക്കില്‍ കെട്ടി വച്ചിരിക്കുന്നത്. കാനഡയിലെ വാന്‍കൂവറിനടുത്തുള്ള ഹാരിസണ്‍ ഹോട്ട് സ്പ്രിങ്സിനടുത്തുള്ള ഒരു കവലയിലെ ഈ കാഴ്ച എന്‍റെ കണ്ണുകള്‍ നിറച്ചു....)‍
--

ഞാന്‍ മടങ്ങുന്നു, വാന്‍കൂവര്‍!

2011-09-07T20:58:00.000-07:00

രണ്ടാഴ്ച്ചയ്ക്കു ശേഷം, നാളെ മടങ്ങുകയാണ്‌. സൗഹൃദങ്ങള്‍ പുതുക്കി, ലോകം ചെറുതാക്കി, വാന്‍കൂവറിന്‍റെ ജലാശയങ്ങളില്‍ നിന്ന്. കടല്‍ക്കാക്കളുടെ ഉണര്‍ത്തുപാട്ടുകളില്‍ നിന്ന്. ഡെല്‍-ക്രിസ്റ്റി-ഷെറി-ഗസ്തോങ്-കോറി സുഹൃത്തുക്കളില്‍ നിന്ന്. ഓരോ യാത്രകളും നമ്മളെ എന്തൊക്കെയാണു പഠിപ്പിക്കുന്നത്! ഏതൊക്കെ ഉയരങ്ങളിലേയ്ക്കാണ്‌ കൈ പിടിച്ചു കയറ്റുന്നത്! ഞാന്‍ ബന്ധിതനായിരിക്കുന്നത് എന്‍റെ മതിലുകളാലല്ല, സൗഹൃദങ്ങളാലാണെന്ന ചെക്ക് പഴഞ്ചൊല്ലിന്‍റെ മഴയിലാണ്‌ ഞാനിപ്പോള്‍....

ഓഗസ്റ്റ് പതിനേഴ്

2011-08-17T07:15:00.000-07:00

എല്ലാ യുക്തികളേയും വെട്ടിച്ചുകൊണ്ട്‌, ഈ കുറുക്കുവഴി എത്തിച്ചേരുന്നത് ഏതാനും സൗഹൃദങ്ങളിലേയ്ക്കാണ്‌. അനിര്‍വ്വചനീയങ്ങളായ‍ ഓര്‍മ്മകള്‍ വഴിമരങ്ങളാകുമ്പോള്‍, ഈ യാത്രകള്‍ ക്ഷീണരഹിതങ്ങളാകുന്നു. അതിടെ എത്രയെത്ര അത്താണികള്‍! അവിടെയൊക്കെ, ഇലച്ചാര്‍ത്തുകള്‍ക്കിടയിലൂടെ നുഴഞ്ഞുകയറി വന്ന വെയില്‍ക്കുഞ്ഞുങ്ങളെപ്പോലെ നാം അവശേഷിപ്പിച്ചു പോകുന്ന ഓര്‍മ്മകളുടെ തുണ്ടുകള്‍. ഈ ഉന്മാദമാകും എന്നെ വീണ്ടും അവനിലേയ്ക്കും അവളിലേയ്ക്കും എത്തിക്കുന്നത്. അതിര്‍ത്തികളില്ലാതെ, സ്ഥലകാലങ്ങളില്ലാതെ, ബോധാബോധങ്ങളിലേയ്ക്ക് ആര്‍ത്തിയോടെ വളര്‍ന്നു കയറുന്ന‍ വള്ളിത്തലപ്പുകള്‍. സ്വപ്നങ്ങളില്‍ നിന്ന് വഴിപിരിഞ്ഞെണീക്കുമ്പോള്‍, താഴെ സൂര്യകാന്തികളില്‍ കാറ്റിന്‍റെ കിണുക്കം.
സുജ വിളിച്ചു പറഞ്ഞു.

ദാ... നോക്ക്, നമ്മുടെ പിന്നാമ്പുറത്തെ ഡെക്കിനടിയില്‍ ഒരമ്മയും നാലു മുയല്‍ക്കുട്ടികളും...!

നഗരഘോഷകന്‍

2011-08-13T14:42:00.000-07:00

എഴുത്ത് : സുരേഷ് നെല്ലിക്കോട്
രേഖാചിത്രം : ബി. രാജന്‍

അഞ്ചു വര്‍ഷം മുമ്പ് നൈജല്‍, അയര്‍ലന്‍ഡിലെ കഥകള്‍ പറഞ്ഞിരിക്കുന്ന ഒരു പ്രഭാതത്തിലാണ്‌ ഗ്രാമത്തിലെ ഘോഷകനെ
(നഗരഘോഷകന്‍ - Town Crier) ക്കുറിച്ച് കേള്‍ക്കുന്നത്. തെംസ് തീരത്ത് അതിരാവിലെ തുടങ്ങിയ ഷൂട്ട്. ഇടക്കിടെ അരിച്ചിറങ്ങുന്ന മഴ. നാജി എന്ന ഇറാക്കി-ഇംഗ്ലീഷ്കാരന്‍റെ വീടാണ്‌ ഷൂട്ടിംഗ് ലൊക്കേഷന്‍. എഗ്ലിംഗ്ടണിലെ ഈ വീട് ഒരുപാട് സിനിമകളില്‍ കയറിക്കൂടിയിട്ടുണ്ട്. തെംസ് വീതി കുറഞ്ഞ് ഒരു തോടു പോലെ ഒഴുകുന്നത് ഇവിടെയാണ്‌. നാജിയുടേത് എല്ലാ ആധുനികസൗകര്യങ്ങളുമുള്ള വീടാണ്‌. പുഴയ്ക്കപ്പുറം ബ്രിട്ടീഷ് രാജ്‌ഞിയുടെ കൊട്ടാരം വക, കുതിരസ്സവാരിക്കുള്ള സ്ഥലമാണ്‌. ഉല്ലാസനൗകകളില്‍ യാത്രക്കാര്‍ ഞങ്ങളെ നോക്കി കൈവീശി കടന്നു പോകുന്നു. ക്യാമറകളും, റിഫ്‌ളക്ടറുകളും, വിളക്കുകളുമൊക്കെ കാണുമ്പോള്‍ അവരും നല്ല ആകാംക്ഷയില്‍ പുറത്തേയ്ക്ക് തലയിട്ട് കൈകള്‍ വീശുന്നു. ഓരോ ഈരണ്ടു മിനിട്ടിലും ഹീത്രോ വിമാനത്താവളത്തില്‍ നിന്നും ഉയരുന്ന വിമാനങ്ങള്‍ മാത്രമായിരുന്നു, ഞങ്ങളെ തുടര്‍ച്ചയായി അലോസരപ്പെടുത്തിക്കൊണ്ടിരുന്നത്. ചിത്രാഞ്‌ജലിയിലെ കൃഷ്ണകുമാര്‍ ഈ ശബ്ദത്തെ വേര്‍ തിരിച്ചെടുക്കാന്‍ നന്നേ കഷ്ടപ്പെട്ടു. മഴ വരുമ്പോള്‍ മറ്റൊന്നും ചെയ്യാനില്ലാത്തതു കൊണ്ട് ഞങ്ങളൊക്കെ നൈജലിന്റെ ശ്രോതാക്കളായി. അയാളാണെങ്കില്‍ നല്ല ഒരു കാഥികനും. (ഇരുപതോളം ഹിന്ദി സിനിമകളുടെ സഹനിര്‍മ്മാതാവ് കൂടിയാണ്‌ ലണ്ടന്‍ നിവാസിയായ നൈജല്‍.) നോര്‍വ്വീജിയന്‍ നാടകകൃത്തായ ഹെന്‍‍റിക് ഇബ്സന്‍റെ 'മാസ്റ്റര്‍ ബില്‍ഡറെ' ആധാരമാക്കി കെ. പി. കുമാരന്‍ നിര്‍‍മ്മിക്കുന്ന‍ 'ആകാശഗോപുര' മായിരുന്നു, രംഗം.

കൈയിലൊരു മണിയും കിലുക്കി ആടയാഭരണങ്ങളൊക്കെയണിഞ്ഞെത്തുന്ന നഗരഘോഷകനെ കണ്ടാല്‍ ഒരു കടല്‍ക്കൊള്ളക്കാരന്‍റെ ഛായയുണ്ടായിരുന്നെന്ന് നൈജല്‍ പറയുന്നത് എനിക്കോര്‍മ്മ വരുന്നു. അംശാധികാരികള്‍ ഏല്പ്പിച്ചു വിടുന്ന കരം സംബന്ധിയായ വാര്‍ത്തകള്‍ ഗ്രാമ നഗരവാസികളിലെത്തിക്കുക എന്നതായിരുന്നു പ്രധാനമായും നഗരഘോഷകന്‍റെ ചുമതല. ജനങ്ങളുടെ ശ്രദ്ധ പിടിച്ചുപറ്റാന്‍ പാകത്തിനുള്ള വേഷങ്ങള്‍ അണിയേണ്ടത് ഇവരുടെ ചുമതലയാണ്‌. കൈയിലൊരു മണിയോ, തകരച്ചെണ്ടയോ ഉണ്ടാകും. അതിന്‍റെ ശബ്ദവും, വേഷവിധാനത്തിന്‍റെ ആകര്‍ഷണത്വവും ഗ്രാമ-നഗരവാസികളെ അയാളിലേക്കടുപ്പിക്കും. സാധാരണയായി മുക്കവലകളും, നാല്‍ക്കവലകളു മൊക്കെയാണ്‌ ഈ ഘോഷകന്മാര്‍ അവരുടെ വാര്‍ത്താവിതരണത്തിനായി തെരഞ്ഞെടുക്കുക. ആളുകള്‍ അടുത്തുകൂടാനായി എന്തെങ്കിലുമൊക്കെ മനോധര്‍മ്മാഭിനയങ്ങള്‍ ഇക്കൂട്ടര്‍ പുറത്തെടുക്കും. ആളുകള്‍ കൂടിയാലുടനെ ഔദ്യോഗിക വാര്‍ത്തകള്‍ അറിയിച്ച്, വീണ്ടും ചെണ്ട കൊട്ടുകയോ മണി കിലുക്കുകയോ ചെയ്യും. പിന്നീട്, ആ പ്രദേശത്ത് നഗരഘോഷകന്‍ വന്നതായും വാര്‍ത്താവിളംബരം നടത്തിയതായും ഉള്ള തെളിവിനായി രണ്ട് പ്രമുഖ വ്യക്തികളുടെ വിരലടയാളങ്ങളും വാങ്ങി അയാള്‍ മടങ്ങും. ഇങ്ങനെയുള്ള ഒരു കാലം പഴയ ഇംഗ്ലണ്ടില്‍ ഉണ്ടായിരുന്നതായാണ്‌ നൈജല്‍ പറഞ്ഞു വന്നത്.

ലോകത്തിന്‍റെ എല്ലാ ഭാഗങ്ങളിലും പഴയകാലത്ത് നഗരഘോഷകര്‍ ഉണ്ടായിരുന്നതായി കാണാം. മെക്സിക്കന്‍ ഗ്രാമങ്ങളില്‍ പണ്ടുകാലത്ത് നഗരത്തില്‍ നിന്ന് ചിലപ്പോഴൊക്കെ ഘോഷകര്‍ വന്നിരുന്നതായി എന്‍റെ വകുപ്പില്‍ തന്നെ അദ്ധ്യാപകനായ മൈക്കല്‍ പറയുകയുണ്ടായി. മൈക്കലിന്‍റെ മുത്തശ്ശി നിരക്ഷരയായിരുന്നെങ്കിലും, അയാളുടെ ചെറുപ്പകാലം ഇത്തരം ഒട്ടേറെ മെക്സിക്കന്‍ കഥകളാല്‍ സമ്പന്നമായിരുന്നു. ചിലപ്പോഴൊക്കെ കാല്‍നടയായും കുതിരവണ്ടിയിലുമൊക്കെയായി പരിവാരസമേതം വന്ന് വാര്‍ത്തകള്‍ അവതരിപ്പിച്ചു പോകുന്ന നഗരഘോഷകന്‍റെ ഒരു മാഞ്ഞുതുടങ്ങിയ ചിത്രം ഞാനാണ്‌ അയാളുടെ ഉള്ളില്‍ നിന്ന് തുട ച്ചുമിനുക്കിയതെന്ന് മൈക്കല്‍ എന്നോടു പറഞ്ഞു.

ഞങ്ങളുടെ കാളികാവിലും നഗരഘോഷകന്‍ സമ്പന്നമാക്കിയ ഒരു പഴയകാലം ഉണ്ടായിരുന്നു. പപ്പനാവന്‍ ആയിരുന്നു, കഥാപാത്രം. വേലന്‍ പപ്പനാവന്‍ എന്നു പറഞ്ഞാല്‍ പെട്ടെന്ന് ജനങ്ങള്‍ക്കോര്‍മ്മ വരും. മീനച്ചില്‍ താലൂക്ക് അധികാരികള്‍ വഴി പ്രവര്‍ത്തിയാരാപ്പീസിലെത്തുന്ന കരം സംബന്ധിയായ വാത്തകളാണ്‌ പ്ര ധാനമായും പപ്പനാവന്‍ അവതരിപ്പിച്ചു കൊണ്ടിരുന്നത്. ഒരു തരം പാര്‍ട്ട് ടൈം ഉദ്യോഗം. വര്‍ഷത്തില്‍ നാലോ അഞ്ചോ പ്രാവശ്യം മാത്രം വേണ്ടിവരുന്ന ഒരു തല്‍ക്കാലിക ജീവനക്കാരന്‍റെ ഈ പണി അതിയായ സന്തോഷത്തിലാണ്‌ അദ്ദേഹം ചെയ്തിരുന്നത്. നീട്ടിവളര്‍ത്തിയ മുടി, പപ്പനാവന്‍ ഒരു വെളിച്ചപ്പാടിനേപ്പോലെ ഇടയ്ക്കിടെ തലവെട്ടിച്ച് പിന്നിലേയ്ക്കാക്കുന്നത് എന്‍റെ ഓര്‍മ്മയില്‍ വളരെ കൃത്യമായി തങ്ങിനില്‍ക്കുന്നുണ്ട്. വില്ലേജാപ്പീസില്‍ നിന്ന് തീട്ടൂരമെത്തിയാലുടനെ, സാധാരണ ചെയ്യാറുള്ള ചുണ്ണാമ്പു പണിയൊക്കെ നിറുത്തി, പപ്പനാവനിലേയ്ക്ക് നഗരഘോഷകന്‍ ആവേശിക്കുകയായി.എഴുതിയെടുക്കുമ്പോള്‍ അക്ഷരത്തെറ്റുകളുണ്ടെങ്കിലും വായനയില്‍ തെറ്റുവരുത്താറില്ല, പപ്പനാവന്‍. പലയാവൃത്തി വായിച്ചു മന:പാഠമാക്കിയ സര്‍ക്കാര്‍ ശാസനകള്‍ ജനങ്ങള്‍ക്കായി പുറപ്പെടുവിക്കാന്‍ വല്ലാത്ത ഒരു ആവേശം തന്നെയാണ്‌, പപ്പനാവന്‌. ചെണ്ട കൊട്ടി ജനങ്ങളെയൊക്കെ വിളിച്ചുവരുത്തിയ ശേഷം പപ്പനാവന്‍ ഏതാണ്ട് ഇപ്രകാരം പറയുന്നത് എനിക്കോര്‍മ്മ വരുന്നു.

''അഭിവന്ദ്യരായ മാലോകരേ, ഗ്രാമവാസികളേ....

ബഹുമാന്യനായ മീനച്ചില്‍ തഹസീല്‍ദാരദ്ദേഹം കുറവിലങ്ങാട് പ്രവര്‍ത്തിയാരാപ്പീസു വഴി അറിയിക്കുന്നതെന്തെന്നാല്‍ .....(ചെണ്ട കൊട്ടുന്നു)
ഈ ചിങ്ങമാസം മുപ്പതിനു മുമ്പായി സകലമാനപേരും തങ്ങളുടെ പേരിലുള്ള സ്ഥാവര സ്വത്തുക്കളിന്മേലുള്ള നികുതി അടച്ച് രശീതികള്‍ കൈപ്പറ്റേണ്ടതാണ്‌.
(വീണ്ടും ചെണ്ട....) -- തത്പ്രവൃത്തിയില്‍ വീഴ്ച വരുത്തുന്നവരുടെ സ്വത്തുക്കള്‍ സര്‍ക്കാരിലേയ്ക്ക് കണ്ടുകെട്ടാന്‍ സാദ്ധ്യതയുള്ളതുമാകുന്നു.'' (ചെണ്ട.....)

പിന്നെ, കേട്ടുനിന്നവരില്‍ രണ്ടാളുകളുടെ വിരലടയാളം പതിച്ച് സാക്ഷ്യവും വാങ്ങുന്നു.

ഇങ്ങനെ മൂന്നോ നാലോ പ്രാവശ്യം പല സ്ഥലത്തായി മാറി നിന്ന് വിളിച്ചുപറഞ്ഞതിനു ശേഷം അടുത്ത ലക്ഷ്യത്തിലേയ്ക്ക് പപ്പനാവന്‍ നീങ്ങുകയായി.

സര്‍ക്കാര്‍ ജോലി അവസാനിച്ചാലുടന്‍ പപ്പനാവന്‍ ചുണ്ണാമ്പു നിര്‍മ്മാണത്തിലേയ്ക്കും അതിന്റെ വിപണനത്തിലേയ്ക്കും ശ്രദ്ധ തിരിക്കും.

ചുണ്ണാമ്പുനിര്‍മ്മാണത്തിലെ ബോറടി ഒഴിവാക്കാനെന്നോണം ഇടയ്ക്ക് തങ്കം ടാക്കീസിലെ സിനിമാ പരസ്യങ്ങളിലേയ്ക്ക് പോകും. ഇത്താക്ക് ചേട്ടന്‍റെ കടയില്‍ നിന്ന് ഒരു ആപ്പ് ചായയും (Half Tea) കുടിച്ച് പിടിവണ്ടിയും സംഘടിപ്പിച്ചു വന്നാല്‍ അതെല്ലാം അലങ്കരിച്ച് ഭംഗിയാക്കേണ്ട ചുമതല പപ്പനാവന്‍റെയാണ്‌. പിടി വണ്ടി വലിക്കാനും സിനിമാ നോട്ടീസ് കൊടുക്കാനും ഓരോരുത്തരെ അയാള്‍ പിടികൂടും. അതിനാണെങ്കില്‍ എന്നും കുട്ടികള്‍ക്കിടയില്‍ കടിപിടിയാണ്‌. ചന്തയില്‍ കപ്പലണ്ടി വിറ്റോ, കടത്തിണ്ണകളില്‍ ചൊറികുത്തിയോ ഇരിക്കുന്ന കുട്ടികളില്‍ പലര്‍ക്കും പപ്പനാവന്‍റെ കൂടെക്കൂടാന്‍ സന്തോഷമേയുള്ളു. കുട്ടപ്പായിയുടെ ചായക്കടയില്‍നിന്ന് രണ്ടുനേരം പരിപ്പുവടയും ഉച്ചയ്ക്ക് ഒരൂണും വൈകിട്ട് സൗജന്യമായി ഒരു സിനിമയും എട്ടണ പോക്കറ്റ് മണിയും കിട്ടിയാല്‍ കപ്പലണ്ടിക്കച്ചവടത്തേക്കാള്‍ ലാഭമാണ്‌, കുട്ടികള്‍ക്ക്. പപ്പനാവന്‍റെ പണി, ചെണ്ടകൊട്ടും. രാവിലെ പത്തുമണിക്ക് പിടിവണ്ടിയുമായി ഇറങ്ങിയാല്‍ ഫസ്റ്റ് ഷോയ്ക്ക് മുമ്പായി പപ്പനാവനും പരിവാരങ്ങളും മടങ്ങിയെത്തി പരസ്പരം കണക്കുകള്‍ തീര്‍ത്ത് സിനിമ കാണാന്‍ തയ്യാറായി കൊട്ടകയുടെ പരിസരത്ത് ചുറ്റിത്തിരിയുന്നുണ്ടാകും.

കളത്തൂര്‍ സ്ക്കൂളില്‍ ഒന്നാം ക്ലാസ്സില്‍ പഠിക്കുമ്പോള്‍ ഒരു ദിവസം സ്ക്കൂള്‍ നേരത്തേ വിട്ടത് ഓര്‍മ്മ വരുന്നു. ഒരു സര്‍ക്കസ്സ് പ്രകടനമായിരുന്നു കാരണം. സര്‍ക്കസ്സുകാരനെ കണ്ടപ്പോള്‍ തന്നെ ഞാന്‍ എന്‍റെ കൂട്ടുകാരന്‍റെ ചെവിയില്‍ പറഞ്ഞു.

''ഈ ചേട്ടനെ എനിക്കറിയാം. നമ്മടെ അവടെയൊക്കെ ചെണ്ട കൊട്ടി വരുന്ന പപ്പനാവനാ അത്!''

കുറേ നേരം ഒറ്റച്ചക്രമുള്ള ഒരു സൈക്കിളില്‍ കയറി നടന്ന പപ്പനാവന്‍, തോളിലെ തോര്‍ത്തെടുത്ത് സ്കൂളിന്‍റെ ഉത്തരത്തില്‍ കൊളുത്തി ഒരു പങ്കയായി പുനര്‍ജ്ജനിച്ചു. നീണ്ട മുടിയില്‍ ഭാരം കെട്ടി വലിച്ചു.പിന്നെ, തീ വിഴുങ്ങി വിശപ്പടക്കി. ഞങ്ങളെല്ലാം നാലണ വീതം നല്‍കി പപ്പനാവനെ മടക്കി അയച്ചു.

ഈ പണികളൊന്നുമില്ലാത്തപ്പോള്‍, അത്യാവശ്യം കൂടോത്ര- മന്ത്രവാദ പരിപാടികളും പപ്പനാവന്‌ ഉണ്ടായിരുന്നതായി ചരിത്രം രേഖപ്പെടുത്തുന്നുണ്ട്. കറുത്തവാവിന്‍റെ രാത്രികളില്‍ ശരീരം മുഴുവന്‍ എണ്ണയില്‍ മുക്കിയെടുത്ത് ചില ഒടിവിദ്യകള്‍ പ്രയോഗിച്ചിരുന്നതായി പറയപ്പെടുന്നു. പിടി വീണപ്പോഴൊക്കെ പലപ്പോഴും ശരീരത്തിലെ എണ്ണയാണ്‌ രക്ഷപ്പെടുത്തിയിരുന്നത്. പിന്നീട് വരുന്ന ഏത് അന്വേഷണങ്ങള്‍ക്ക് മുമ്പിലും 'ഞാനീ നാട്ടുകാരനേ ആയിരുന്നില്ല' എന്ന രീതിയില്‍ നിസ്സംഗനായിരുന്ന് ചുണ്ണമ്പു വാറ്റുന്ന പപ്പനാവനെ കാണാമായിരുന്നു.

എട്ടാം ക്ലാസ്സിലെ പരീക്ഷ കഴിഞ്ഞുള്ള അവധിക്കാലത്താണ്‌, നമ്മുടെ വീട്ടില്‍ പണിക്കു വരുന്ന പാപ്പു എന്നോടു ചോദിച്ചു.

''കൊച്ചറിഞ്ഞോ, നമ്മുടെ പപ്പനാവനെ ലോറിക്കാരു പൊക്കിയത്?''
''ഇല്ല''.

''ആ... ഒരു ദിവസം രാത്രി വീടിന്‍റെ തിണ്ണേക്കെടന്നൊറങ്ങിയ പപ്പനാവനെ നേരം വെളുത്തപ്പ കാണാനില്ല. ചീരുത്തള്ളയാണെങ്കി..നെഞ്ചത്തടിച്ച് നെലവിളിയോട് നെലവിളി. ആള്‍ക്കാരെല്ലാം അങ്ങ കൂടീല്ലേ. തള്ള അലറി വിളിച്ചു. എന്‍റെ പപ്പാനാവന്‍ പോയ്യേ....ഇന്നലെയീ മൂധേവി അവനുമായി പാതിരായ്ക്ക് തല്ലുകൂടിയപ്പഴേ ഞാം വിചാരിച്ചതാ.... എന്‍റെ ചെക്കന്‍ പോയേ...... പപ്പനാവന്‍റെ കെട്ടിയോളാണെങ്കി ഒരു മൂലയ്ക്കിരുന്നു കരച്ചിലും പിഴിച്ചിലും. അയല്‍വക്കം മുഴുവന്‍ കെട്ടിയോളെ കുറ്റപ്പെടുത്തി. തലേന്ന് പാതിരാത്രിയ്ക്ക് 'മൂലവെട്ടി'യുമടിച്ച്, നാലുകാലില്‍ കയറി വന്ന പപ്പനാവനെ ഭാര്യ കൈയോടെ പിടി കൂടി. ഭാര്യയുടെ ചീത്തവിളിയില്‍ ശുണ്‌ഠി പിടിച്ച് പപ്പനാവന്‍ ഭക്ഷണമൊന്നും കഴിക്കാതെ വീടിന്‍റെ തിണ്ണയില്‍ കിടന്നുറങ്ങി. നേരം വെളുത്തപ്പോ.. ആളെ കാണാനുമില്ല. ആള്‍ക്കാരാണെങ്കില്‍ തരം പോലെ മസാല ചേര്‍ത്ത് രംഗമൊന്നു ചൂടാക്കി കൊഴുപ്പിച്ചു. കൊഴുക്കുന്തോറും ചീരുത്തള്ള നെഞ്ചത്തടിയും അലമുറയും അഞ്ചാം ഗിയറിലേയ്ക്ക് കയറ്റി. അങ്ങനെ എന്തു വേണ്ടൂ എന്നിങ്ങനെ വിചാരിച്ചിരിക്കുമ്പം അതാ ഒരാള്‍ മഞ്ഞുകാലത്ത് നടക്കുന്നതു പോലെ തലയില്‍ മുണ്ടിട്ട്, ഏന്തിയേന്തി വരുന്നു....
ആരാ..?''

''ആരാ?'' - ഞാന്‍ ചോദിച്ചു.

''നമ്മടെ പപ്പനാവന്‍ .... അല്ലാണ്ടാര്‌...?''

നാട്ടുകാര്‍ പപ്പനാവനെ ആണ്ടുപൂണ്ടു പിടിച്ചു.

പപ്പാനാവാ.... ഇതെന്തു പറ്റി?

പപ്പനാവന്‍ മിണ്ടുന്നില്ല.

നമ്മക്ക് പരിഹാരം ഉണ്ടാക്കാം. നീ എന്തു പറ്റീന്ന് കാര്യം പറ.

കഥാനായകന്‌ ഇളക്കമില്ല. തള്ളയാണെങ്കില്‍ ഒരു കട്ട കൂട്ടിവച്ച് എണ്ണിപ്പാടാന്‍ തുടങ്ങി.

സംഗതി വഷളായേക്കുമെന്നും, തള്ളയുടെ ലക്ഷ്യം മരുമകളാണെന്നും, എല്ലാം തകിടം മറിഞ്ഞതിനു ശേഷം പുനപ്രതിഷ്ഠ അസാദ്ധ്യമായേക്കുമെന്നും തോന്നിയ നിമിഷം ഗത്യന്തരമില്ലാതെ പപ്പനാവന്‍ പറഞ്ഞു.

''ന്നെ.... ലോറിക്കാരു പൊക്കീതാ...''

''ച്ഛേ.....''

ആകാംക്ഷയുടെ ടയറുകളെല്ലാം പങ്ചറായത് ഒരുമിച്ചായിരുന്നു. പലരും അടുത്തു നിന്നവരുടെ ചെവികളില്‍ അടക്കം പറയാനും ചിരിക്കാനും തുടങ്ങി.... ചിലരൊക്കെ പിരിഞ്ഞു. ചിലരൊക്കെ ശേഷം ഭാഗം സ്ക്രീനില്‍ കാണാന്‍ കുറച്ചു കൂടി അടുത്തു നിന്നു.

വളരെ ചുരുക്കി പറഞ്ഞാല്‍, പുതച്ചു മൂടി തിണ്ണയില്‍ കിടന്നുറങ്ങിയ പപ്പാനാവനെ, നീളമുള്ള മുടി കണ്ട് ഒരു തെറ്റിദ്ധാരണയാല്‍ ലോറിക്കാരു വണ്ടിയില്‍ കയറ്റിക്കൊണ്ടു പോയി. പപ്പനാവന്‍ ഉണര്‍ന്നപ്പോഴേയ്ക്കും ലോറി കുറവിലങ്ങാട് കഴിഞ്ഞ് കോഴായില്‍ എത്തിയിരുന്നു. ബഹളമുണ്ടാക്കിയപ്പോള്‍ ലോറി നിറുത്തി, പുറത്തിറക്കി. നടക്കാന്‍ തുടങ്ങിയപ്പോള്‍ നടുവിന്‌ ഒരു തൊഴിയും കൊടുത്ത്, ലോറിക്കാര്‍ സ്ഥലം വിട്ടു. ഏന്തലിന്‍റെ തുടക്കം ആ വീഴ്ചയില്‍ നിന്നാണ്‌.

തുടര്‍ന്നുള്ള ദിവസങ്ങളിലെല്ലാം പപ്പനാവന്‍ തലയില്‍ മുണ്ടുമിട്ട് വീട്ടില്‍ ത്തന്നെ കൂടിയതിന്‍റെ രഹസ്യം പിന്നീടാണ്‌ നാട്ടുകാര്‍ക്കൊക്കെ മനസ്സിലായത്. അളിയന്‍ അപ്പായി സംഭവത്തിന്‍റെയന്ന് രാത്രി തന്നെ കവലയില്‍ ബാര്‍ബര്‍ ഷാപ്പ് നടത്തുന്ന നീലാണ്ടനെ വീട്ടിലേയ്ക്ക് വിളിച്ചുവരുത്തി, പപ്പനാവന്‍റെ തല ബലമായി മൊട്ടയടിപ്പിച്ചതിന്‍റെ ദു:ഖാചരണമായിരുന്നു, അത്.

കഥയങ്ങനെ കുറേ നീണ്ടുപോയി....

ഡേവിഡ് വോളിക് ആണ്‌, ഇപ്പോള്‍ ഞാന്‍ താമസിക്കുന്ന ബര്‍ലിംഗ്ടണി
ലെ‍ (കാനഡ) നഗരഘോഷകന്‍. ഭാര്യ ബാര്‍ബറ സഹയാത്രികയും. കോമ്പസ് പോയിന്‍റിലെ ബൈബിള്‍ പള്ളിയിലെ 'ക്രയര്‍' ആണ്‌ അദ്ദേഹം. കുറച്ചുകൂടി വലിയ ഒരു 'ക്രയര്‍' ആകാനായിരുന്നു, അദ്ദേഹം വാര്‍ഡ് കൗണ്‍സിലര്‍ ആയ റിക് ക്രേവനോട് ഒരു 'നഗരഘോഷക'ന്‍റെ നിര്‍ദ്ദേശം വച്ചത്. അങ്ങനെ, നഗരപിതാവിന്‍റെയടുത്ത് ആ ഹ‍ര്‍ജിയെത്തി. കൗണ്‍സില്‍ ‍കൂടി ഔദ്യോഗികമായി അപേക്ഷകള്‍ ക്ഷണിച്ചു. മറ്റാരും അപേക്ഷകരായി ഇല്ലാതിരുന്നതിനാല്‍ പണി ഡേവിഡിനു തന്നെ ലഭി‍ച്ചു.

''ഒരു നിലവിളിക്കാരനാവാന്‍ ആരും ആഗ്രഹിക്കുന്നില്ലെന്ന് തോന്നുന്നു. ദാറ്റ് വോസ് എ സിംഗിള്‍ ക്രൈ!'' - ഡേവിഡ് എന്നോട് പറഞ്ഞു.

സിനിമയിലും വീഡിയോ ചിത്രങ്ങളിലുമൊക്കെ കണ്ട അതേ രൂപവും ഭാവവും; കൊച്ചുകുട്ടികളില്‍ ചിലരൊക്കെ കരഞ്ഞു വിളിച്ചു.

''കടല്‍ക്കൊള്ളക്കാരന്‍!''

''ഇതാണോ ഒഫീഷ്യല്‍ ക്രയറിന്‍റെ ജോലി?'' ഞാന്‍ ചോദിച്ചത് കേട്ട് കൂടിനിന്ന ജനങ്ങളൊക്കെ ചിരിച്ചു. ഡേവിഡും കുടവയര്‍ കുലുക്കി ചിരിച്ചു. കരഞ്ഞ കുട്ടികള്‍ക്ക് കോലുമിഠായി കൊടുത്ത്, ഡേവിഡ് ഭയമകറ്റി. ഓടിക്കൂടിയ കുട്ടികളില്‍ ചിലരൊക്കെ ഡേവിഡിനെ തൊട്ടുനോക്കി. ചിലര്‍ കൂടെ നിന്ന് ചിത്രങ്ങളെടുക്കാന്‍ ഉത്സാഹം കാണിച്ചു.

റേഡിയോയും, ടെലിവിഷനും, പത്രങ്ങളും ഇല്ലാതിരുന്ന ഒരു കാലത്തേയ്ക്ക്, ഡേവിഡ് ഞങ്ങളെ കൊണ്ടുപോയി. നിരക്ഷരരുടെ ഒരു ജനപദത്തിലേയ്ക്ക് വാര്‍‍ത്തകള്‍ ‍ കൊണ്ടുവന്നിരുന്ന കുറേയാളുകള്‍. ക്ഷാമം, പട്ടിണി, യുദ്ധം, ഉത്സവം, കരം പിരിവ്, രാജശാസന - തുടങ്ങിയവയൊക്കെയായിരുന്നു, നഗരഘോഷകന്‍റെ 'അല‍ര്‍ച്ചാവിഷയങ്ങള്‍'.‍

മേജര്‍ ഡി.എച്ച്. ബോബ് ബേണ്‍സ് ആണ്‌ ഇതുവരെ ഉണ്ടായിട്ടുള്ള നഗരഘോഷകരില്‍ ഏറ്രവും വലിയ ശബ്ദത്തിന്‍റെ ഉടമ. ഇംഗ്ലണ്ടിലെ ചെഷയറില്‍ ജനിച്ച അദേഹം പിന്നീട് പട്ടാള ഓഫീസറായി. ബെര്‍മുഡയിലെ സെയിന്‍റ് ജോര്‍ജസില്‍ അവസാന നാളുകളില്‍ നഗരഘോഷകനായിരുന്ന അദ്ദേഹം 1993 ല്‍ അന്തരിക്കുമ്പോള്‍, ഏറ്റവും വലിയ മനുഷ്യശബ്ദത്തിനുടമയായിരുന്നു. 113
ഡെസിബെലിലേയ്ക്ക് സ്വന്തം ശബ്ദത്തെ ഉയര്‍ത്തി അദ്ദേഹം ഗിന്‍നെസ്സ് റെ ക്കോര്‍ഡിനുടമയായി.

ലോകത്തിന്‍റെ പലഭാഗത്തും പണ്ട് നഗരഘോഷകര്‍ ഉണ്ടായിരുന്നതായി ചരിത്രം രേഖപ്പെടുത്തിയിട്ടുണ്ട്. പല രാജ്യങ്ങളും ഒരു ചടങ്ങെന്നോണം ഈ രീതികള്‍ പരിപാലിച്ചും പോരുന്നുണ്ട്.

''ഓ...യ് ....യ്യേ ..... '' (Hear Ye.. എന്നര്‍ത്ഥം) എന്നുള്ള ശ്രദ്ധക്ഷണിക്കലിന്‍റെ വിവിധ അലര്‍ച്ചാരീതികള്‍ ഇന്‍റര്‍നെറ്റിലും ഇപ്പോള്‍ ലഭ്യമാണ്‌.

ശാപമോക്ഷം കിട്ടുന്ന വാക്കുകള്‍

2011-08-09T22:35:00.000-07:00

-സുരേഷ് നെല്ലിക്കോട്

ഭരണമുന്നണിയുടെ ഹെഡ്മാസ്റ്ററായ ചീഫ് വിപ്പ് സര്‍ക്കാര്‍ ഉദ്യോഗസ്ഥരോട് പെരുമാറുന്ന രീതി ഇനിയും കണ്ടിട്ടില്ലാത്തവര്‍ എത്രയും പെട്ടെന്ന് യൂ-റ്റ്യൂബിനു മുമ്പില്‍ ക്യൂ പാലിച്ച്, ടിക്കറ്റെടുത്ത് ഉള്ളില്‍ കയറേണ്ടതാണ്‌. ചില വാക്കുകളെ നാം തെറികളായി പ്രഖ്യാപിച്ച് പണ്ടുകാലം മുതലേ മാറ്റി നിറുത്തിയിരുന്നു. അവയാണെങ്കില്‍ ശാപമോക്ഷവും കാത്ത് നൂറ്റാണ്ടുകളായി അലഞ്ഞു തിരിയുകയായിരുന്നു. അമരകോശത്തിലും, നിഘണ്ടുവിലുമൊക്കെ കയറിക്കൂടാന്‍ ഒട്ടേറെ ശ്രമിച്ചിട്ടും അവ രക്ഷപെട്ടില്ല. വല്ലപ്പോഴും, മനുഷ്യര്‍ തമ്മില്‍ തല്ലുകൂടുമ്പോഴും ഇപ്പോള്‍ ആ വാക്കുകള്‍ ഉപയോഗിക്കാത്തതിനാല്‍, അവയ്ക്ക് വീണ്ടും അലഞ്ഞുതിരിയാനായിരുന്നു വിധി. ഇംഗ്ലീഷിലെ തെറികള്‍ പോലും ഡിക് ഷ്ണറിയിലും ഇന്‍റെര്‍നെറ്റിലും കിട്ടിത്തുടങ്ങിയെന്നൊരു ഹര്‍ജി കൊടുത്തിട്ടും അവ മലയാളം നിഘണ്ടുവിലേയ്ക്കൊന്നും പരിഗണിക്കപ്പെട്ടില്ല.

ഇപ്പോള്‍, പൂഞ്ഞാറിലെ വൈദ്യുതിയാപ്പീസില്‍ അവയ്ക്കൊന്നു നടു നിവര്‍ത്താന്‍ ഒരവസരം കിട്ടിയിരിക്കുന്നു. അതും ഔദ്യോഗികമായി, ഒരു പ്രധാനപ്പെട്ട ജനപ്രതിനിധി തന്നെ. തെറി കിട്ടിയത് കേരള കോണ്‍ഗ്രസ്സിന്‍റെയോ, കോണ്‍ഗ്രസ്സിന്‍റെയൊ തൊഴിലാളി സംഘടനകള്‍ക്കാണെന്നത് ഉറപ്പ്. മറ്റുള്ളവരാണെങ്കില്‍ ഒന്നു തിരിച്ചെങ്കിലും വാള്‍ വീശുമായിരുന്നു. അല്ല.. അതെങ്ങനെ വീശും അല്ലേ? വാളുവച്ചു കിടക്കുന്നവര്‍ ആരായാലും തിരിച്ചടിച്ചാല്‍ വിവരം അറിയുമല്ലോ! (കറണ്ട് പോയപ്പോള്‍, നന്നാക്കാതെ വാളുവച്ച് കിടന്നുറങ്ങിയതിനായിരുന്നല്ലോ, തെറിവിളി!) അപ്പോള്‍, വാദി വീണ്ടും പ്രതിയാകും. അങ്ങനെ, തിരിച്ച് മിണ്ടാതിരുന്നതുമാകാം. പിന്നെ, ഹെഡ് മാഷിന്‍റെ കൈയില്‍ തോക്കും ഉണ്ടാവാന്‍ സാധ്യതയുണ്ടല്ലോ. ഒരു ചോദ്യം ചെയ്യലിലൂടെ ജീവന്‍ കളയാന്‍ ആരെങ്കിലും മിനക്കെടുമോ?

അങ്ങനെ ഒരു തെറിക്ക് ജനപ്രതിനിധിയിലൂടെ ശാപമോക്ഷം കിട്ടിയിരിക്കുന്നു. ഈ യൂ-ട്യൂബ് ഒരു വല്ലാത്ത സാധനം തന്നെ! ഒരു സെന്‍സര്‍ഷിപ്പിനെക്കുറിച്ച് ആലോചിക്കുന്നതിനു മുമ്പ് തന്നെ അത് ജനങ്ങളുടെ സിരകളില്‍ കയറി മത്തു പിടിപ്പിച്ചിരിക്കും.

മനോരമ റ്റീവിയിലെ ജോണി ലൂക്കോസ് ഇക്കാര്യം പറഞ്ഞ് അദ്ദേഹത്തെ ഒന്ന് നേരേ ചൊവ്വേയാക്കാനൊരു ശ്രമം നടത്തിയിട്ടും രക്ഷയില്ലാതായി. അദ്ദേഹം ഒരിഞ്ച് വിട്ടു കൊടുത്തില്ല. ചെയ്തത് അപ്പടിയും ശരിയെന്നു തന്നെ വാദം. മാത്രമല്ല, അതു പോരെന്നും, ഇവര്‍ക്കൊക്കെ അതില്‍ക്കൂടുതലായി എന്തെങ്കിലും ചെയ്യണം എന്ന ഒരു ആഗ്രഹം ബാക്കിയുണ്ടെന്നും. അപ്പോള്‍ എനിക്കൊരു സംശയം. ട്യൂബിലെ തെളിവും ഊറ്റിയെടുത്ത് ആരെങ്കിലും കോടതിയില്‍ പോയാല്‍ സാറ് കുടുങ്ങുകയില്ലേ? മനോരമയില്‍ പ്രത്യേകിച്ചും അത് നിഷേധിക്കാനുള്ള ഒരു ചാന്‍സ് അദ്ദേഹം കളഞ്ഞുകുളിച്ച സ്ഥിതിക്ക്. അല്ല.. അതെങ്ങനെ നിഷേധിക്കാന്‍ കഴിയും അല്ലേ, ട്യൂബ് ഇങ്ങനെ ലോകം മുഴുവന്‍ വാര്‍ത്ത പരത്തിയ സ്ഥിതിക്ക്? പിന്നെ, പല വീരന്മാരും പറഞ്ഞതു പോലെ ഉറക്കെയങ്ങ് നിഷേധിക്കണം. എന്നിട്ട് തന്‍റെ ശബ്ദമല്ല അതെന്ന് പത്രസമ്മേളനം നടത്തി പ്രഖ്യാപിക്കണം. ആ ഒരു വഴി മാത്രമേ ബാക്കിയുള്ളു എന്നു ചിന്തിച്ചാലും ശരിയാവില്ല, മനോരമയില്‍ അത് നിഷേധിക്കാത്തിടത്തോളം കാലം.

എന്‍റെ ഒരുകാര്യം! മനുഷ്യമനസ്സൊരു കടിഞ്ഞാണില്ലാത്ത കുതിരയാണെന്ന് പണ്ടാരോ പറഞ്ഞതെത്ര ശരിയാണ്‌! ജോര്‍ജ് സാറിന്‍റെ സ്ഥാനത്ത് വെറുതെ ഞാന്‍ ഉമ്മന്‍ ചാണ്ടിയേയും, തിരുവഞ്ചൂരിനേയും, കെ.എം.മാണിയേയും ഒക്കെ സങ്കല്പിച്ചു നോക്കി രസിച്ചു. ഇവരൊക്കെ തിരുവനന്തപുരത്തേയും, കോട്ടയത്തേയും, പാലായിലേയും വൈദ്യുതിയാപ്പീസില്‍ കടന്നു കയറി ഇങ്ങനെയൊരു സ്പീച്ച് കൊടുക്കുന്നതിനെപ്പറ്റി. എന്തിന്‌, ഞങ്ങളുടെ മണ്ഡലം കമ്മിറ്റി പ്രസിഡന്‍റായ കറിയാച്ചേട്ടനെപ്പോലും. ഛെ...ശരിയാകുന്നില്ല.
ആകെ മാച്ച് ആയ ഒരാള്‍ ആ കോടതിയെ ചീത്തവിളിച്ച ജയരാജന്‍ ചേട്ടനാണ്‌. കഴിഞ്ഞതിന്‍റെ മുമ്പിലെ തെരഞ്ഞെടുപ്പ് കാലത്ത് ആ പാവം എ.ഡി.എമ്മിന്‍റെ മേക്കേറി മേല്‍പ്പൂട്ടിടുന്ന രംഗം. അദ്ദേഹമൊഴിച്ച് മറ്റെല്ലാവരും ആ സ്ഥാനത്ത് ചേരാതെ മുഴച്ചു നില്‍ക്കുന്നു. പിന്നെ, കണ്ണൂര്‍ക്കാരന്‍ സുധാകരേട്ടനേയും കഷ്ടിച്ച് ഒപ്പിക്കാം. പക്ഷേ, അദ്ദേഹം എത്ര നിര്‍ബ്ബന്ധിച്ചാലും തെറി പറയുകയില്ല. അതൊഴിച്ച് എന്തു വേണമെങ്കിലും ചെയ്യും. വേണമെങ്കില്‍ രണ്ടു പൊട്ടിക്കാനും മടിക്കില്ല. ജോര്‍ജ് സാര്‍ പറഞ്ഞതുപോലെ, ജനങ്ങള്‍ക്ക് വേണ്ടിയല്ലേ, ഇതിലപ്പുറവും ചെയ്യാം. അങ്ങനെ നോക്കുമ്പോള്‍, ജോര്‍ജ് സാറിന്‌, ഭരണപക്ഷത്തും പ്രതിപക്ഷത്തുമായി തെറിവിളിയില്‍ ഒരു വെല്ലുവിളി ജയരാജന്‍ ചേട്ടന്‍റെ പക്ഷത്തു നിന്നു മാത്രമേയുള്ളു.

അല്ലെങ്കില്‍ത്തന്നെ, ഈ തെറീന്നൊക്കെ പറയണത് എന്താ? രണ്ടോ, മൂന്നോ അക്ഷരം ചേര്‍ത്തൊരു വാക്കുണ്ടാക്കി, അവയ്ക്ക് ഭ്രഷ്ട് കല്‍പ്പിക്കുക. അതിലെന്തുകാര്യം. യൂറോപ്പിലും അമേരിക്കയിലുമൊക്കെ വെള്ളക്കാരന്‍ വര്‍ത്തമാനത്തിനിടെ സമൃദ്ധമായി ഒരു 'നാലക്ഷരവാക്ക്' ഉപയോഗിക്കും. അതിന്‌ ആണെന്നോ, പെണ്ണെന്നോ, അച്ഛനെന്നോ, അമ്മയെന്നോ വ്യത്യാസമില്ല. ബാങ്കിലും, സ്കൂളിലുമൊക്കെ സ്ഥിരമുപയോഗിക്കുന്ന ആ വാക്ക്, ഗള്‍ഫിലെ പൊതുസ്ഥലത്തൊക്കെ പ്രയോഗിക്കുമ്പോള്‍ അവന്മാരെയൊക്കെ വിരട്ടി, ഞങ്ങള്‍ ക്ഷമ പറയിക്കാറുണ്ട്.

എന്നാലും ഒരു ശങ്ക ബാക്കി. ജനപ്രതിനിധികളൊക്കെ സംശയാതീതമായും നല്ല പെരുമാറ്റത്തിന്‍റെ ഉടമകളാവേണ്ടതല്ലേ? അവര്‍,ഡിക് ഷ്ണറിയിലില്ലാത്ത വാക്കുകള്‍ പ്രയോഗിക്കാന്‍ പാടുണ്ടോ?

ചെമ്പന്‍ ചിന്തകള്‍

2011-08-03T17:47:00.000-07:00

-സുരേഷ് നെല്ലിക്കോട്

ഇവന്‍ എന്റെ ചെമ്പന്‍ കുഞ്ഞ്.
ഇപ്പോള്‍ കണ്ടുകണ്ടിവനെന്നെ
പേടിയേയില്ല!

ആദ്യമൊക്കെ ഇവനെന്റെ
വാക്കുകള്‍ തട്ടിമറിച്ച്,
ആകാശത്തിലേയ്ക്കുയരുകയോ,
വെള്ളത്തിലേക്കൂളിയിടുകയോ
ചെയ്തിരുന്നു.

ഇപ്പോള്‍,
എന്റെ ചെമ്പനെന്നെ
പേടിയേയില്ല.

തൊട്ടാല്‍,
പഴയസ്നേഹമൊന്നുമില്ലല്ലോ
എന്നപോല്‍,
കണ്ണുകളടയ്ക്കും.

പിന്നെ,
ഞാന്‍ കേണാല്‍
കരയേണ്ടെന്നും
ഇങ്ങനെയല്ലേ വിമാനം
താഴേക്കിറങ്ങുന്നതെന്ന്
അനുകരിച്ചു കാണിക്കും.

അല്ലെങ്കില്‍,
പഴയതു പോലെ
വെള്ളത്തിലേയ്ക്കു മുങ്ങി,
കൊക്കിലൊരു
മീനുമായി വരും.

എന്നിട്ട്, ഞാന്‍ ചോദിച്ചാലോ,
അപ്പോള്‍ വിഴുങ്ങും.

ചിരിച്ചിട്ട്,
കണ്ണുകളിറുക്കി
അവന്‍ പറയുകയായിരുന്നു,
പസിഫിക്കിന്റെ ചെമ്പന്‍ കൂട്ടം
ഇപ്പോള്‍ സ്വതന്ത്രരാണെന്നും,
കൂട്ടത്തോടെ
പിന്നാലെയുണ്ടെന്നും!

-----------------

“Love is how you stay alive, even after you are gone”

2011-06-16T21:01:00.001-07:00

This is the third time I'm finishing the 'Tuesdays with Morrie'. It's no doubt a priceless contribution to the world literature. A not only not-to-be-missed one, but certainly a rediscovery of life. Each time I finish, I get rid of the fear of death. The world, by and large, seems to be turning a cold shoulder to such matters.

If you have a grand parent, an uncle, a teacher or a colleague who understands you very well in your life, this is a must-read, and you'll love at life, be it all the more discouraging, and live on in the hearts of everyone you have touched and nurtured while you were here.

Death ends a life, not the various lovely relationships you built. This gives a deeper awareness of the realities that sustain and unite us all.

Author : Mitch Albom - Renowned journalist, writer and broadcaster, lives in Michigan, USA.

The Advent of Spring

2011-05-24T09:02:00.000-07:00

It's been a long, hard winter - I was told. Ice melted away. Green sprouts everywhere.

Gary says, "Winter is like that last drunken-party-guest who just doesn't know when to leave." Gary is a self-proclaimed travel nut, with apt observations and inferences. He reasons well and his wits are bold.

Suja likes spring. The rebirth of nature. The hide and seek of rain. She's in love with the lilac that stands in front of our house - drowsy, leafless, with a faded wintry smile. Every morning she tries waking her up.

"Laila, my Miss congenial, lazy bum, get up. It's time to put your shoulder to the wheels. Don't think that you are the only plant that carries the agonising pains of winter."

Like a coy bride, Miss Lilac doesn't even look up. She nods to sleep again. But Suja forces her way into a sunlit world. Finally, under allround pressure she slowly wakes up to the rough realities of this not-so-lit world. Green sprouts like goose pimples. Lilac answered to Suja's calls. She even gets up before Suja does, like an early to rise tot waking up her mother. A few days, and it's green everywhere.

Sapsuckers landed on white birches and they rustled their leaves in response.

The slender, hardy asked, " where've you been all these days when everything was falling apart?''

For a while he bowed down. Then said, ''winter was so harsh and turned my marrow frozen red. Couldn't stand and flew.''

''What brought you back over?", asked the tree.

''The sap... and sap alone in you makes me oblivious of the miles I flew'', said the bird.

A tear had slipped down from the birch.
''Still you held me in fond remembrances. You're a guest to my immobility, and I'm honoured.''

Once barren, ice-coated and frozen branches now brimmed with life and started waving their leaves.

The bird started hammering away, excavating cavities in the trunks.

Tuk ......Tuk ......tuktuk.....

''Haven't you still got the right wood for your ship?"

Woodpecker raised his head.
It's none other than the Saw Whet Owl.
He does not like the round eyed who always act like a spy and question all others. He's lazy, never makes a nest and always uses the cavities or nests made by others. He's always prying into the personal matters of others with a scornful look. Other birds are even scared to look into his round eyes. When they call him 'Snoopy', he gets irritated and offended, follows them and shouts back to a peck of troubles.

Woodpecker stopped his work and flew away, telling the birch that he would be back after some time.

The hooter angled his looks down here and there, couldn't see anyone to tease, also flew back.

A little away, a column of smoke winds into the sky.

It was the advent of spring! Hope it's eternal.

Suresh Nellikode

തളിര്‍ക്കുന്ന ഒരു കാലം..

2011-05-14T10:29:00.001-07:00

ചാറ്റല്‍ മഴയ്ക്കു മുന്‍പേ കിതപ്പിന്റെ കുളമ്പടികളുമായെത്തിയ വൈശാഖക്കാറ്റ് ഉണങ്ങിത്തളര്‍ന്നു നിന്ന എന്റെ പിന്‍ മുറ്റത്തെ മുന്തിരിവള്ളികളെ ഇക്കിളിയിട്ട് കടന്നുപോയിട്ട്, ഇന്നേയ്ക്ക് ഒരാഴ്ച്ച.

ഇന്ന്, അവ പൂത്തിരിക്കുന്നു!

വളര്‍ച്ചയുടെ കണക്കെടുപ്പിനായി എന്നും രാവിലെ നാലു കര്‍ദ്ദിനാള്‍പ്പക്ഷികള്‍......

ഒരു തൊഴില്‍ വാര്‍ത്ത

2011-05-06T18:34:00.001-07:00

ഒരു കവി കുറച്ചുകാലം അബുദാബിയില്‍ ട്രക്ക് ഡ്രൈവര്‍ ആയി ജോലി ചെയ്തിരുന്നു. സാഹിത്യസമ്മേളനങ്ങളില്‍ അദ്ദേഹം കവിത അവതരിപ്പിക്കുമ്പോഴൊക്കെ സദസ്സിലിരുന്ന് പലരും അടുത്തിരിക്കുന്ന ആളുകളോട് പറയാറുണ്ടായിരുന്നു, ''അയാള്‍ മുനിസിപ്പാലിറ്റിയില്‍ ഡ്രൈവറാ!'' (ഈ ഡ്രൈവര്‍ ക്ക് മലയാളം വ്യാകരണത്തെറ്റില്ലാതെ എഴുതാന്‍ അറിയാമായിരുന്നു. വൃത്തവും അലങ്കാരവും എന്തെന്നറിയാമായിരുന്നു. കൂടെ താമസിച്ചിരുന്നവരെ ഇംഗ്ലീഷ് സംസാരിക്കാനും പ‍ഠിപ്പിച്ചിരുന്നു!)

ഇപ്പോള്‍ ഞാന്‍ താമസിക്കുന്ന രാജ്യത്തെ കുട്ടികള്‍ പലരും അഭിമാനത്തോടെ പറയുന്നത് ഞാന്‍ കേള്‍‍ക്കാറുണ്ട്.

മൈ ഡാഡ് ഈസ് എ ഹാന്‍ഡിമാന്‍.
മൈ ഫാദര്‍ ഈസ് എ പ്ലമര്‍. (Plumber) ‍
‍മൈ ഫാദര്‍ ഡസ് പെയ്ന്റിംഗ്.
മൈ ഡാഡ് വാസ് ദ ചീഫ് കാര്‍‍പ്പെന്റര്‍ ഫോര്‍ ദിസ് ബില്‍ഡിംഗ്.
...............

എന്റെ അയല്‍ ‍ക്കാരന്‍ കീത്ത്, ഒരുമണിക്കൂര്‍ ദൂരെയുള്ള യൂണിവേഴ്സിറ്റിയില്‍ വിവരസാങ്കേതികവിദ്യാവകുപ്പിന്റെ തലവനാണ്‌. അവിവാഹിതന്‍. വണ്ടിഭ്റാന്തന്‍. ‍വാരാന്ത്യങ്ങളിലും അവധിദിവസങ്ങളിലും, അടുത്തുള്ള ട്രാന്‍സ്പോര്‍ട്ട്‌ കമ്പനിക്കു വേണ്ടി ട്രക്കോടിച്ച് അടുത്ത സംസ്ഥാനങ്ങളിലേയ്ക്ക് പോകും. എനിക്ക് മറ്റ് തിരക്കൊന്നുമില്ലെങ്കില്‍ ഞാനും കീത്തിന്റെ കൂടെ കൂടും, സ്ഥലങ്ങള്‍ കാണാന്‍. കീത്തിന്റെ ഓരോ മണിക്കൂറിനും ട്രാന്‍സ്പോര്‍ട്ട് കമ്പനി കൊടുക്കുന്നത് 65 ഡോളറാണ്‌ (ഏകദേശം 2950 രൂപ). നമ്മുടെ നാട്ടില്‍ ഒരു പ്രൊഫസ്സര്‍ ഈ പണിക്ക് പോകുമോ? അഥവാ പോയാല്‍ ‍ത്തന്നെ‍ ‍അയാളെക്കുറിച്ച് എന്തൊക്കെ ജനം പറഞ്ഞു പരത്തും! ഈ പണികള്‍‍ക്കിടയ്ക്കൊക്കെ‍ വൃദ്ധസദനങ്ങള്‍ സന്ദര്‍ശിക്കാനും അവരെയൊക്കെ വീല്‍ ചെയറിലിരുത്തി പാര്‍ക്കിലും കച്ചവടസ്ഥാപനങ്ങളില്‍ കയറിയിറങ്ങാനും കീത്ത് എന്ന വൊളന്റിയര് ‍സമയം കണ്ടെത്തുന്നു.

ഇതൊക്കെ കണ്ടു വായ് പൊളിക്കാനും, ഇങ്ങനെയൊക്കെ എനിക്കാവാന്‍ കഴിയുന്നില്ലല്ലോ എന്നുമോര്‍ത്ത് ഞാന്‍ ദൈവത്തിന്റെ മാത്രം സ്വന്തമായ നാട്ടില്‍ നിന്ന്.......................!

A Momentous Moment

2011-05-02T07:59:00.000-07:00

by Suresh Nellikode

Behram Darukhanawallah is more than a customer to me. So soft-spoken, omni-smiling, unfailingly patient, unassuming, a Canadian retiree took all the strain of coming to my office to hand over 2 Canadian Dollar-coins to me to use it in the trolley-slot to get a trolley released at Lester Pearson Airport, Toronto, when I land there. I couldn't but stand still for a moment with flooded eyes! Behramji is a new friend of mine, who stays alone at the Canadian side of Niagara, comes to Abu Dhabi every year to stay a few days with his son.

I'm no one to him. But I stood lost and surrendered to his kind gesture.

And I resolved not to destine these coins to a trolley-slot, but to preserve it as a token of love towards Behramji. Small things one would never want to forget...It's incapable of being obliterated. It has that intensity, as deep as earth!

A Dress-down Friday

2010-11-19T01:13:00.001-08:00

by Suresh Nellikode

Another Friday to idle away!

Normally Friday mornings are dedicated to the cruciverbalist in me. But this this time it was destined to be framed in a different way.

The rich aroma of fresh Brazilian Santos cup. That was lovely enough to start with a lustrously coloured holiday. Life, at times, look iridescent!

Nanda was telling me about the incorrigible flirt of her husband in the drama school, which abruptly got switched over to the Tudor Architecture, tucked away down the main streets.

I, in fact, loved that grey page she dedicated to her son for a legacy he has to cherish in future. He was resting peacefully on top of his father's tummy.Both slowly slid down to a snooze serene.

Many a wakeful night was leading her to a host of barren days where the other one had to face the rough realities impeding life.

I consoled her, " sorrow is always the twin sister of joy; and it was only to be looked for that we, who just now were over-rejoiced, should next have something to make us sad."

We were planning to lunch out on the patio, along with my Friday guests, a broad tailed cardinal couple.

.

Eyeful

2010-08-18T19:07:00.000-07:00

He outstretched his arms and told me,

" I know her.This is the creation of your imagination. But where's the other one?"

Sadness, spreadeagled like a wall between our gardens.

My sheep are not back from the green pastures.

Child is still asleep.

I'm on the last line of my poem, short of a word.

She stood behind me, veiling her face with a smile,

Being my root, like a flower opted to be disdained.

"Give me an ear, I shall give you a word."

And I replied, "She's infallible and not visible!"

അഭയാര്‍ത്‍ഥി

2010-04-03T12:12:00.000-07:00

- അബ്ദല്‍ വഹാബ് അല്‍ ബയാതി
പരിഭാഷ : സുരേഷ് നെല്ലിക്കോട്

അബ്ദല്‍ വഹാബ് അല്‍ ബയാതി 1926 ല്‍ ബാഗ്ദാദില്‍ ജനിച്ചു. അദ്ധ്യാപകനായും, പത്രപ്രവര്‍ത്തകനായും, നയതന്ത്രപ്രതിനിധിയുമായും വിവിധ രംഗങ്ങളില്‍ പ്രവര്‍ത്തിച്ചിരുന്നു. ജന്മനാട്ടിലെ പുരോഗമനപ്രസ്ഥാനങ്ങളുമായുള്ള ബന്ധം പീഡനങ്ങള്‍‍ക്കും വിദേശവാസത്തിനും വഴി തെളിച്ചു. തെരഞ്ഞെടുത്ത കവിതകളുടെ അനവധി സമാഹാരങ്ങള്‍ അറബിസാഹിത്യത്തിനു സമ്മാനിച്ച അദ്ദേഹം 1999 ല്‍ ദമാസ്ക്കസില്‍ അന്തരിച്ചു.

1

അവന്റെ മാംസം ഉറുമ്പരിക്കുന്നു.
കാക്കകള്‍ കൊത്തിവലിക്കുന്നു.
ഇതാ, ഒരു അറേബ്യന്‍ അഭയാര്‍ത്ഥി‍
കുരിശിനോട് തറയ്ക്കപ്പെട്ടു കിടക്കുന്നു.

കരഞ്ഞുകലങ്ങിയ കണ്ണുകളുമായി
പിച്ചയെടുക്കുന്ന ഒരുവന്‍
തീവണ്ടിയാപ്പീസുകളില്‍
രാത്രികള്‍ തള്ളിനീക്കുന്നു.

*ജാഫാ, നീ ഇന്ന് ഓറഞ്ച് പെട്ടികള്‍ക്കു മേലുള്ള
ഒരു പരസ്യം മാത്രമാണല്ലോ!

2

നിങ്ങളെന്റെ വാതില്‍ക്കല്‍ ബഹളം വയ്ക്കാതിരിക്കൂ!
എന്നിലെ ജീവന്റെ അവസാനകണികയും നഷ്ടമായിരിക്കുന്നു.
ജാഫയാകട്ടെ, ഓറഞ്ചുപെട്ടികളില്‍ പതിച്ച വെറുമൊരു നാമപത്രവും!
ആയതിനാല്‍ മരിച്ചവരെ വെറുതെ വിട്ടേയ്ക്കൂ!

3

അവര്‍ സലാദിന്റെ ഓര്‍മ്മകളെ വിറ്റു കാശാക്കി.
അവര്‍ അവന്റെ കുതിരയെ വിറ്റു തിന്നു; ഒപ്പം പരിചയും.
ഇപ്പോള്‍ അഭയാര്‍ത്ഥികളുടെ ശ്മശാനവും
നമുക്കന്യാധീനമായിരിക്കുന്നു!

4

ഒരു കഷണം അപ്പത്തിനുവേണ്ടി
ആരിവനെ വിലയ്ക്കുവാങ്ങും?
എന്റെ സിരകളില്‍ രക്തം വരണ്ടുണങ്ങുന്നു.
പക്ഷേ നിങ്ങളിപ്പോഴും ചിരി തുടരുന്നു.

ഞാന്‍ സിന്‍‍ബാദാകുന്നു.
കൊച്ചുഹൃദയങ്ങളുടെ അറകളില്‍
അടക്കം ചെയ്ത നിധിശേഖരങ്ങളുമായി
ഞാന്‍ മടങ്ങി വരുന്നു....

ഉറുമ്പരിക്കുന്ന ശരീരവും,
കാക്കകള്‍ കൊത്തിവലിച്ച മാംസവുമായി
ഇതാ ഒരഭയാര്‍ത്ഥി,
നിങ്ങളുടെ പടിവാതില്‍ക്കല്‍!

1 ജാഫ - ഇസ്രയേല്‍ അധീനത്തിലുള്ള, ഓറഞ്ചുകള്‍ വിളയുന്ന
പാലസ്തീന്‍ പ്രദേശം.

'കുക്കിംഗ് വിത്ത്‌ സ്റ്റെല്ല' - പ്രമേയദാരിദ്ര്യത്തിനെതിരേ ഒരു മൃഷ്ട ഭോജനം!

2009-10-30T13:51:00.000-07:00

-സുരേഷ് നെല്ലിക്കോട്

'കുക്കിംഗ് വിത്ത്‌ സ്റ്റെല്ല', ദിലീപ് മേത്തയുടെ ആദ്യ മുഴുനീള കഥാചിത്രമാണ്. സഹോദരി ദീപാ മേത്തയോടൊപ്പം 'വാട്ടറി'ന്റെയും 'ഹെവന്‍ ഓണ്‍ എര്‍ത്തി'ന്റെയും നിര്‍മ്മാണ രൂപകര്‍ത്താവായി പ്രവര്‍ത്തിച്ച

പരിചയം. അദ്ദേഹത്തിന്റെ ആദ്യ ഡോക്യു-ഫീച്ചര്‍ ഇന്ത്യയിലെ വിധവകളുടെ ജീവിതാവിഷ്കാരമായ 'ഫോര്‍ഗോട്ടെന്‍ ‍ വിമിന്‍' (2008) ആയിരുന്നു. ദില്ലിയില്‍ ജനിച്ച ദിലീപ് ഒരു പത്രഫോട്ടോഗ്രഫര്‍ എന്ന രീതിയില്‍ നേരത്തെ പ്രശസ്തനായിരുന്നു. ഇക്കുറി, സഹോദരിയോടൊപ്പം ചേര്‍ന്ന് തിരക്കഥ എഴുതി നേരിട്ട് സംവിധാനവും ചെയ്തു.

കഥാദാരിദ്ര്യത്തെക്കുറിച്ച് ചൂടന്‍ ചര്‍ച്ചകള്‍ നടക്കുന്ന ഒരു കാലത്ത്‌ 'കുക്കിംഗ് വിത്ത്‌ സ്റ്റെല്ല' നമ്മെ അദ്ഭുതപ്പെടുത്തുകയാണ്. നമ്മുടെ ശ്രവണ ചക്ഷുസ്സുകളെ ദിശകള്‍ മാറ്റി അന്വേഷിച്ചു കൊണ്ടിരുന്നാല്‍ നല്ല വിഭവങ്ങള്‍ കണ്ടെത്താം എന്നതിന്റെ പ്രത്യക്ഷോദാഹരണമാണിത്.

ഇന്ത്യയിലേയ്ക്ക് നിയോഗിക്കപ്പെട്ട കനേഡിയന്‍ നയതന്ത്രജ്ഞയായ മായാ ചോപ്രയായി ലിസാ റേയും, ഭര്‍ത്താവായ മൈ

ക്കിള്‍ ആയി ഡോണ്‍ മക് കെല്ലറൂം ചിത്രത്തില്‍ നിറഞ്ഞു നില്‍ക്കുമ്പോള്‍, അവരുടെയും ഒരു പടി മുമ്പിലാണ് അതി

സാമര്‍ത്ഥ്യവും തട്ടിപ്പുകളുമായി അവരുടെ ഹൌസ് കീപ്പര്‍ സ്റ്റെല്ല ആയി വരുന്ന സീമാബിശ്വാസ്‌. വിധവയായും

ഭാര്യയായും സീരിയസ് റോളുകള്‍ കൈകാര്യം ചെയ്തിട്ടുള്ള സീമയുടെ മറ്റൊരു മുഖമാണ് ദിലീപ് രൂപപ്പെടുത്തിയിരിക്കുന്നത്.

ഇന്ത്യയിലെത്തുന്ന വിദേശ നയതന്ത്രപ്രതിനിധികളെ ചൂഷണം ചെയ്യുന്ന സ്ഥിരം വേലക്കാരിയായി സീമ മാറുമ്പോള്‍ ദില്ലിയുടെ മറ്റൊരു മുഖമാണ് നാം അവിടെ കാണുന്നത്. തമാശയ്ക്കായി സൃഷ്ടിക്കപ്പെട്ട രംഗങ്ങളില്ലാത്ത ഈ

ചിത്രത്തിലെ ഓരോ സീനുകളിലും നാം ഹാസ്യവും സാമൂഹ്യവിമര്‍ശനവും കണ്ടെത്തുകയാണ്. അതിഭാവുകത്വമില്ലാതെ, അനായാസേന കഥ നടന്നു കയറുകയാണ്.

ഡോണ്‍ മക് കെല്ലര്‍ ന്യൂ സീലണ്ടില്‍ ഒരു ഫ്രഞ്ച് ഒപെറയില്‍ പങ്കെടുക്കുമ്പോഴായിരുന്നു ദീപാ മേത്തയുടെ ഇമെയില്‍ കിട്ടുന്നത്. അദ്ദേഹം അതൊരു വെല്ലുവിളിയായി ഏറ്റെടുത്തു. ചിത്രത്തില്‍ നാനിയായി വരുന്നത് ദക്ഷിണേന്ത്യന്‍ ഭാഷാചിത്രങ്ങളില്‍ പ്രശസ്തയായ ശ്രേയാ ശരണ്‍ ആണു്‌.

വളരെ വ്യത്യസ്തമായ കഥാബീജങ്ങള്‍ തെരഞ്ഞെടുക്കുന്നതില്‍ ദീപാ മേത്തയുടെ കഴിവുകളെക്കുറിച്ചു പറയേണ്ടതില്ലല്ലോ! നയതന്ത്രവൃത്തങ്ങളുടെ വ്യക്തിജീവിതങ്ങളിലെ ചെറിയ ചെറിയ കാര്യങ്ങള്‍ കാണികള്‍ക്കു പുതുമയുള്ള ഒരു വിഷയമാണു്‌. ഒരു വിദേശി ഇന്ത്യയില്‍ ചൂഷണം ചെയ്യപ്പെടുന്നത് ഒറ്റപ്പെട്ട സംഭവമല്ല. ഒരു സ്ഥലത്ത് മൂന്നു വര്‍ഷം മാത്രം നീണ്ടു നില്‍ക്കുന്ന നയതന്ത്രജീവിതത്തിനു് ഇത്തരം പ്രാദേശിക ചൂഷണങ്ങള്‍ക്കെതിരേ കാര്യമായ പ്രതിരോധമൊന്നും സൃഷ്ടിക്കാനാവില്ലാത്തതാണ്‌ ഇതിന്റെ തുടര്‍ച്ചയ്ക്കു കാരണം. ഇത്‌ ഇന്ത്യയെക്കുറിച്ചു വിദേശങ്ങളില്‍ തെറ്റിധാരണയുണ്ടാക്കുന്നതായി ഒരു നയതന്ത്രപ്രതിനിധി, ഈയിടെ മധ്യപൗരസ്ത്യ ചലച്ചിത്രമേളയ്ക്കു ശേഷം അബുദാബിയില്‍ വച്ചു്‌ അവകാശപ്പെടുകയുണ്ടായി. അത് ചിത്രത്തിന്റെ കുഴപ്പമല്ലല്ലോ! പഥേര്‍ പാഞ്‌ ജലിയും, ഫയറും, സ്ലം ഡോഗ് മില്ല്യണയറുമൊക്കെ ഇന്ത്യയെക്കുറിച്ചു മോശം ചിത്രമാണു്‌ വിദേശങ്ങളില്‍ വരയ്ക്കുന്നതെങ്കില്‍ ആരാണതിനുത്തരവാദി? ഏതു തരം ചിത്രങ്ങളാണു്‌ വിദേശങ്ങളില്‍ നമ്മുടെ പ്രതിച്ഛായ വര്‍ദ്ധിപ്പിക്കാനായി നാം നിര്‍മ്മിക്കേണ്ടത്‌? സാമൂഹ്യവിമര്‍‍ശനം രാജ്യദ്രോഹമാകുമോ?

ഒട്ടേറെ ചോദ്യശരങ്ങള്‍‍ക്കിടയിലും 'കുക്കിംഗ് വിത്ത് സ്റ്റെല്ല' നമ്മളെ രസിപ്പിക്കുന്നു. ഇവിടെ കാണികളായ നമുക്കായി ഉപദേശങ്ങളില്ല. ഗുണപാഠങ്ങളില്ല. ആപ്തവാക്യങ്ങളില്ല. വെറുതെ, നമുക്കുള്ളിലേക്കു്‌ തിരിഞ്ഞുനോക്കാനായി ഒരു കണ്ണാടി പോലെ ക്യാമറ മാത്രം.

On Dropping the Other Shoe...

2009-05-29T05:53:00.000-07:00

By Suresh Nellikode

When I mentioned about the shoes with GPS tracking system, Nandu's mercury of curiosity rose."What... Shoes with GPS..?"I said, "probably a company must have had a feasibility study sometime ago in order to bring out a challenging offer to people like your mom and dad who belong to the unknown majority, who in public do not admit, but certainly with a zodiac of a directionally challenged."Nandu's imagination shot up.Shoes with a built in navigation system that beeps and shouts at you, if you take a wrong step! The one refuses to move if you do not listen to it! What if the battery gets exhausted at a point you try to overrule the gentle beeps? You have no choice but leave it there itself and walk down to a sandal shop for a cheapest one, feeding your homing instinct.He said.Perhaps Chandu needs one set.Oh no! Not he. Amma wants one fix it on him to track down his movements. He comes late from university debiting the account of special classes or combined studies whereas there were no such things in existence, at his place. Oh yeah, that's a good idea!He continued: But I'm sure he, like a typical Kerala bumbledom who deliberately damaged the attendance machines in their offices, will purposely damage it or it should have an unlimited warranty.I asked, ''How about you, having a set?''He said : No, not needed. I never go out of my rails. Like a horse fitted with a blinker, I used to shuttle home and school. Ask me why.Why?

There are human antennae everywhere till I reach my school, entrusted by my sweet Mom.They never default, keep sending regular reports on which way I went and came back. Also, whether I stopped at that Slovenian girl's house and sent my rays of thoughts inside, or did I turn left, instead of right straight to school, to the convenience shop and bought a coke and what not....! Where do I get a chance to go wrong amongst these punctilious lots?

After taking a deep sigh he continued.

I'm sure their scions will blow up their interitances. That's my only relief at old age, in looking at them; a sort of avenging my wronged enemies!
That's how I resolved to walk straight to school and back not looking at any trifles, as long as they do not attack me. It's better be a law abiding citizen student in Burlington lest I should be gathering a lot of moses that can't be washed away. It's recession time and I'm sure that these hawkshaws may not get employed temporarily even in shops like Walmart and Price-chopper. My bad patch of stars will continue for another year till I finish off my schooling. Let me finish my studies to show them how to put shoe on the other foot!

I registered my gratitude to Suja unofficially, for taking care of things in my absence.

By the way, how come you sprung up suddenly with an idea of GPS Shoes? Which is the company? What's the brand name?, he asked.

It's a Gulf News columnist.

I know. I guessed. It must be Suresh Menon, the one who makes everything possible! He only has a swell time always with funny ideas!

Oh my guilt-sick conscience! The cat is out...!

I laughed out of the other side of my mouth.

***

ആകാശഗോപുരം ഡി.വി.ഡി റിലീസ് ചെയ്തു

2009-01-01T13:27:00.000-08:00

മോഹന്‍ലാല്‍ ചിത്രമായ ആകാശഗോപുരത്തിന്റെ ഡി.വി.ഡി പുറത്തിറങ്ങി. ദുബായില്‍ നടന്ന ചടങ്ങിലാണ് ഡി.വി.ഡി റിലീസ് നടന്നത്.
അല്‍ വാസല്‍ ക്ലബ്ബിലെ ലണ്ടന്‍ സ്വിറ്റ്‌സ്. 'ആകാശഗോപുര'ത്തിന്റെ ഡിവിഡി റിലീസിന്റെ വേദി. സംവിധായകന്‍ കെ.പി.കുമാരനോടൊപ്പം പ്രധാന നടന്‍ മോഹന്‍ലാല്‍, ബോളിവുഡ് സംവിധായകനും നടനുമായ സുധീര്‍ മിശ്ര, നടന്‍ നീല്‍ നിതിന്‍ മുകേഷ് (പഴയകാല ഗായകന്‍ മുകേഷിന്റെ ചെറുമകന്‍), മോസര്‍ ബെയര്‍ ചീഫ് ഓപ്പറേറ്റിങ് ഓഫീസര്‍ ധനഞ് ജയന്‍, മീഡിയന്റ് എന്റര്‍ടെയിന്‍മെന്റ് സി.ഇ.ഒ മനു കുമാരന്‍ എന്നിവരെല്ലാമുണ്ടായിരുന്നു.

ക്ഷണിക്കപ്പെട്ട മാധ്യമസദസ്സിനു വേണ്ടി സുധീര്‍ മിശ്ര സംവിധാനം ചെയ്തു് നീല്‍ നായകനായി അഭിനയിച്ച 'ജോണി, തേരാ ക്യാ ഹോഗാ' യുടെ ട്രെയ് ലര്‍ പ്രദര്‍ശിപ്പിച്ചു. 'അകാശഗോപുര'ത്തോടൊപ്പം ഈ ചിത്രത്തിന്റേയും വിതരണം മീഡിയന്റ് എന്റര്‍ടെയ്ന്‍ മെന്റ് കോര്‍പ്പറേഷന്‍ ആണു് നിര്‍വ്വഹിച്ചിരിക്കുന്നത്.

സദസ്സില്‍ 'ആകാശഗോപുര'ത്തിന്റെ നിര്‍മ്മാണാനുഭവങ്ങള്‍ സംവിധായകനും പ്രധാന നടനുമായി, അതിഥികള്‍ പങ്ക് വച്ചു.

മോഹന്‍ലാല്‍ നീല്‍ നിതിന്‍ മുകേഷിന് ഡിസ്‌ക് നല്‍ കിക്കൊണ്ടായിരുന്നു, ഉദ്ഘാടനം നിര്‍വ്വഹിച്ചത്. ബോളിവുഡ് സംവിധായകനെങ്കിലും സുധീര്‍ മിശ്ര, അദ്ദേഹം കണ്ടിട്ടുള്ള മലയാള സിനിമകളെക്കുറിച്ചു വിശദമായി പ്രതിപാദിച്ചതത്രയും അതിഥികളില്‍ അദ്ഭുതമുളവാക്കി!

മീഡിയന്റ്ന്റിന്റെ ആഗോളപ്രവര്‍ത്തന പരിപാടികളെക്കുറിച്ചു് മനു കുമാരനും മാധ്യമങ്ങളോടു സംസാരിച്ചു.

സുരേഷ് നെല്ലിക്കോട്

ശ്വാന നിയോഗം

2008-12-10T08:27:00.000-08:00

മഞ്ഞുറഞ്ഞ എത്രയോ പ്രഭാതങ്ങള്‍,
ഇരുണ്ടുകൂടിയ എത്രയോ പ്രദോഷങ്ങള്‍.
അപ്പോഴെല്ലാം
ഇവന്‍ അവര്‍ക്കൊപ്പമുണ്ടായിരുന്നു.

രാത്രികളില്‍, വീടുകള്‍ക്കവന്‍
കാവല്‍ നിന്നു.
ഉറക്കം അന്യമായ
എത്രയോ കാലം!

ഒരിക്കലും കൂറുമാറാത്ത നന്ദി.
പ്രതിഫലേച്ഛയില്ലാതെ
ഒരു ജന്മമങ്ങനെ
നായാടിത്തീര്‍ന്നു.

എത്രവിശ്വസ്തനാണിവന്‍,
യജമാനരേക്കാളുപരി.

നാഥനില്ലാപ്പടയെല്ലാം
നായ്പ്പടയാക്കിയും
കൊള്ളരുതാത്തവനെ
നായിന്റെ മോനാക്കിയും
അവരിവനെ കല്ലെറിയുകയാണിപ്പോള്‍.
ചീത്ത വിളിക്കുകയാണിപ്പോള്‍.

വേദനയില്‍പ്പോലും
വാലാട്ടിക്കിടന്ന ഇവനെ
പന്തീരാണ്ടു കൊല്ലമതു
കുഴലിലിട്ട കഥയും പറഞ്ഞ്‌
ചെളി വാരിയെറിയുകയാണ്‌.

കഴുത്തില്‍ നന്ദികേടിന്റെ
ചിത്രങ്ങള്‍ തൂക്കുമ്പോഴും
അവര്‍ പറഞ്ഞു,
കടലില്‍ച്ചെന്നാലുമിവന്‍
നക്കിയല്ലേ കുടിക്കൂ?

ചിത്രം : കടപ്പാട്‌- ഗീതാ മേനോന്‍/ ബര്‍ലിംഗ് ടണ്‍.

ഒരു ഇലപൊഴിയും കാലം...

2008-11-08T10:44:00.000-08:00

ഇത് ബര്‍ലിങ്ടന്‍. ടൊറൊന്റോയില്‍ നിന്നും നയാഗ്രയ്ക്കുള്ള വഴിയിലൂടെ അര മണിക്കൂര്‍ യാത്ര ചെയ്താല്‍ ബര്‍ലിങ്ടനായി.

ഇവിടെ ഇല പൊഴിയുംകാലം. ഇലകളെല്ലാം തവിട്ടും ചുവപ്പുമാക്കി മരങ്ങള്‍‍ക്കെല്ലാം ഒരു മനം മാറ്റം. പിന്നെ, ഇലകള്‍ കൊഴിച്ച് , ചില്ലകള്‍ മാത്രം ബാക്കി നിറുത്തി കാത്തുനില്‍പ്പ് ആരംഭിക്കുകയായി.‌ മഞ്ഞുകട്ടകളില്‍ മൂടി അഞ്ചു മാസത്തോളം തപസ്സാരംഭിക്കാനുള്ള ആദ്യ തയ്യാറെടുപ്പുകള്‍. അണ്ണാറക്കണ്ണന്മാരും, ഉണ്ണിക്കണ്ണന്മാരും (Chipmonks), കിളികളുമെല്ലാം ഉണങ്ങിയ പഴങ്ങളും പരിപ്പുകളുമെല്ലാം ശേഖരിച്ചു തുടങ്ങി, ഒരു അര്‍ദ്ധവര്‍ഷത്തേയ്ക്കുള്ള ശൈത്യകാലനിദ്രയ്ക്കായി..

ഇതെന്റെയും അലസമായൊരു 'ശൈത്യകാലനിദ്ര' തന്നെയായിരുന്നു. വിദേശനാണയവിനിമയക്കസര്‍ ‍ത്തുകള്‍ക്ക് അവധി കൊടുത്ത് ഉറക്കവും തീറ്റയുമായി കഴിഞ്ഞു പോയൊരു മാസം. അതിനിടെ ചില യാത്രകള്‍.‍ അഞ്ഞൂറ്റിഅമ്പതു്‌ കിലോമീറ്റര്‍ ദൂരെയുള്ള മോണ്‍ട്രിയല്‍ നഗരത്തിലേയ്ക്കു്‌. ആറോളം നൂറ്റാണ്ടുകള്‍ പഴക്കമുള്ള പള്ളികളും കെട്ടിടങ്ങളുമുള്ള , പഴയ ഒളിമ്പിക് നഗരം. ഇപ്പോള്‍ നഗരമദ്ധ്യത്തിലേയ്ക്കു്‌ വളരെയധികം ചൈനക്കാര്‍ കുടിയേറിയിരിക്കുന്നു. ഇതു്‌ മോണ്‍ ട്രിയലിന്റെ മാത്രം പ്രത്യേകതയല്ല. കാനഡയുടെ എല്ലാ നഗരങ്ങളിലും അവര്‍ അവരുടേതായ കൊച്ചു കൊച്ചു ഗ്രാമങ്ങള്‍ ഉണ്ടാക്കിയിരിക്കുന്നു.

1672 ല്‍ പണിത നോത്ര് ദാം പള്ളിയാണു്‌ പഴയ മോണ്‍ട്രിയല്‍ നഗരത്തിലെ ഏറ്റവും പ്രധാന കാഴ് ച്ച. 1824 ല്‍ ജെയിംസ് ഒഡോണല്‍ എന്ന ഐറിഷ് അമേരിക്കന്‍ പ്രൊട്ടെസ്റ്റന്റ് ,ന്യൂ യോര്‍ക്കില്‍ നിന്ന്‌ ഇവിടെയ്ക്കു്‌ പള്ളി പുതുക്കിപ്പണിയാന്‍ നിയമിതനായി. അദ്ദേഹം ഗോഥിക് നവോത്ഥാന വാസ്തുകലയില്‍ അഗ്രഗണ്യനായിരുന്നു. ഇപ്പോള്‍ വടക്കേ അമേരിക്കയിലെ ഏറ്റവും വലിയ പള്ളിയും ഇതു തന്നെയാണ്‌. അവസാനകാലത്ത് കത്തോലിക്കനായ അദ്ദേഹത്തിന്റെ അന്ത്യവിശ്രമസ്ഥാനവും പള്ളിക്കുള്ളില്‍ തന്നെയാണു്‌.

നോത്ര് ദാം ബസിലിക്കയുടെ അള്‍ത്താര

ബാങ്ക് ഓഫ് മോണ്‍ട്രിയലിന്റെ തലസ്ഥാനത്തുള്ള മ്യൂസിയത്തിലെ കാഴ്ച്ചകള്‍ അങ്ങേയറ്റം രസകരങ്ങളായിരുന്നു. 1817 ല്‍ സ്ഥാപിക്കപ്പെട്ട ബാങ്കോഫ് മോണ്‍ട്രിയല്‍ രാജ്യത്തെ ഏറ്റവും പഴയ ബാങ്കിംഗ് സ്ഥാപനമാണു്‌. ‍18 -19 നൂറ്റാണ്ടുകളിലെ നാണയങ്ങള്‍, ബാങ്ക് നോട്ടുകള്‍, രേഖകള്‍, ടൈപ്പ് റൈറ്റര്‍, ലെജ്ജറുകള്‍, തൂലിക, മഷിക്കുപ്പി, പ്രോമിസ്സറി നോട്ടുകള്‍.... അങ്ങനെ പലതും ഞങ്ങള്‍ക്ക് അത്ഭുതങ്ങളായി.

മടങ്ങിയ വഴിയില്‍ 'ആയിരം ദ്വീപുകളു'ടെ കവാടത്തില്‍ ഒരു മണിക്കൂര്‍. ഇവിടെ സെയിന്റ് ലോറന്‍സ് നദി അമേരിക്കന്‍ ഐക്യനാടുകളുടെ അതിര്‍‍ത്തിയാണു്. ഒണ്‍ടേറിയോയുടെയും ന്യൂയോര്‍ ക്കിന്റേയുമായുള്ള, 40 ചതുരശ്ര മൈല്‍ മുതല്‍ വിസ്തീര്‍ണ്ണമുള്ള 1793-ഓളം ദ്വീപുകള്‍. വര്‍ഷം മുഴുവന്‍ ജലോപരിതലത്തിനു മുകളില്‍ കാണുന്ന ഒരു മരമെങ്കിലും ഉള്ളവയെ മാത്രമേ ഇവിടെ ദ്വീപായി പരിഗണിച്ചിട്ടുള്ളു. അവിടുത്തെ യു.എസ്.ദ്വീപുകളിലിറങ്ങാന്‍ വീസ വേണ്ടിയിരുന്നതിനാല്‍ ഞങ്ങള്‍ പോയില്ല.

സിംകോ തടാകവും ജോര്‍ജീനാ ദ്വീപും

പിന്നെയൊരു ദിനം വെര്‍ജീനിയയും കടന്നു്‌ ജോര്‍ജീന ദ്വീപില്‍ , രണ്ടു പകലും ഒരു രാത്രിയും. ഞങ്ങളുടെ കുടുംബത്തോടോപ്പം അശോകനും സരിതയും അവരുടെ മകന്‍ ‍സിദ്ധുവും, ഗീതയും മക്കളായ അനിരുദ്ധും പൊന്നിയും, പിന്നെ ടോണിയും. സിംകോ തടാകത്തിലാണു്‌ ജോര്‍ജീന.‌ ഒണ്‍ ടേറിയോയിലെ പന്ത്രണ്ടാമത്തെ വലിയ തടാകമാണു്‌ സിംകോ. മുപ്പതു കി.മീ. നീളവും ഇരുപത്തഞ്ചു കി. മീ. വീതിയുമുള്ള സിംകോ ഒരു ശുദ്ധജലതടാകമാണു്‌. 1793 ല്‍ അപ്പര്‍ കാനഡയുടെ ലെഫ്. ഗവര്‍ണ്ണര്‍ ജോണ്‍ ഗ്രെയ് വ്‌ സ്‌ സിംകോയാണ്‌ അദ്ദേഹത്തിന്റെ പിതാവിന്റെ പേരില്‍ ഈ തടാകത്തിന്റെ പേരു മാറ്റിയത്. തോറാ, സ്ട്രോബറി, സ്നേക്, ഫോക്സ് എന്നീ ദ്വീപുകളും സിംകോയിലുണ്ട്. ഇവിടുത്തെ ആദിമജനതയുടെ 200 പേര്‍ മാത്രമുള്ള സ്ഥലമാണ്‌ സിംകോ.

അവിടുത്തെ ആകെയുള്ള പലചരക്കുവ്യാപാരിയാണ്‌ പീറ്റ്‌ എന്ന പീറ്റര്‍. ഭാര്യ ബെക്കി, പീറ്റിനെക്കാള്‍ ഭംഗിയായി ഇംഗ്ലീഷ് സംസാരിക്കും. കൗബോയ് സിനിമകളെ ഓര്‍മ്മിപ്പിക്കുന്ന പീറ്റിനു ചന്തു പേരിട്ടു - 'കള്ളുപത്രോസ് '.അവര്‍ ഞങ്ങള്‍ക്കു്‌, അവിടെ നിന്നു സാധനങ്ങള്‍ വാങ്ങിയതിനു പാരിതോഷികമായി , അവരുടെ വീട്ടിലുണ്ടാക്കിയ വീഞ്ഞു്‌ തന്നു. പകരം ഞങ്ങളുണ്ടാക്കിയ ഇന്ത്യന്‍ ഭക്ഷണം ഞങ്ങള്‍ അവരുടെ വീട്ടിലെത്തിച്ചു കൊടുത്തു. മടക്കയാത്രയില്‍ ഫെറി നേരത്തെ തയ്യാറെടുത്തു നിന്നിരുന്നതിനാല്‍ അവരോടു്‌ യാത്ര പറയാന്‍ ഞങ്ങള്‍ക്കു കഴിഞ്ഞില്ല. ഈ അമേരിക്കന്‍ ആദിവാസിദമ്പതികളുടെ സ്നേഹാദരങ്ങള്‍ക്കു പാത്രമാവാന്‍ കഴിഞ്ഞതിന്റെ അമിതാഹ്ലാദത്തിലായിരുന്നു, സുജാത. ‍

വാട്ടര്‍ സ്കിഡോയിലും സ്പീഡ് ബോട്ടിലുമൊക്കെയായി കുട്ടികളെല്ലാം ദിവസം മുഴുവന്‍ തടാകത്തില്‍ത്തന്നെയായിരുന്നു. പിന്നെ, വൈകിട്ടു്‌ കുറച്ചു്‌ സൈക്കിള്‍ യാത്ര. മുയലുകളും, കാട്ടുതാറാവുകളും, അണ്ണാറക്കണ്ണന്മാരും ഞങ്ങളുടെയിടയിലേക്കു്‌ ഭീതിരഹിതമായി കടന്നുവന്നു. ആരും ഉപദ്രവിക്കാത്തതിനാല്‍, പഴയ തലമുറ പുതിയവയെ മനുഷ്യര്‍ സുഹൃത്തുക്കളാണെന്നു്‌ പഠിപ്പിച്ചിരിക്കുന്നു എന്നു വിശ്വസിക്കാനാണു്‌ എനിക്കു തോന്നിയത്. രാത്രിയില്‍ 'റക്കൂണ്‍' എന്ന പെരുച്ചാഴികള്‍ ഞങ്ങളെ വന്നെത്തി നോക്കി.

ഞങ്ങള്‍ മടങ്ങുകയായിരുന്നു.

പെയറുകളും, ആപ്പിളുകളും കായ്ച്ചു കിടക്കുന്ന വഴിയോരങ്ങള്‍! 'ഫാള്‍ സീസണ്‍' ഇവിടെ ഉത്സവകാലമാണു്‌. മഞ്ഞുപുതച്ച് ഉറങ്ങാന്‍ പോകുന്ന കാലത്തിനായുള്ള, പ്രകൃതിയുടെ തയ്യാറെടുപ്പുകള്‍.‍

(ചിത്രങ്ങള്‍ : ടോണി ജെയ്‌ക്കബ് /സുരേഷ്‌ നെല്ലിക്കോട്‌)

പൂച്ചയ്ക്കും പ്രാണവേദന...

2008-11-03T11:37:00.000-08:00

കുട്ടിക്കാലത്ത് ഒരു പൂച്ച. അമ്മയോട് എത്ര കെഞ്ചിയതാണു്‌! നടന്നില്ല.

കഴിഞ്ഞ അവധിക്കാലത്ത്‌ ദേവയാനി പ്രസവിച്ചു. നാലു കുട്ടികള്‍. നല്ല പാണ്ടന്മാരും പാണ്ടിക്കുടുക്കകളുമായി അവരങ്ങനെ തിരിഞ്ഞും മറിഞ്ഞും കളിച്ചു. പടിപ്പുരയുടെ വരാന്തയില്‍ പഴയ സമ്മന്തക്കാരന്റെ ധാര്‍ഷ്ട്യങ്ങളുമായി കചന്‍. ദേവയാനിയുടെ മാര്‍‍ജ്ജാരകിശോരന്യായങ്ങളില്‍ അസ്വസ്ഥനായി അവന്‍ ഇടയ്ക്കിടെ നാലുകാലില്‍ വലിഞ്ഞു നിവര്‍ന്നു കോട്ടുവായിട്ടു.
പിന്നെ, കിട്ടിയ തക്കത്തില്‍ ഓരോന്നോരോന്നായി മക്കളെ നാലിനേയും അവന്‍ പൊക്കിയെടുത്തു ശാപ്പിട്ടു. പിന്നെ ദേവയാനിക്കു ഡിവോഴ്സ് നോട്ടീസും.
ആ കരച്ചിലില്ലേ? പുത്രദു:ഖത്താല്‍ ജന്മാന്തരങ്ങളെ കുലുക്കിയ മാര്‍ജ്ജാരീവിലാപം! ആരേയും ആര്‍ദ്രനയനരാക്കുമായിരുന്നു അത്.

ദേവയാനിക്കു വേണ്ടി അമ്മ, കചനെത്തേടി വടിയുമായി കാത്തിരുന്നു. കൊല്ലാനൊന്നുമല്ല. "അവനിത്തിരി വേദന അറിയണം, അത്രയോള്ളു"

കചന്‍ നാടു വിട്ടെന്നു കേള്‍വി.

പിന്നെ, അവന്‍ അവളുടെ കൊടും ശാപത്തിന്റെ സപ്തസിന്ധുക്കളില്‍ ശ്വാസം മുട്ടി മുങ്ങിത്താഴ്ന്നതായി ഞങ്ങള്‍ സ്വപ്നം കണ്ടു സമാധാനിച്ചു.

(ഞങ്ങളുടെ പങ്കനും പങ്കിയുമാണ്‌ (കോട്ടയം വാഹനവകുപ്പാപ്പീസിലെ ഉമാശങ്കറും ചേര്‍ ത്തലയിലുള്ള രാജേശ്വരി കര്‍ത്തായും) സകല കാക്കയ്ക്കും, പൂച്ചയ്ക്കും, നാട്ടുകാര്‍ക്കുമെല്ലാം അവിസ്മരണീയങ്ങളായ പേരുകളിട്ടിരുന്നത് !)‌ ‍

//രാം മോഹന്‍ പാലിയത്തിന്റെ 'മ്യാവൂ'വിനു്‌ അനുബന്ധകമാണിതു്‌.//

അദ്വൈതാനന്ദം

2008-10-22T06:33:00.000-07:00

(തിരശ്ശീല ഉയരുമ്പോള്‍ കാണുന്നത്‌ കാടല്ല, നാടാണ്‌. നഗരത്തിലെ രമ്യമായ ഒരു ഹര്‍‍മ്മ്യത്തിലെ ഒരു മുറി. അതില്‍ എല്ലാ ആധുനിക സജ്ജീകരണങ്ങളുമുണ്ട്‌. ധ്യാനത്തില്‍ നിന്ന് ഉണര്‍ ന്നതേയുള്ളു, ഗുരു. സമീപത്തായി ശിഷ്യന്‍.)

ഗുരു : ഭയം എന്തുകൊണ്ടാണു്‌ ഉണ്ടാവുന്നതു്‌?

ശിഷ്യന്‍ : അറിയില്ല ഗുരോ.

ഗുരു : മറ്റൊന്നിനെ ചുറ്റിപ്പറ്റിയാണു്‌ ഭയം. നാം എന്തിനേയോ ഭയക്കുന്നു, അല്ലേ?

ശിഷ്യന്‍ : അതേ ഗുരോ.

ഗുരു : മറ്റൊന്നില്ലെന്നും ഞാന്‍ തന്നെയാണ്‌ അതെന്നും കരുതുക. അദ്വൈത സിദ്ധാന്തം.
എല്ലാം ഞാന്‍ തന്നെയാകുമ്പോള്‍ ഭയക്കേണ്ട ആവശ്യമില്ലല്ലോ!

ശിഷ്യന്‍ : ശരിയാണു്‌ ഗുരോ.

ഗുരു : അഹം ബ്രഹ്മാസ്മി. ഞാന്‍ തന്നെയാണു്‌ ബ്രഹ്മം. ഞാന്‍ ചെയ്യുന്ന നന്മകള്‍ ലോകത്തിനു
ഗുണമായി ഭവിക്കും. സെല്‍ഫ് ഹെല്‍ പ്പ് ഈസ് ദ് ബെസ്റ്റ് ഹെല്‍ പ്പ്. താന്‍ പാതി
ദൈവം പാതി.

ശിഷ്യന്‍ : അതായിരിക്കും, കൈനീഷ്യന്‍ വെല്‍ത്ത് മാനേജ് മെന്‍റ്റ് തിയറിയുടെ മറവില്‍ ഗുരോ അങ്ങ്
സഹോദരന്റേയും സഹോദരിയുടേയും അനന്തിരവരുടേയും പേരില്‍ ഭൂമി വാങ്ങിക്കൂട്ടിയതും
കൈയ്യേറിയതും മറ്റും.....

ഗുരു : (എഴുന്നേല്‍ക്കുന്നു) പ്രാര്‍ത്ഥനയുടെ സമയമാകുന്നു, ശിഷ്യാ. നമുക്കിവിടെ തല്‍ ക്കാലം
നിറുത്താം.

(തിരശ്ശീല 'ഒരാഘാതം പോലെ' പൊട്ടിവീഴുന്നു!)

ചിത്രീകരണം : ബി.രാജന്‍

മഹാഭാരതം -ഒരു വിജയപര്യവസായി

2008-09-24T12:56:00.000-07:00

ഒന്നാം വിജയന്‍ ദുര്‍ബ്ബലനായിരുന്നു. പക്ഷേ, ഭാഷയിലോ അതിശക്തന്‍. മഴയുടെ ഗായത്രികളിലൂടെ, മന്ദാരത്തിന്റെ ഇലകള്‍ തുന്നിച്ചേര്‍ത്ത ചിന്തകളുമായി, പുനര്‍‍ജ്ജനിയുടെ ഉരുക്കുവാതിലുകള്‍ തേടിനടക്കുമ്പോള്‍ത്തന്നെ ഞങ്ങളുപദേശിച്ചു.

നിനക്കു വഴി തെറ്റുന്നു. ഞങ്ങള്‍ മുമ്പില്‍ നടക്കാം.
അവന്‍ കേട്ടില്ല.

കഥ സോദ്ദേശപരമായിരിക്കണം.

അവന്‍ അനുസരിച്ചില്ല എന്നുമാത്രമല്ല ഞങ്ങളുടെ ചിന്തകളെ അവന്‍ 'പാര്‍ലമെന്ററി വ്യാമോഹങ്ങള്‍' എന്നു വിളിക്കുകയും തറവാട്ടുനയത്തെ ചോദ്യം ചെയ്യുകയും കാര്‍ട്ടൂണുകള്‍ വരയ്ക്കുകയും ചെയ്തു.
അവനെ ഞങ്ങള്‍ മാറ്റിനിറുത്തി.

രണ്ടാം വിജയന്‍ പറഞ്ഞു.

ദേശീയതലത്തില്‍ അധികാരം പങ്കിടുകയും ഇവിടെ പോരടിക്കുകയും ചെയ്യുന്നതു്‌ പരസ്പരമുള്ള പോക്കറ്റടിയാണു്‌.

അയാളേയും ഞങ്ങള്‍ മാറ്റിനിറുത്തി.

ഞാന്‍ മൂന്നാമന്‍.

ഇവിടെ അച്യുതോപദേശങ്ങള്‍ എനിക്കാനന്ദമാകുന്നില്ല. ഞാന്‍ സാക്ഷാല്‍ വിജയനാണു്‌. എല്ലാ ബന്ധുക്കളേയും ഗുരുഭൂതരേയും ധര്‍മസംസ്ഥാപനാര്‍ത്‍ഥം കൊല്ലാന്‍ വകുപ്പുണ്ട്. ഡിസ്നിലാന്റോ, വാട്ടര്‍ തീം പാര്‍ക്കോ, വ്യാപാരസമുച്ചയങ്ങളോ, പഞ്ചനക്ഷത്രഹോട്ടലോ നമുക്കന്യമല്ല. അതിനു മൂന്നാം പന്തിയോ അതല്ലെങ്കില്‍ ‍നാലാംപന്തിയോ ആക്കം കൂട്ടുമെങ്കില്‍ നാം വീണ്ടും പൊതുമിനിമം പരിപാടിക്കു തയ്യാറാണു്‌, ഏതു ചെകുത്താന്റെ കൂടെയാണെങ്കിലും. ലക്ഷ്യം മാര്‍ഗ്ഗത്തെ സാധൂകരിക്കുമല്ലോ?

അധികാരം ഞങ്ങള്‍ക്കു്‌ ആസക്തിയല്ലെന്നു്‌ നിങ്ങള്‍‍ക്കൊക്കെ അറിയാമല്ലോ? അതിനാല്‍ ഞങ്ങള്‍ ഇന്ദ്രപ്രസ്ഥത്തിനു പുറമേ നിന്നു പിന്തുണ നല്‍കും. അപ്പോള്‍ അകത്തെ ആധിപത്യവും പുറത്തെ കസര്‍ത്തും ഒരുമിച്ചു്‌ ആസ്വദിക്കാമല്ലോ!‍ ‍

2008-09-18T21:48:00.000-07:00

Padmini Unni & Aishwarya perform in Toronto - Choreography by Sujatha Suresh

2008-09-14T14:38:00.000-07:00

മോചിതന്

എത്ര പെട്ടെന്നാണു്‌ നാം
വൃദ്ധരും അശരണരുമാകുന്നത്‌, അല്ലേ?

ഇന്നിപ്പോള് എന്റെ ചിത്രങ്ങളൊക്കെ
അവറ് തകൃതിയായി എടുത്തുമാറ്റുകയാണ്‌.
ചരിത്രത്തിന്റെ താളുകളില് നിന്നു്‌
എന്റെ പരാമറ്ശങ്ങള് കീറി മാറ്റുകയാണു്‌.
പാറ്ട്ടിയോഗങ്ങളില് ഞാന് നിന്ന
ഓരോ മണ് തരിയേയും ഇളക്കി മാറ്റുകയാണു്‌.
ഞാന് സംസാരിച്ച ഓരോ യോഗങ്ങളുടെ
ടേപ്പുകളും മായ് ക്കപ്പെടുകയാണു്‌.
ഇനി ഞാനില്ലാത്ത പാറ്ട്ടി ചരിത്രം!
ഞാനില്ല.....
എന്നെ കണ്ടവരുമില്ല....!

എത്ര പെട്ടെന്നാണല്ലേ
നാം അവശരും വൃദ്ധരും
ആലംബഹീനരുമാകുന്നതു്‌?

ക്രിസ്റ്റൊബല്‍ ജൂനിയര്‍ കാസ്ട്രോ ലോമിബാവൊ

2008-08-06T19:55:00.000-07:00

ക്രിസ്റ്റൊബല്‍ ജൂനിയര്‍ കാസ്ട്രോ ലോമിബാവൊയെ ഞാന്‍ ആദ്യമായി ശ്രദ്ധിക്കുന്നതു പോലും അവന്റെ ചിരിയുടെ സൗഗന്ധികപ്പൂക്കള്‍ കണ്ടിട്ടാണു്‌. എപ്പോഴും ചിരിക്കുന്ന ക്രിസ്സിനെ എല്ലാവര്‍ക്കും തന്നെ ഇഷ്ടമായിരുന്നു. ബാങ്കില്‍ എപ്പോള്‍ എത്തിയാലും അവന്‍ എന്നെക്കാണാതെ പോവാറുണ്ടായിരുന്നില്ല.
മുഖത്തു്‌ ഒരു ചിരിയുടെ വസന്തം മുഴുവന്‍ വിരിയിച്ചുകൊണ്ടു്‌ എല്ലാ മാസവും കൃത്യമായി ക്രിസ് ബാങ്കില്‍ വന്നുപോകാറുണ്ട്.
ഇന്നലെ അവന്‍ വീണ്ടും വന്നു.
"ഇക്കുറി ഏട്ടനു്‌ ചികിത്സക്കായി കുറച്ചു പണം അയയ്ക്കണം."
"എന്തേ പെട്ടെന്നു്‌?" - ഞാന്‍ ‍ചോദിച്ചു.
"അദ്ദേഹത്തിനു പ്രൊസ്റ്റേറ്റ് കാന്‍സര്‍. ഈയിടെ മൂത്രമൊഴിക്കന്‍ ബുദ്ധിമുട്ടു വന്നപ്പോഴാണു്‌ പരിശോധിച്ചതു്‌. ചികിത്സക്കായി രണ്ടു ലക്ഷം പെസോ വേണം."
ചിരിയുടെ സാംക്രമികതയിലേയ്ക്കു്‌ അരിച്ചു കയറുന്ന വിഷാദത്തിന്റെ കരിമേഘങ്ങള്‍!
"ഏട്ടനു വലിയ മക്കളുണ്ട്‌. പണിയെടുക്കുന്ന മക്കള്‍. ഞാന്‍ അവരെ മൂന്നു പേരെയും വിളിച്ചു സംസാരിച്ചു. അല്പം ദേഷ്യത്തില്‍ തന്നെ സംസാരിക്കേണ്ടി വന്നു."
"നിങ്ങള്‍ക്കു നിങ്ങളുടെ അച്ഛനെ സഹായിക്കാന്‍ പറ്റില്ലേ?"
"അവര്‍ ഫോണിലൂടെ അതെല്ലാം കേട്ടു നിന്നതേയുള്ളു എന്നെനിക്കറിയാം."
ഫിലിപ്പീന്‍സിന്റെ പടിഞ്ഞാറന്‍ പ്രവിശ്യയായ ഇലോ ഇലോ. മലായോ പോളിനേഷ്യന്‍ ജനങ്ങള്‍‍ക്കിടയിലെ ഒരു ഇടത്തരം സ്പാനിഷ് കുടുംബം. ക്രിസ്റ്റോബലിന്റെ കുട്ടിക്കാലം കഷ്ടപ്പാടിന്റേതായിരുന്നു. 1945 ലെ കലാപഭൂമിയായിരുന്നു ഇലോ ഇലോ. ജപ്പാന്‍കാരെ ഓടിച്ചുകഴിഞ്ഞപ്പോ‍ള്‍ അതാ അമേരിക്കക്കാര്‍! വീണ്ടും 16 വര്‍ഷങ്ങള്‍. ഒരു അപകടത്തില്‍ അച്ഛന്‍ മരിക്കുമ്പോള്‍ ക്രിസ്സി‍നു് ഒരു വയസ്സു കഴിഞ്ഞിട്ടേയുണ്ടായിരുന്നുള്ളു. കുട്ടിക്കാലത്തെ ഓര്‍മ്മകളിലൊന്നിലും അച്ഛനുണ്ടായിരുന്നില്ല.‌ അച്ഛന്റെ സ്ഥാനത്തെന്നും 16 വയസ്സിനു മൂത്ത സഹോദരനായിരുന്നു.
ആ സഹോദരനാണിപ്പോള്‍ ചികിത്സ വേണ്ടിവന്നിരിക്കുന്നത്‌. ‍
"എനിക്കറിയാം കുട്ടികളൊന്നും ഏട്ടനെ സഹായിക്കില്ലെന്നു്‌. അദ്ദേഹം അതിനായി ശ്രമിക്കുകയുമില്ല. എന്നോടു സഹായം ചോദിച്ചതിനു പിന്നില്‍ എന്നോടുള്ള സ്നേഹമല്ലേ? സ്വന്തം മക്കളിലേക്കു നീളാത്ത സ്നേഹത്തിന്റെ അദൃശ്യ ഹസ്തങ്ങള്‍ എന്നിലേക്കല്ലേ നീണ്ടു വരാനുള്ളു."
കൈവിട്ടു പോകുന്ന പിതൃപുത്രബന്ധങ്ങളുടെ മുറിഞ്ഞു പോകുന്ന കഥകള്‍!
ക്രിസ്സ് നെടുവീര്‍പ്പിട്ടു.
"എന്റെ ചെലവുകള്‍ ഞാന്‍ കുറയ്ക്കുകയാണു്‌. എനിക്കെന്റെ സഹോദരനെ സഹായിക്കണം. അച്ഛനില്ലാതിരുന്ന കുട്ടിക്കാലത്തു്‌ എന്നെ വളര്‍ത്തിയെടുത്ത്‌ ഈ നിലയിലെത്തിച്ചത്‌ ഈ ഏട്ടനാണു്‌. ആരൊക്കെ മറന്നാലും ഇനി എന്റെ ജീവിതലക്ഷ്യം എന്റെ സഹോദരന്റെ സുഖപ്രാപ്തിയാണു്‌."
ക്രിസ്സിന്റെ കണ്ണുകളിലെ തിളക്കത്തിനു മേല്‍ ഒരു നേര്‍ത്ത കണ്ണീര്‍പ്പടലം‌. തിരിഞ്ഞുനിന്നു്‌ അത് രണ്ടു വിരലുകളാല്‍ ഞങ്ങളില്‍ നിന്നു മായ്ച്ചു.
എന്നിട്ടു്‌ അയാള്‍ ചിരിച്ചു.
ഒരു പെയ്തു തോര്‍ന്ന മഴയുടെ ബാക്കി നിന്ന കുളിര്‍ പോലെ ക്രിസ്സിന്റെ പുഞ്ചിരി.
ഒരിക്കലും വറ്റാത്ത സൗഹൃദത്തിന്റെ കുഞ്ഞുറവകള്‍ ബാക്കിനിറുത്തി ക്രിസ്സ് ഞങ്ങള്‍ക്കു നേരേ കൈ വീശുന്നു.
"സീ യു നെക്‌സ്‌റ്റ് മന്ത്.... ബൈ ബൈ".
*******************

സമയോചിതം

2008-05-27T12:44:00.000-07:00

വീടു നിറയെ നാഴികമണികള്‍.
കല്യാണം കഴിച്ചപ്പോഴും, വീടു മാറിയപ്പോഴും, കുട്ടികളുണ്ടായപ്പോഴും, ഓണത്തിനും വിഷുവിനും ക്രിസ്മസിനും ഈദിനുമെല്ലാം ചെറുതും വലുതുമായ ഒട്ടേറെ ഘടികാരങ്ങള്‍.
‍അടുക്കളയില്‍ കുക്കിങ് റേഞ്ചിനു മുമ്പില്‍ സമയം നോക്കി പാചകം ചെയ്യാം. മസാലപ്പൊടികളെടുക്കാന്‍ തിരിഞ്ഞു നിന്നാല്‍, അവിടെയും കഴുത്തു ചെരിക്കാതെ സമയമറിയാം. വാഷിങ് മെഷീന്റെ മുമ്പിലും സമയം നോക്കാം. ടീവിക്കു മുകളില്‍ കൃത്യമായി സമയം നോക്കി പ്രോഗ്രാം കാണാം.
കുളിമുറിയില്‍.... കിടപ്പുമുറിയില്‍...എന്തിന്‌, ബാല്‍ക്കണിയില്‍പ്പോലും കൃത്യനിഷ്ഠ.
ഓഫീസിലേക്കു കൃത്യസമയത്തെത്താന്‍ അര മണിക്കൂര്‍ കൂട്ടിവച്ച ക്ലോക്കും അതിനിടെയുണ്ടായിരുന്നു.
ആദ്യത്തെ ബാറ്ററി വാങ്ങല്‍ ത്രില്ലുകളവസാനിക്കുമ്പോള്‍, ഇന്നിപ്പോള്‍ പലതും പലസമയത്തായി മരിച്ചിരിക്കുന്നു.
ചുരുക്കത്തില്‍, ലോകം മുഴുവന്‍ പലസമയം കാണിച്ച്‌ ഇപ്പോഴും എന്റെ വീട്ടില്‍ 'സമയം' ജീവിച്ചിരിക്കുന്നു എന്നൊക്കെ വേണമെങ്കില്‍ പറയാം.
അങ്ങനെ മരണം ജീവനു തുല്യമാകുന്നു. ഞാന്‍ യൂണിവേഴ്സലി കോമ്പാറ്റിബിളും.
പകുതി അടച്ച വാതില്‍ പകുതി തുറന്നതിനു തുല്യമാകുമ്പോള്‍, മുഴുവനായി അടച്ച വാതില്‍ മുഴുവനായി തുറന്നതിനു തുല്യമല്ലേ എന്നെന്റെ സുഹൃത്ത് ചോദിക്കുന്നതു പോലെ പകുതി നിറഞ്ഞ ഗ്ലാസ് പകുതി കാലിയാകുന്നു.
അതിനാല്‍ ഞാനെന്റെ നിറഞ്ഞ ഗ്ലാസ്സുകള്‍ കാലിയാക്കുന്നു.
അപ്പോഴൊക്കെ ഞാന്‍ സ്ഥാപിക്കുകയായിരുന്നു,എന്റെ ചത്ത നാഴികമണികള്‍ എപ്പോഴും ലോകത്തിന്റെ ഏതെങ്കിലും ഒരു ഭാഗത്ത്‌ ജീവിച്ചിരിക്കുന്നെന്ന്‌.

A Thursday Night for Pappettan

2008-02-29T01:10:00.000-08:00

We conferred about a plan of action for Pappettan, in connection with bidding adieu (although he objected the terming, we have nothing else to bridge it!) yesterday, at the nth venue of Ruchi Restaurant, in Abu Dhabi.

1. The initial phase starts with a Second Honeymoon for 6 months, as he couldn't enjoy the first one due to various factors known to all (restricts me to put it in black and white by order of the members present!) The venue has been roughly revealed as 'India Unknown' and he would be back after 6 months to have a review. (Thanks to his children over here (who are made sure, will not be interrupting the couple with financial/ domestic trifles!) All are well offfffff.

Highlights

The unbounded pelvic gyrations of Aslam, the compere, after an 8 peg consumption, needs further dissection and investigation, as a few say that he should be restricted to a 3 peg compering which would certanily bring his graph up.(Aslam's grown out of barrels now! He is not the one we met 3 decades ago. A handsome Yogi look, clad in saffron, literally (literarily too!) high profile, well versed in friendship-philosophy ... and what not..)

The month-long celebrations had been inaugurated by Mr C. K Nambiar, 3 weeks ago.

'Ruchi' has been booked for a month.

All oldies like us find the venue apt as ISC takes another 2 months to fall in shape.

The absence of Mani, Venu, Vijayan, Moidu, Mohan, Varunan and all crippled our enjoyment, but we stood up in 2 minutes silence at the outset.

The meeting faded thin in candle lite as people flitted for whoever wanted to say 'bye and goodnite' are stuck back again under compulsion. It was 0200 hrs. None noticed who all went early, as all were moon-eyed.

The last scene of Vasantha waiting for Ramesh to start eating also fades......

ആത്മസംഘര്‍ഷങ്ങളുടെ ഒരു ഗസല്‍ സായാഹ്നം

2007-12-20T12:15:00.000-08:00

-സുരേഷ് നെല്ലിക്കോട്‌

ഒരു ബുധനാഴ്ച സായാഹ്നം. രാജേന്ദ്ര മേത്ത വിശ്രമിക്കുകയായിരുന്നു. അന്നു്‌ വൈകിട്ടു്‌ ഇന്ത്യാ സോഷ്യല്‍ സെന്ററില്‍ നടക്കുന്ന ഗസല്‍ സദസ്സിലേക്കുള്ള തയ്യാറെടുപ്പായിരുന്നു, അതുവരെ.

.......ഭാരതം വിഭജിക്കപ്പെടുകയായിരുന്നു. ഒന്‍പതു വയസ്സുകാരന്റെ അത്ഭുതങ്ങളുമായി, വിഹ്വലതകളുമായി അദ്ദേഹം വര്‍ഷങ്ങള്‍ക്കപ്പുറത്തേയ്ക്കു് ഓര്‍മ്മയുടെ കുളമ്പടികളില്‍ സഞ്ചരിക്കുകയായിരുന്നു. അദ്ദേഹം പാടി.

യാദോം കാ ഏക് ഝോംകാ ആയാഹംസേ മില്‍നേ ബര്‍സോം ബാദ്‌..

" അമ്പത്തൊന്ന് വര്‍ഷങ്ങള്‍.. എല്ലാം ഇന്നലെയെന്നപോല്‍ ഞാന്‍ ഓര്‍മ്മിക്കുന്നു.‌ നടുക്കുന്ന ഓര്‍മ്മകള്‍! ഒരു രാത്രി പുലരുമ്പോഴേയ്ക്കും സുഹൃത്തുക്കള്‍ ശത്രുക്കളായി. എന്നിട്ടും, എവിടെയോ നേര്‍ത്ത തേങ്ങലുകളുമായി ജാതിക്കും മതത്തിനുമപ്പുറം സഹായഹസ്തങ്ങളുമായി ആരൊക്കെയോ ചിലര്‍! എത്രയോ മൃതശരീരങ്ങള്‍! ചത്തും കൊന്നും നാം വിഭജിക്കപ്പെടുകയായിരുന്നു."

ഊതനിറത്തിലുള്ള കണ്ണടയ്ക്കുള്ളിലൂടെ, അതു പറയുമ്പോള്‍ അദ്ദേഹത്തിന്റെ കണ്ണുകള്‍ നിറയുന്നത് എനിക്കു കാണാമായിരുന്നു. അല്പമകലെ നീനാ മേത്ത. ഒരു നിഴല്‍ പോലെ രാജേന്ദ്രയെ പിന്തുടരുന്ന ജീവിതസഖി. നീനയില്ലാതെ ഇപ്പോള്‍ രാജേന്ദ്രയില്ല.

ലാഹോറിലെ ബാല്യം. പൊടുന്നനെ വിധിയുടെ ക്രൂരത. ഒമ്പതുവയസ്സില്‍ ജീവിതപ്രാരബ്ധങ്ങളിലേയ്ക്കു വീണ രാജേന്ദ്ര. സന്ത്രാസങ്ങളുടെ കൊടുങ്കാറ്റില്‍ അച്ഛനെ തിരിച്ചു കിട്ടിയതുപോലും ഒരു ഭാഗ്യമായി കരുതുന്നു, രാജേന്ദ്ര.

രാജേന്ദ്ര മേത്തയും നീനാ മേത്തയും. ഇന്ന് അവരുടെ ശ്വാസവേഗങ്ങളില്‍പ്പോലും ഗസലിന്റെ ഈരടികളാണ്‌.

ആസ്വാദനത്തിന്റെ പാരമ്യങ്ങളിലെവിടെയോ ഗസലുകളുടെ വഴി തെറ്റുന്നു.‍ ശുദ്ധസംഗീതത്തിന്റെ സപ്തസിന്ധുക്കളിലെവിടെയോ ഒന്നില്‍ മദ്യം കുത്തിയൊഴുകി. അനശ്വരപ്രേമവും, കാമുകിയുടെ നിസ്സംഗതയും, ഗതകാലനഷ്ടബോധങ്ങളും, അത്ഭുതങ്ങളും വിഹ്വലതകളും നിറഞ്ഞ കുട്ടിക്കാലവും വിട്ട്` ഗസല്‍ സുരോദങ്ങളിലേക്കൊഴുകി. മദ്യത്തിന്റെ മാസ്മരികലോകം.

ആരൊക്കെയോ പാടി.

"ശരാബ് ഇത് നീ ശരീഫാനാ ചീസ് ഹേ...."

എന്നിട്ടും 'മേത്താസ്' (ഗസല്‍ ലോകത്ത് 'മ്യൂസിക്കല്‍ മേത്താസ്' എന്നാണ്‌ ഇവര്‍ അറിയപ്പെടുന്നതു്‌)മദ്യത്തെക്കുറിച്ചു പാടിയില്ല. "അതൊരു സംക്രമമായിരുന്നു. ഒരു ദശാന്തര പ്രാപ്തി. കാലത്തിന്റെ ഗതിവിഗതികളില്‍ ഏതൊരു കലയ്ക്കും നേരിടേണ്ടി വന്ന അപചയം ആയിരുന്നു, അത്." രാജേന്ദ്ര പറഞ്ഞു.

ആറുപതുകളുടെ മദ്ധ്യം.ബോംബെയിലെ ആകാശവാണിയില്‍ വച്ചു്‌ രണ്ടുപേര്‍ കണ്ടുമുട്ടുന്നു. രാജേന്ദ്രയും നീനയും. സുഖസൗഭാഗ്യങ്ങളുടെ നടുവില്‍ വളര്‍ന്ന, ഗുജറാത്തി വ്യവസായിയുടെ മകള്‍ - നീന.‍ വിഭജനത്തിന്റെ വിഹ്വലതകളില്‍ സ്വാസ്ഥ്യം നഷ്ടപ്പെട്ട നിസ്വനായ രാജേന്ദ്ര. പിന്നെ എതിര്‍- പ്പു‍കളായി. തടസ്സങ്ങളായി. അവസാനം പ്രേമം വിജയിച്ചു. അവര്‍ വിവാഹിതരായി.

ആദ്യനാളുകള്‍ പരീക്ഷണങ്ങളുടേതായിരുന്നു. ദിവസങ്ങളെ മണിക്കൂറുകള്‍ കൊണ്ട് അളക്കാന്‍ പറ്റാത്തത്ര തിരക്ക്. ഇരുപത്തിനാലു മണിക്കൂറില്‍ ഇരുപതും സംഗീതത്തിനായി ഉഴിഞ്ഞു വച്ച നാളുകള്‍. താമസം ഒരു മുസ്ലീം കുടുംബത്തോടൊപ്പം. ഒരു കുളിമുറി പോലും സ്വന്തമായിട്ടില്ലാത്ത ഒരു സാധു കുടുംബം. തീവ്രപരിശ്രമത്തിന്റെ ഗതിവേഗങ്ങളിലെവിടെയോ , വേദികളിലൊരുമിച്ചു്‌ ഗസലുകള്‍ പാടുന്ന ദമ്പതികളെ ജനം സംശയദൃഷ്ടിയോടെ വീക്ഷിച്ചു. പ്രണയസംഗീതത്തിന്റെ ശീലുകള്‍ അതുവരെ പുരുഷനു മാത്രമായിരുന്നല്ലോ? അത്തരം വേദികളില്‍ യുഗ്മഗാനങ്ങളുമായി രാജനും (അടുത്ത സുഹൃത്തുക്കള്‍ രാജേന്ദ്രയെ വിളിക്കുന്നതങ്ങനെയാണു്‌) നീനയും പ്രത്യക്ഷപ്പെടുമ്പോള്‍ യാഥാസ്ഥിതിക ഖരാനകള്‍ (conservative schools) നെറ്റി ചുളിച്ചു. അവര്‍ വരച്ച വരകള്‍ക്കപ്പുറം കടന്നു്‌ രാജേന്ദ്രയും നീനയും ആരാധകരെ സൃഷ്ടിച്ചു. അങ്ങനെ അനശ്വരപ്രേമത്തിന്റെ ആത്യന്തികവിജയം കൊടികയറി.

പ്രണയപാപത്തിന്റെ തിരകള്‍ അടിച്ചലിഞ്ഞു്‌ ശാന്തമാകുന്ന സായാഹ്നങ്ങള്‍! 'മേത്തകള്‍' അംഗീകരിക്കപ്പെടുകയായി. ഉപഭൂഖണ്ഡത്തില്‍ ആദ്യത്തെ ഗസല്‍‍ദമ്പതികള്‍ ജ്ഞാനസ്നാനം ചെയ്യപ്പെടുന്നു. നീണ്ട സംഗീത സപര്യയിലൂടെ, ത്യാഗങ്ങളിലൂടെസ്വന്തം തിരിച്ചറിവിന്റെ പാതകള്‍ തെരഞ്ഞെടുത്ത മേത്തകള്‍ എല്ലായിടത്തും അംഗീകാരത്തിന്റെ സ്നേഹമുദ്രകള്‍ എറ്റുവാങ്ങി. എല്ലാ സമരങ്ങളും വിജയത്തിലേക്കെന്നു പറഞ്ഞ ഏതോ പഴമൊഴി ഒരിക്കല്‍ കൂടി സാര്‍ത്‍ഥകമായി.

"ഹുസ്ന്‌ പര്‍ ജബ് കഭി ശബാബ് ആയാസാരി ദുനിയാ മേ ഇങ്കിലാബ് ആയാമേരാ ഖത് ഹി ജോ തൂനേ ലോട്ടായാലോഗ് സമഝെ തേരാ ജവാബ് ആയാ..."

(യുവത്വത്തിന്റെ വര്‍‍ണഭംഗി. ഈ ലോകം തന്നെ മാറുകയായിരുന്നു. നീ മടക്കിയ എന്റെ ഓരോ കത്തും നിന്റെ മറുകുറിപ്പുകളാണെന്നാണു്‌ ജനം കരുതിയത്‌)

രാജേന്ദ്രയും നീനയും പാടുകയാണ്‌. ആ ഒരു പാട്ടിനു ശേഷം രാജേന്ദ്ര, സദസ്സിനു്‌ കൂട്ടുകാരെ പരിചയപ്പെടുത്തി.
ഹാര്‍മോണിയം : സംഗീതലോകത്തു് ഖ്യാതിയുടെ ഗിരിശൃംഗങ്ങളിലെത്തിയ, ജയ് പൂര്‍ ഘരാനയിലെ ശങ്കര്‍ ശംഭുജിയുടെ പുത്രന്‍ പ്രദീപ് പണ്ഡിറ്റ്.
ഗിറ്റാര്‍ : ഗസല്‍ വേദിയില്‍ കൃതഹസ്തനായ മഹേന്ദ്രസിംഗിന്റെ പുത്രന്‍ വസീര്‍ ചിന്തു സിംഗ്.
തബല :‍ ആശിസ്സ് ഝാ.

ഗസലിന്റെ ലാക്ഷണികഗുണങ്ങള്‍ സോദാഹരണം സമര്‍ത്ഥിച്ച രാജേന്ദ്ര, അതിര്‍‍ത്തികളും വേലിക്കെട്ടുകളുമില്ലാത്ത ഗസല്‍ കുടുംബങ്ങളെ ഞങ്ങള്‍ ശ്രോതാക്കള്‍‍ക്കായി പരിചയപ്പെടുത്തി. മൂല്യച്യുതികള്‍‍ക്കെതിരേ അദ്ദേഹം രോഷം കൊണ്ടു. അന്യായങ്ങള്‍‍ക്കെതിരേ ശക്തിയുക്തം വാദിച്ചു.

1952 ല്‍ ആദ്യമായി തലത് മഹ് മൂദിനെ കേള്‍ക്കുമ്പോള്‍ മുതല്‍ അദ്ദേഹം തലതിന്റെ ആരാധകനാകുകയായിരുന്നു. (ഗസലിന്റെ അളന്നു കുറിക്കപ്പെട്ട ചുറ്റുവട്ടങ്ങളില്‍ ഒരു പ്രലോഭനത്തിനും വശംവദനാകാതെ അവസാനം വരെ നടന്നു നീങ്ങിയ വൈയാകരണനായിരുന്നു, തലത് മഹ് മൂദ്) തലത്തിന്റെ മരണത്തിനു്‌ എതാനും ദിവസം മുമ്പു്‌ പോലും അദ്ദേഹത്തെ കണ്ടിരുന്ന കാര്യം രാജേന്ദ്ര പറഞ്ഞു. ഇരുപതു ദിനങ്ങള്‍ ആശുപത്രിയുടെതീവ്രപരിചരണ വിഭാഗത്തില്‍. ഹിന്ദി സിനിമയ്ക്കു വേണ്ടി ജീവിതത്തിന്റെ നല്ല കാലം മാറ്റി വച്ച തലത് മഹ് മൂദിനെ കാണാന്‍ സിനിമാസാമ്രാജ്യത്തിന്റെ തലപ്പത്തു നിന്നു്‌ ആരും വന്നില്ല. വിരലുകളിലെണ്ണാന്‍ ‍പാകത്തിനു്‌ ഏതാനും ഗസല്‍ പ്രേമികള്‍ മാത്രം! പൊടുന്നനെ മരണം. മരണത്തിനു ശേഷം ഹിന്ദി സിനിമാലോകത്തിന്‌ തലത്‌ പതിവുപോലെ 'നികത്താനാവാത്ത വിടവും' 'തീരാനഷ്ട'വുമായി. ജീവിച്ചിരുന്നപ്പോള്‍ തിരിഞ്ഞുനോക്കപ്പെടാത്ത തലതിന്റെ ഓര്‍മ്മയ്ക്കു മുമ്പില്‍ പിന്നീട്‌ 'ആദരാഞ്‌ജലി'കളുമായി ആഴ്ച്ചയില്‍ മൂന്നും നാലും സംഗീതസദസ്സുകള്‍. രാജേന്ദ്രയുടെ കണ്ണുകള്‍ നിറയുന്നതും, വാക്കുകള്‍ തൊണ്ടയില്‍ കുരുങ്ങുന്നതും ഞങ്ങള്‍ക്കു കാണാമായിരുന്നു. തലതിന്റെ വേര്‍പാട്‌ രാജേന്ദ്രയെ സംബന്ധിച്ചിടത്തോളം ഒരു ആത്മാര്‍ത്ഥ സുഹൃത്തിന്റെ അഭാവമായി.
ഇടയ്ക്കു്‌ ഖുലി കുതുബ് ഷായും മിര്‍സാ ഗാലിബും‌ ഞങ്ങളിലേക്കിറങ്ങി വന്നു.

ലഗ് താ നഹീ ഹേ ദില്‍ മേരാ ഉജഡേ ദയാര്‍ മേ
കിസ് കീ ബനീ ഹേ ആലം മേ ലാ പായ് ദാ
കിത് നാ ഹേ ബദ് നസീബ് സഫര്‍ ദഫ്ന്‍ കേ ലിയേ...

ബഹദൂര്‍ ഷാ സഫറിന്റെ ഓര്‍‍മ്മകള്‍ക്ക് രാജേന്ദ്ര ജീവന്‍ നല്‍കുകയായിരുന്നു. കരുത്തനായ ഒരു സ്വാതന്ത്ര്യസമരയോദ്ധാവിനു അന്ത്യവിശ്രമത്തിനു്‌ രണ്ടു ഗജം ഭൂമി പോലും കൊടുക്കാന്‍ പോലും നമുക്കു കഴിഞ്ഞില്ല.

കിത് നാ ഹേ ബദ്ന‍സീബ് സഫര്‍ ദഫ്ന്‍ കേലിയേ
ഉന്‍ കേലിയേ ദോ ഗസ് സമീന്‍ ഭി ന മിലി കുവെയാര്‍ കേലിയേ..

വര്‍ഷങ്ങള്‍ക്കു ശേഷം അബുദാബിക്കു്‌ വീണു കിട്ടുന്ന ഗസല്‍ സദസ്സ്. പാക്കിസ്ഥാനികളും, ബംഗ്ലദേശികളും, ഭാരതീയരുമടങ്ങുന്ന ശ്രോതാക്കള്‍. രാജേന്ദ്രയും നീനയും അവരുടെ മനസ്സുകള്‍ കവര്‍ന്നെടുക്കുകയായിരുന്നു. വേദിയുടെ ഉയരങ്ങളില്‍ നിന്നു്‌ ശ്രോതാക്കളുടെ ഓര്‍മ്മയുടെ ചെപ്പുകളിലേയ്ക്കു്‌ ഉച്ചനീചത്വങ്ങളില്ലാതെ അനായാസേന സംഗീതം. ജാതിയും മതവും വിശ്വാസവും വഴി തിരിക്കാത്ത നന്മയുടെ പൂക്കളുമായി പരസ്പരം എതിരേറ്റു നില്‍ക്കുന്ന അയല്‍ക്കാര്‍. അവരില്‍ പലര്‍ക്കും ഒരു ഉണ്മയായി ബാക്കി നില്‍ക്കുന്ന ലാഹോറിലെ ബാല്യം. ഇവിടെ സംഗീതത്തിനു മുമ്പില്‍ ഭാരതീയനും പാക്കിസ്ഥാനിയും ആലിംഗനബദ്ധരാകുന്നു. ഒറ്റയ്ക്കൊറ്റയ്ക്കു് ആര്‍ക്കും ഈ വൈരം വേണ്ട. നാം പിരിഞ്ഞത്‌ ഒരേ കുടുംബത്തില്‍ നിന്നാണെന്നുള്ള ഞെട്ടിപ്പിക്കുന്ന ചരിത്രസത്യത്തിനു മുമ്പില്‍ എത്രയോ 'മുശായിര'കളില്‍ ഹിന്ദുസ്ഥാനിയും പാക്കിസ്ഥാനിയും നമ്രശിരസ്കരായി നിന്നിട്ടുണ്ട്‌, ഇവിടെ.

മേ ആപ് അപ് നീ തലാശ്‌ മേം ഹൂംമേരാ കോയി രഹനുമാ നഹി ഹേ.

ഞാന്‍ എന്നെത്തന്നെ അന്വേഷിക്കുകയാണ്‌, ഒരു വഴികാട്ടി പോലുമില്ലാതെ....രാജേന്ദ്ര പാടുകയായിരുന്നു.

സുദര്‍ശന്‍ ഫക്കീറും, മുംതാസ് റാഷിദും, മുറാദ് ലക്‌ നൗവിയും ‍ചിരാഗ് ജയ് പുരിയും, ജാന്‍ നിസാര്‍ അക് തറും, സഫാര്‍ ഗോരഖ് പുരിയും, ഗോവിന്ദ് പ്രസാദും നിറയുന്ന ജനഹൃദയങ്ങളില്‍ രാജ്യങ്ങളുടെയോ ഭാഷയുടെയോ വിശ്വാസങ്ങളുടെയോ അതിര്‍ വരമ്പുകളില്ലായിരുന്നു. പച്ചയായ മനുഷ്യരുടെ അനുകമ്പയുടെയും അനുമോദനത്തിന്റെയും മാത്രമായ ഭാഷയ്ക്ക്‌ വിശ്വാസസംഹിതകള്‍ തടസ്സമായില്ല.

പഴയകാലത്തെ പ്രോഗ്രെസ്സീവ് റൈറ്റേര്‍സ് മൂവ്മെന്റ്. രാജേന്ദ്ര ഓര്‍മ്മകളിലേക്കു്‌ ഊളിയിട്ടു. സര്‍ദാര്‍ ജാഫ് റിയും, ഡോ. ഇക് ബാലും, ഫൈസ് അഹ് മദ് ഫൈസും, സഹീര്‍ ലുധ് യാന്‍വിയും ജോശ് അലഹബാദിയും കൂടിച്ചേരുന്ന ഒരു സാമ്രാജ്യത്തിലേയ്ക്കു്‌. സംഗീതത്തിന്റെ അനന്ത വിസ് മയങ്ങളിലേയ്ക്കു്‌. അതൊരു പഴയ കഥ.
ഇന്നു്‌,

ഈദും, ദീവാളിയും, ഹോളിയുമെല്ലാം പോലീസ് വലയത്തിനുള്ളിലാവുന്നു. നാമമാത്രമായി ആഘോഷങ്ങള്‍ എരിഞ്ഞു തീരുന്നു. ഭൗതികനേട്ടങ്ങള്‍‍ക്കായി നാം വിറളി പിടിച്ചോടുന്നു. ഞാന്‍ - എന്റെ കുടുംബം - എന്റെ ബന്ധുക്കള്‍; അതുമാത്രമായി നമ്മുടെ ചിന്തകള്‍. അങ്ങനെ സുഹൃദ് വലയങ്ങളില്‍ വിള്ളലുകലുണ്ടാവുന്നു.
രാജേന്ദ്ര വീണ്ടും പാടി.

പൈസേ സെ ബിസ്തര്‍ ഖരീദ് സക് തേ .. പര്‍ നീംദ് നഹീമകാന്‍ ഖരീദ് സക് തേ... പര്‍ ഘര്‍ നഹീ.....

(പണം കൊണ്ട് കിടക്ക വാങ്ങാം. പക്ഷേ ഉറക്കം വാങ്ങാന്‍ കഴിയുമൊ?കെട്ടിടങ്ങളുണ്ടാക്കാം... പക്ഷേ വീടോ?)

ഇതു്‌ രാജേന്ദ്രയ്ക്കു്‌ ഗസല്‍ സദസ്സുകളുടെ അമ്പതാം വര്‍ഷം. ഗസലുകളും പഞ്ചാബി സംഗീതവുമായി ഇരുപത്തഞ്ചോളം ആല്‍‍ബങ്ങള്‍. ആദ്യം ആകാശ് വാണിയില്‍. പിന്നെ ടെലിവിഷനില്‍.
എണ്‍‍പത്തഞ്ചില്‍ സാംബിയയിലെ ഒരു ഗസല്‍ വേദി. അതിലെ കേള്‍വിക്കാരനായിരുന്ന കെന്നത്ത് കൗണ്ടയില്‍ നിന്നൊരു ക്ഷണം. മന്ത്രിസഭാംഗങ്ങള്‍ക്കു വേണ്ടി ഒരിക്കല്‍ കൂടി പാടാന്‍. അറുപതുകളില്‍ നമ്മുടെ മുറിവേറ്റ പടയാളികള്‍ക്കായി സാന്ത്വനത്തിന്റെ അലൗകിക സംഗീതം. തൊണ്ണൂറ്റേഴില്‍ തിളച്കു മറിഞ്ഞ കാഷ്മീര്‍ താഴ്വരകളില്‍ സമാധാനത്തിന്റെ സംഗീതവുമായി രാജേന്ദ്ര- നീന ദമ്പതികള്‍ കടന്നു ചെന്നു. അതിനിടെ പലപ്പോഴായി റെഡ് ക്രോസ് സൊസൈറ്റിക്കും, വികലാംഗര്‍ക്കും, അന്ധര്‍ക്കുമായി പലയിടങ്ങളില്‍ അവര്‍ പാടി.

ഖീരത് കാ നാം ജുനൂന്‍ കി കിത്താബ് മേ ന ലിഖോ
കിസ്സീ കാ ജുറ്ഉം കിസ്സീ കാ ഹിസാബ് മേ ന ലിഖിയേ
ഔര്‍ കലം ലഹൂം മെ ഡുബോകര്‍ ലിഖ് നാ
മഗര്‍ കലം കൊ ശരാബ് മേ ഡുബോകര്‍ ന ലിഖോ.....

തൂലിക രക്തത്തില്‍ മുക്കി എഴുതിയ വരികളാണിവ. അവയ്ക്കിടയില്‍, തൂലിക മദ്യത്തില്‍ മുക്കി എഴുതാതിരിക്കാന്‍ ഒരോര്‍മ്മിപ്പിക്കലും!

യൂം ദേഖിയേ തോ ആന്ധീ മേ ബസ് ഏക് ശജര്‍ ഗയാലേകിന്‍ ന ജാനേ കിത് നേ പരിന്തോം കാ ഘര്‍ ഗയാ.

(നോക്കൂ, കൊടുംകാറ്റില്‍ ഒരു വൃക്ഷം മാത്രമേ വീണിട്ടുള്ളൂ. പക്ഷേ, ആര്‍ക്കറിയാം എത്ര പക്ഷികളുടെ വീടുകളാണ്‌ നഷ്ടമായതെന്നു്‌ ?)

ഇടയ്ക്കിടെ രാജേന്ദ്ര തമാശകള്‍ പറഞ്ഞു. അതില്‍ വേദനയുടെ മുള്ളുകള്‍ കോര്‍ത്തവയുമുണ്ടായിരുന്നു.
അങ്ങനെ, അവരുടെ ഏറ്റവും പ്രശസ്തമായ ഗാനത്തിലേയ്ക്കു്‌....

ജബ് ആംചല്‍ രാത് കി ലഹരായേം ഓര്‍സാരാ ആലം സോ ജായേ, തും മുഝ്സെ മില്‍ നേ ഷമ്മാ ജലാ കര്‍ താജ് മഹല്‍ മേ ആ ജാനാ.....

ലോകം മുഴുവന്‍ ഉറങ്ങുന്ന രാത്രിയില്‍ നീ എന്നെക്കാണാന്‍ ദീപം കൊളുത്തി താജ് മഹലില്‍ വരൂ!

മേ ഉസീ മോഡ് പേ ബര്‍ സോം സെ ഘടാ ഹൂം, കി ജഹാം ഏക് ആവാസ് യേ ആയീ ഥീ കി ഹം ആത്തേ ഹേ...

വര്‍‍ഷങ്ങളായി ഞാന്‍ കാത്തുനില്‍‍ക്കുന്ന ഈ വഴിത്തിരിവ്. പൊടുന്നനെ, പ്രതീക്ഷകള്‍ക്കു ചിറകുകള്‍ നല്‍‍കിക്കൊണ്ടു്, നിന്റെ വരവിന്റെ സന്ദേശം....

രാത്രിക്കു പ്രായമേറി. എന്നിട്ടും രാജേന്ദ്ര പാടിക്കൊണ്ടേയിരുന്നു. ഒരു മാറ്റൊലിയായി, കൂടെ അദ്ദേഹത്തിന്റെ ജീവിത സഖി നീനയും.

നാം മുറിച്ചു തീര്‍ത്ത ഭൂമിയെക്കുറിച്ചു്‌..

ഇനിയും ബാക്കി നില്‍ക്കുന്ന പ്രതീക്ഷയുടെ ആകാശങ്ങളെക്കുറിച്ചു്‌....

ചിരിക്കുന്ന കണ്ണുകളില്‍ നിന്നുതിരുന്ന കണ്ണീരിനെക്കുറിച്ചു്‌......
നമ്മെ ഒരുമിപ്പിക്കുന്ന സുസ്വപ്നങ്ങളെക്കുറിച്ചു്‌.......

നമുക്കിടയില്‍ മതിലുകള്‍ കെട്ടുന്ന ദുഃസ്വപ്നങ്ങളെക്കുറിച്ചു്‌.....

നഷ്ടമായ, ഗ്രാമത്തിന്റെ ശീതളച്ഛായകളെക്കുറിച്ചു്....

നഗരങ്ങളുടെ തിരക്കിലേയ്ക്കു ചേക്കേറിയ പ്രവാസനിയോഗങ്ങളെക്കുറിച്ചു്‌....... ‍
‍
*****

On the sets of 'Akaasha Gopuram'

2007-11-05T11:46:00.000-08:00

As for Akaasha Gopuram, the story goes thus: A landed immigrant, Albert Samson undergoes all kinds of hassles, going from pillar to post to make both ends meet. Eventually, he is given a break by Abraham, formerly an expert mason. The cycle of fate begins to change. Doors open wide for Samson, who quickly scales the ladders of success. He becomes a renowned architect in England, his expertise in the construction of towers and high-rise buildings leading to him being called 'Master Builder.'

Then, the cycle changes again. Bad days return and his personal life begins to erode. We have to wait for the film to find out what happens next.

Mohanlal, the superstar, enacts the role of Albert Samson, the character based on Ibsen's Halvard Solness. When I ask him about it, he says he was only too happy to accept the role, as it was better than the 'supernatural' offers he kept getting. I tell him that Amitabh Bachchan recently referred to him as one of India's most talented actors, but he just smiles in response.
Sreenivasan, the comedian king of Malayalam cinema, takes on the role of Dr Issac, another important character. While he would be extremely busy in India, the actor finds time to sit and chat here. He has a pack of jokes, but they are only for those familiar to him.
Shweta Menon plays Alice Samson, while other actors who appear include Bharat Gopi and Manoj K Jayan. Nitya Menon, a new face, plays the heroine Hilda, with Geetu Mohandas acting as Catherine. Santosh Thundiyil -- who wielded the camera for Krrish, Kuch Kuch Hota Hai and Pinjar -- is in charge of cinematography.

K P Kumaran says he is happy he could bring this film in 2006 -- the death centenary of Henrik Ibsen. Mohanlal is also overwhelmed with his role of a smug man living in fear of a younger generation usurping his place. According to him, Albert Samson is manipulative, yet capable of a grand gesture.

Needless to say, the audience awaits.

-Suresh Nellikode in London

അവര്‍ നമ്മെ അകറ്റൂകയാണു്‌, ദൈവങ്ങളില്‍ നിന്നു പോലും!

2007-11-02T10:52:00.000-07:00

ദൈവം പോലും നമുക്ക് അന്യനായി. അഹിന്ദുക്കളെ ഗുരുവായൂരില്‍ പ്രവേശിപ്പിക്കുന്നതില്‍ ദേവന് അഹിതമുണ്ടെന്നു കണ്ടെത്താന്‍ ഒരു ദേവ പ്രശ്നത്തിനായി. എന്താണ് ഹിന്ദുത്വത്തിന്റെ അടിസ്ഥാനയോഗ്യത? ആരാണ് അത് നിശ്ചയിക്കാന്‍ യോഗ്യര്‍? ഇപ്പോഴത്തെ ഈ ദേവപ്രശ്നത്തിനു പിന്നില്‍ അതിക്രൂരമായൊരു ഗൂഢാലോചനയുണ്ട്. മന്ത്രി സുധാകരന്‍ തുടങ്ങി വച്ച ഒരു ജനകീയ വിവാദത്തിനു തടയിടാന്‍ സാധാരണക്കാരായ വിശ്വാസികളെ തെറ്റിദ്ധരിപ്പിക്കാനായി സവര്‍ണമേധാവിത്വം സ്വയം ഏറ്റെടുത്ത ചിലര്‍ കാട്ടിക്കൂട്ടിയ കോപ്രായങ്ങളാണവിടെ നമ്മള്‍ കണ്ടതു്‌. ഈ സ്വയംകൃതാധികാരികള്‍ക്കു്‌ ആരാണ്‌ ഈ ഹിന്ദുത്വകോടതിയുടെ പരമാധികാരം കൊടുത്തതു്‌? എല്ലാ ഇന്ത്യക്കാരനേയും 'ഹിന്ദു'വായി കാണാനുള്ള വിശാലമനസ്കതയില്ലാത്തതാണ് നമ്മുടെ പ്രശ്നം. സവര്‍ണ്ണമേധാവിത്വം ജാതിയും മതവും പറഞ്ഞു മാറ്റി നിറുത്തുമ്പോള്‍ സ്വന്തം കൂട്ടായ്മകളിലേയ്ക്കു മടങ്ങാന്‍ അവര്‍ നിര്‍ബ്ബന്ധിതരാവുന്നു. അപ്പോള്‍ അതു ഭാരതവിരുദ്ധമെന്നും പൊതുവായ ചിന്താധാരയ്ക്കെതിരാണെന്നും അവര്‍ വിധിക്കുന്നു. ഈ സ്ഥിതി മാറാതിരിക്കുവോളം നാം വിഘടിത വിഭാഗങ്ങളാകുന്നു.

പക്ഷേ, ഇവിടെ ജാതി നമ്മുടെ തിരഞ്ഞെടുക്കലല്ലാത്തിടത്തോളം കാലം ആരാണു നമുക്കീ, മറ്റുള്ളവരെ മാറ്റി നിറുത്താനുള്ള അധികാരം തന്നത്‌? ജന്മം കൊണ്ടു്‌ നാം ഓരോ ജാതിയിലാവുന്നതെങ്ങനെ ശിക്ഷ‍യാകും? അപ്പോള്‍ ഏതു ജാതിയില്‍ ജന്മം കൊണ്ടവനാണു്‌ മികച്ചതെന്നു്‌ ആര്‍ക്കാണു തീരുമാനിക്കാന്‍ അധികാരം? ക്ഷേത്രങ്ങള്‍ ഭരിക്കാന്‍ ആര്‍ക്കാണു്‌ അധികാരം?

മനസ്സിന്റെ സ്വാസ്ഥ്യം തേടിയുള്ള പ്രാര്‍ഥനകള്‍‍ക്കൊരിടം മാത്രമാണു്‌ ക്ഷേത്രങ്ങള്‍. അത് ഭഗവാന്‍ മഹാരാജാവായി വാഴുന്ന ഒരു കൊട്ടാരമല്ല. കിങ്കരന്മാരെ പ്രസാദിപ്പിച്ചു മുഖം കാണിക്കാന്‍ ഭാഗ്യം ലഭിക്കേണ്ട ഒരു സ്ഥലവുമല്ല. ‍

ഭഗവാന്റെ മനസ്സറിയാന്‍ ഒരുകൂട്ടം വേദജ്ഞാനികള്‍ക്ക് എന്താണു യോഗ്യത? ആര്‍ഷഭാരത സംസ്കാരമെന്നു നാം അഭിമാനിക്കുന്നതിന്റെ കാതല്‍ വിശാലമനസ്കതയും ഉള്‍ക്കൊള്ളലുകളുമാണ്‌‍. അതിന്‌ അതിര്‍വ‍രമ്പുകളൊന്നുമില്ല. ഉണ്ടാവാന്‍ പാടില്ല! വിദേശശക്തികള്‍ പുരാതനകാലത്തു്‌ ഭാരതത്തില്‍ അധികാരം സ്ഥാപിച്ചതു്‌ നമ്മുടെ ആതിഥേയതാല്പര്യങ്ങളിന്മേലായിരുന്നില്ല. കയ്യൂക്കിന്റേയും പിടിച്ചടക്കലുകളിന്റേയും മാത്രം കഥയാണത്‌. തികച്ചും ദുര്‍ബ്ബലമായിരുന്ന, വിരുദ്ധ സംസ്കാരങ്ങളുടെ വിയോജിപ്പുകളിന്മേലുള്ള, വിദേശികളുടെ മനശ്ശാസ്ത്രം അതു മാത്രമായിരുന്നു. വിഘടിപ്പിച്ചു കീഴടക്കുക, ഭരിക്കുക എന്നൊക്കെ പിന്നീടറിയപ്പെട്ട അതേ മനശ്ശാസ്ത്രം. അവിടെ നാം ആര്‍ഷഭാരതസംസ്കാരത്തിന്റെ സ്വീകരണമഹത്വത്തിന്റെ കഥകള്‍ നിരത്തുന്നതു്‌, കീഴടങ്ങലിന്റെ ഉരുണ്ടു കളിയാണു്‌.

ഇപ്പോഴത്തെ ഈ ഗുരുവായൂര്‍ ദേവപ്രശ്നം ദൈവത്തിന്റെ സംസാരശേഷിയില്ലായ്മയ്ക്കു പിന്നില്‍ നിന്നു്‌ ഒരുകൂട്ടം അധികാരപ്രമത്തരുടെ ഡബ്ബിങ്ങുകളാണ്‌. ദൈവത്തിന്റെ കൈയിലും കാലിലും ചരടുകള്‍‍ കെട്ടിക്കളിക്കുന്ന ശബ്ദപ്രമാണങ്ങളുടെ ഒരു പാവകളി.

മന്ത്രി സുധാകരന്‍ ധീരനാണു്‌. പലരും തുറന്നു പറയാന്‍ മടിച്ചതു് അദ്ദേഹം പറഞ്ഞു.
അങ്ങനെ വന്നപ്പോള്‍‍ നില്‍ക്കക്കള്ളിയില്ലാതായ അമ്പലംവിഴുങ്ങികളുടെ അസ്വസ്ഥതകളാണു്‌ ഇപ്പോള്‍ ഈ ദേവപ്രശ്നത്തിനു ഹേതു. അഹിന്ദുക്കളെ ക്ഷേത്രത്തില്‍ പ്രവേശിപ്പിക്കുന്നതില്‍ ദേവനു്‌ അഹിതമുണ്ടെന്നു്‌ കര്‍ട്ടനു പിന്നില്‍ നിന്നു ദൈവത്തിന്റെ വായിലൂടെ പറഞ്ഞാല്‍ അതു്‌ പാവം സാധാരണന്‍ അങ്ങനെ തന്നെ വെട്ടി വിഴുങ്ങിക്കോളും എന്ന ചിന്തയുടെ പാരമ്യം. എനിക്കേറ്റവും അദ്ഭുതം തോന്നിയതു് അക്കൂട്ടത്തില്‍ പറവൂര്‍ ശ്രീധരന്‍ തന്ത്രി എങ്ങനെ ഭാഗഭാക്കായി എന്നാണു്‌?ജാതിക്കും മതത്തിനും ഉച്ചനീചത്വത്തിനുമെതിരായി നിലകൊണ്ട ശ്രീനാരായണഗുരുവിന്റെ ആദര്‍ശങ്ങള്‍‍ക്കു് പരിപാവനമായ മാനം നല്‍കാന്‍ ബാദ്ധ്യസ്ഥനായിരുന്ന അദ്ദേഹവും ആ ഒഴുക്കില്‍പ്പെട്ടു. ഭഗവദ് ഗീതയുപദേശിച്ച ശ്രീകൃഷ്ണന്റെ ചിന്തകളെ കടകവിരുദ്ധമായി ഹൈജാക്ക്‌ ചെയ്യാന്‍ കഴിഞ്ഞ ഇക്കൂട്ടരുടെ ധൈര്യം അവര്‍ണ്ണനീയം തന്നെ!

ഈ വിഷയത്തില്‍ വെള്ളാപ്പള്ളി നടേശന്‍ നയം പ്രഖ്യാപിക്കണം. ശ്രീനാരായണധര്‍‍മ്മ പരിപാലനത്തിന്റെ മുന്‍നിര നയിക്കേണ്ട പ്രസ്ഥാനം ഇതിനെതിരേ ശബ്ദമുയര്‍ത്തണം. സ്ഥാപിതതാല്‍പര്യങ്ങളുടെ കൂട്ടിലിട്ട ഇത്തരം ദൈവങ്ങള്‍ക്കു്‌ നാം കാഴ്ച്ചക്കുലകള്‍ സമര്‍പ്പിക്കില്ലെന്നു്‌ സധൈര്യം പ്രഖ്യാപിക്കാന്‍ വെള്ളാപ്പള്ളിയെപ്പോലുള്ള സമുദായനേതാക്കള്‍ തയ്യാറാവണം.

അധസ്ഥിതമായിക്കിടന്ന നായര്‍ സമുദായത്തിന്റെ ഉന്നമനം മാത്രമായിരുന്നു മന്നത്തു പദ്മനാഭന്‍ നയിച്ച എന്‍ എസ്സ് എസ്സിന്റെ മിഷന്‍ സ്റ്റേറ്റ്മെന്റ്. ‍ സമുദായത്തിലെ അനാചാരങ്ങള്‍ക്കും വ്യവസ്ഥാപിതമായ വ്യയനങ്ങള്‍ക്കുമെതിരേ മറുമരുന്നുകള്‍‍ നിര്‍ദ്ദേശിച്ചു കൊണ്ടായിരുന്നു എന്‍ എസ്സ് എസ്സിന്റെ ഉദ്ഭവം. അനിയന്ത്രിതമായ ധൂര്‍ത്തുകള്‍ക്കെതിരേയായിരുന്നു ആ ശബ്ദം. അതു്‌ മറ്റു സമുദായങ്ങളോടുള്ള സഹവര്‍ത്തിത്വത്തില്‍ അധിഷ്ഠിതവുമായിരുന്നു. സ്വയം നന്നവാനും മറ്റുള്ളവരെ നന്നാക്കാനുമായിരുന്നു ആ ഉദ്ബോധനങ്ങള്‍. അതിനാല്‍ പി കെ നാരായണപ്പണിക്കരും ഈ അനീതിക്കെതിരേ പൊരുതാന്‍ മുന്നിട്ടിറങ്ങണം.

ജനസംഖ്യയില്‍ അഞ്ചോ പത്തോ ശതമാനം അവകാശപ്പെടാനുള്ള ബ്രാഹ്മണരില്‍ ഭൂരിഭാഗത്തിന്റെ പ്രതിനിധിയാണോ ചേന്നാസ് നമ്പൂതിരിപ്പാട്‌? ഈ എം എസ് ജ്വലിപ്പിച്ച മാറ്റത്തിന്റെ പാരമ്പര്യം കാത്തുസൂക്ഷിക്കുന്ന ബ്രാഹ്മണസമുദായത്തിലെ സമാനചിന്താഗതിക്കാരും ഇതിനെ എതിര്‍ക്കണം. തോട്ടത്തില്‍ രവീന്ദ്രനു്‌ മാനവികസമാനതകളുടെ വെളിപാടുകളുണ്ടാവണം. മന്ത്രി സുധാകരന്‍ ധീരനായി ഇത്തരം കാര്യങ്ങളില്‍ മുമ്പോട്ടു വരണം. പലരും അദ്ദേഹത്തെ ചീത്ത വിളിച്ചെങ്കിലും ആ അണ്ണാറക്കണ്ണനും തന്നാലായത്‌ ചെയ്തതാണു്‌ ഈ പരിണാമത്തിന്റെ വേരുകള്‍ ഉറപ്പിച്ചതു്. അനീതിക്കെതിരേ സധൈര്യം പൊരുതിയ മാര്‍ക്സിസ്റ്റ് പാര്‍ട്ടി ഇക്കാര്യത്തില്‍ മന്ത്രിയെ മുമ്പില്‍ നടത്തണം. ഗാന്ധിജിയുടെ ജീവിതവീക്ഷണങ്ങളില്‍ നിന്നു വേരെടുത്ത കോണ്‍‍ഗ്രസ്സുകാര്‍ ഇതിന്റെ കൂടെ വരണം. ‍

നമുക്കു്‌, നമ്മളെ കാണാന്‍ അനുവദിക്കാത്ത ദൈവങ്ങളേയും അവരുടെ കൈകാലുകളില്‍ ചരടു കെട്ടി കളിക്കുന്ന, അവരുടെ വായില്‍ സംഭാഷണങ്ങള്‍ കുത്തിത്തിരുകുന്ന പാവകളിക്കാരെയും ധിക്കരിക്കാനുള്ള മാനസികമായ തയ്യാറെടുപ്പുകള്‍ക്കു് ശക്തി പകരണം. ഗുരുവായൂര്‍ക്ഷേത്രം വക ഗോശാലകളിലെ മൃഗങ്ങളുടെ ദയനീയസ്ഥിതി ചാനലുകള്‍ പുറത്തുകൊണ്ടുവന്നതിനും എത്രയോ ശേഷമാണു്‌ ഇപ്പോള്‍ ദേവപ്രശ്നത്തില്‍ അവതരിച്ചത്.

ഒരു കുട്ടി മൂത്രമൊഴിച്ചാല്‍ അശുദ്ധമാകുന്ന മതിലകങ്ങള്‍ നമുക്കു വേണമോ എന്നു നാം തീരുമാനിക്കുക. നിറവും ജാതിയും മതവും പണവും പ്രശസ്തിയും നോക്കി നമ്മെ അനുഗ്രഹിപ്പിക്കുന്ന ദൈവങ്ങള്‍‍ക്കു പിന്നിലെ സംഘടിത ശക്തിയെ നാം തിരിച്ചറിയുക. ജാതിവ്യവസ്ഥകളുടെ തിക്തത പേറുന്ന ഉത്തരേന്ത്യന്‍ നിരക്ഷരതകളില്‍പ്പോലും ഏതു ക്ഷേത്രങ്ങളിലും ആര്‍ക്കും കടന്നു ചെല്ലാം. പൂജാരികളെ തൊട്ടാല്‍പ്പോലും അവിടം അശുദ്ധമാകാറില്ല.‍

നമ്മുടെ നന്മകളാണു്‌ ദൈവത്തിന്റെ നടവഴികള്‍. നമ്മുടെ മുമ്പിലുള്ള കണ്ണാടി പ്രതിഷ്ഠകളാണു്‌ നമ്മെ ഉള്ളിലേക്കു നോക്കാന്‍ പ്രേരിപ്പിക്കുന്നതു്. എന്റെ സ്വാസ്ഥ്യങ്ങളെ ശക്തമാക്കാന്‍ ഞാന്‍ പ്രാര്‍ഥിക്കാറുണ്ട്‌. അത് പലപ്പോഴും നിശ്ശബ്ദിതമായ, ഒറ്റപ്പെട്ട ഏതെങ്കിലുമൊരു ഗ്രാമക്ഷേത്രത്തിലെ, മഴയും വെയിലുമേറ്റു ജീവിക്കുന്ന പ്രൊലിറ്റേറിയന്‍ ദൈവങ്ങള്‍ക്കു മുമ്പിലാണു്‌. ‍അവിടെയാകുമ്പോ‍ള്‍ ഞാന്‍ സമയബന്ധിതനല്ല. എത്രനേരം വെണമെങ്കിലും നമ്മുടെ നേതാക്കന്മാരുടെ മനസ്സു മാറാനായി അവിടെ പ്രാര്‍ത്‍ഥിച്ചു നില്‍ക്കാം. എന്റെ ചലനസ്വാതന്ത്ര്യങ്ങളെ നിയന്ത്രിക്കുന്ന, എന്റെ സാമ്പത്തികവ്യാപ്തിയെ അളന്നുനോക്കുന്ന ദൈവങ്ങളെ കാണാന്‍ പോകാത്തതില്‍, മതില്‍ക്കെട്ടിനു പുറത്തു നിന്നു്‌ ക്ഷമ ചോദിക്കാറുണ്ട്. ഒരു പക്ഷേ കുറച്ചു കൂടിക്കഴിഞ്ഞാല്‍ അവിടങ്ങളില്‍ തൊഴാന്‍ പോലും വിശാലഹിന്ദു നേതൃത്വങ്ങളോട് അനുമതി തേടേണ്ടി വന്നേക്കാം.

നാം പ്രബുദ്ധരാണു്‌. വിദ്യാസമ്പന്നരാണു്‌. അനാവശ്യ വിവാദങ്ങളിലും പരദൂഷണങ്ങളിലും പെട്ട് നാം നമ്മുടെ സമയം പാഴാക്കുകയാണു്‌. ആരൊക്കെയോ അത് വ്യവസായമായി മാറ്റുകയും ചെയ്യുന്നു. അതു്‌ തിരിച്ചറിയാനുള്ള മഹാപഥങ്ങളിലൂടെ ആരാണു്‌ നമ്മെ നയിക്കുക?

കുമാരേട്ടന്റെ ഹമീദ്‌ മാഷ്

2007-10-31T11:29:00.000-07:00

വിവാദങ്ങളില്ലാതെ, ബഹളങ്ങളില്ലാതെ, ജീവിതോദ്ദേശ്യത്തിന്റെ സാര്‍‌‌ത്ഥകത തിരിച്ചറിഞ്ഞു്‌, സ്വയം ബോദ്ധ്യപ്പെടുത്തി അരങ്ങൊഴിഞ്ഞ ആളായിരുന്നു, കുമാരേട്ടന്റെ ഹമീദ്‌ മാഷ്‌. ശബ്ദമുഖരിതമായ ഇപ്പോഴത്തെ ജീവിതശൈലികളില്‍ നാം പലപ്പോഴും കണ്ടെത്താതെ മാറിപ്പോകുന്ന പ്രതിഭാസങ്ങള്‍. മൂന്നു നാലു തവണ അദ്ദേഹത്തെ കണ്ടു സംസാരിക്കാന്‍ എനിക്കു ഭാഗ്യം സിദ്ധിച്ചിട്ടുണ്ട്. പുന്നത്തൂര്‍കോട്ടയുടെ ഒന്നാം നിലയില്‍ ചന്തുമേനോന്റെ കഥാപാത്രങ്ങള്‍ക്കു പിന്നില്‍. വൈക്കത്ത് ബഷീറിന്റെ 'പ്രേമലേഖനത്തി'നു പിന്നില്‍. നിളാതീരത്ത് 'സുന്ദരികളും സുന്ദരന്മാരു'ടെയും പിന്നില്‍. കലാഭവന്‍ തീയേറ്ററില്‍ 'തോറ്റ'ത്തിന്റെ ആദ്യപ്രദര്‍ശനത്തില്‍......

തുളുമ്പാത്ത നിറകുടം. അത് അദ്ദേഹത്തിനു ആരെയും ബോദ്ധ്യപ്പെടുത്തേണ്ടിയിരുന്നുമില്ല.
അന്യം നിന്നു പോകുന്ന ഈ സന്മനസ്സുകള്‍ നമ്മുടെ സൗഹൃദവലയങ്ങളില്‍ നിന്നു ചോര്‍ന്നു പോകുകയാണിന്നു്‌. കാരണം, വാക്കുകളേയും പ്രവൃത്തികളേയും അമൂല്യങ്ങളാക്കുന്ന ഈ വ്യക്തിത്വങ്ങള്‍ അസാധാരണങ്ങളും അത്യപൂര്‍‌വ്വങ്ങളുമാകുന്നു.

ശ്രീ കെ പി കുമാരന്റെ സൗഹൃദനഷ്ടത്തിന്റെ വേദനകള്‍ ഞങ്ങളും പങ്കിടുകയാണ്‌.‌

Untitled...

2007-10-17T13:23:00.000-07:00

When I'm torn asunder, how do I concentrate on writing?

Sometimes I feel like going to office on off-days even, thanks to the calls continued intermittently throughout the day. Off-days go restless creating an unremitting hostility towards every cat and dog coming around. Or into some promising hideouts, which are known to a very few.

Suja, Chandu and Nandu are certainly missing me. But, then I have relief that Chandu takes care of them and acts his age. He makes Nandu iron his clothes, clean the car and washroom, shovelling ice etc., on rewards which seldom materialise as per the latter. He adds: He makes me slog like a donkey and gets all his works done on false promises. When I revolt, he fixes me up on something or the other I had done earlier which has 'far reaching consequences', on which I could be caught any time by Mom. I've no other way out, but to surrender. When I come back tired I could see a Tom Cat resting on his armchair like a feudal lord, crossing his legs!

That's the way the cookie crumbles at 1494, Paddington Court, Headen Drive, Burlington

ഡോ. അയ്യപ്പപ്പണിക്കര്‍ - ഒരോര്‍മ്മക്കുറിപ്പു്‌

2007-10-11T11:00:00.000-07:00

‌
എഴുപതുകളുടെമദ്ധ്യം. ജനുവരി. ചരല്‍‍ക്കുന്നിലെ 'സര്‍ഗ്ഗസംവാദ'ത്തിലാണു്‌‍‌ ശ്രീ അയ്യപ്പപ്പണിക്കരെ ആദ്യമായി കാണുന്നത്‌. മലയാളകവിതയുടെ ശക്തിചൈതന്യങ്ങളെ തൊട്ടനുഭവിപ്പിച്ച, അറിവിലും ആകാരത്തിലും അന്തരം പുലര്‍‌‍ത്തിയ ആ രൂപത്തെ ആദ്യമായി കണ്ടറിഞ്ഞ അത്ഭുതങ്ങളിലായിരുന്നു, ഞാന്‍. കൂടെ മറ്റു പലരോടൊപ്പം ശ്രീ എം.ഗംഗാധരനും.(അദ്ദേഹത്തിന്റെ കഴിഞ്ഞ ലക്കം കലാകൗമുദി കുറിപ്പാണ് എന്റെ പഴയ ഓര്‍മ്മകളെ പെറുക്കിക്കൂട്ടിയത്‌. 'മധുവനം, പരപ്പനങ്ങാടി' എന്ന വിലാസം എനിക്കെഴുതിത്തന്നതിപ്പോഴും ഓര്‍ക്കുന്നു)‍
കവിതയുടെ പേരില്‍ ഞങ്ങള്‍ വിഴുങ്ങിക്കൂട്ടിയ മിഥ്യാബോധങ്ങളിലേക്കു്‌ തിരിച്ചറിവിന്റെ പ്രകാശം കടത്തിവിടാന്‍, താളബോധങ്ങളുടെ സര്‍ഗ്ഗസംഗീതം പെയ്യിച്ചു കൊണ്ട്, ഉടുപ്പിനു മീതേ മുണ്ടുടുത്ത്‌ അയ്യപ്പപ്പണിക്കരെന്ന അത്ഭുതം. ആ ദിവസങ്ങളില്‍ ഞങ്ങളെയെല്ലാം അദ്ദേഹം കവിതയുടെ‍ കാണാക്കയങ്ങളില്‍ നീന്തല്‍ പഠിപ്പിച്ചു.
വര്‍ഷങ്ങള്‍ക്കു ശേഷം അബുദാബിയിലെ ആശാന്‍ സ്മാരക കൂട്ടായ്മയിലേക്കു്‌ ക്ഷണിക്കുമ്പോള്‍ പതിവു നിഷേധം.
" ഞാനില്ല"
പിന്നെ, ശ്രീ എന്‍ ആര്‍ എസ് ബാബുവിനെക്കൊണ്ടു്‌ തീവ്ര ശുപാര്‍ശ. ബാബുസാറിന്റെ സ്നേഹനിര്‍‍ഭരമായ ഉറപ്പിനുമുമ്പില്‍ അദ്ദേഹം കീഴടങ്ങി. അങ്ങനെ മനസ്സില്ലാമനസ്സോടെ ഒരു അബുദാബി യാത്ര. യാത്രയ്‌ക്കു മുമ്പ് എന്നെ ഫോണില്‍ വിളിച്ചു സത്യം ചെയ്യിച്ചു.
"നാലേ നാലു ദിനം. എന്നെ തിരിച്ചെത്തിച്ചേക്കണം."
കേരള സോഷ്യല്‍ സെന്ററിന്റേയും അബുദാബി മലയാളി സമാജത്തിന്റേയും വേദികളില്‍ തിങ്ങി നിന്ന ശ്രോതാക്കളുടെ നാഴികകള്‍ക്കു്‌ ശ്രീ അയ്യപ്പപ്പണിക്കര്‍ നിമിഷവേഗം നല്‍കി. അവര്‍ അത്ഭുതപ്പെട്ടു.
"ഇതാണോ ഞങ്ങള്‍ വായിക്കാതെയും കേള്‍ക്കാതെയും മാറ്റി നിറുത്തിയ അയ്യപ്പപ്പണിക്കര്‍?" ‍
ചന്ദ്രേട്ടന്റെ (കെ എസ് സി നായര്‍) വീട്ടിലെ താമസത്തിനിടയില്‍ സാംബാറും അവിയലും കൂട്ടിയുണ്ണാന്‍ പണിക്കരേട്ടന്‍ അമ്പലം രവിയോടൊപ്പം ഇടയ്ക്കൂ്‌ വീട്ടില്‍ വരുമ്പോള്‍ ഞങ്ങളുടെ നാലു വയസ്സുകാരന്‍ ചന്തുവിനെ ഒരു കവിത പഠിപ്പിച്ചു.
ഹൗ മെനി ചന്തൂസ് ?വണ്‍ ചന്തു, റ്റു ചന്തു, ത്രീ ചന്തു, ഫോര്‍ ചന്തു.
പിന്നെയും വര്‍‍ഷങ്ങള്‍.
എന്റെ നാലു വയസ്സുകാരനു്‌ എട്ടായി. ഒരുദിവസം കൊച്ചി വിമാനത്താവളത്തില്‍ ഇറങ്ങുമ്പോള്‍ ചന്തു ഓടി വന്നു പറഞ്ഞു.
"അച്ഛാ പണിക്കരമ്മാമ"
എന്നിട്ടു്‌ അവന്‍ ഞങ്ങളെ കാത്തു നില്‍ക്കാതെ, പിന്നിലൂടെ പതുങ്ങിച്ചെന്നു്‌ അദ്ദേഹത്തിന്റെ ചെവിയില്‍ ചോദിച്ചൂ.
"ഹൗ മെനി ചന്തൂസ്?"
തിരിഞ്ഞെണീറ്റു്‌ അദ്ദേഹം അവനെ കെട്ടിപ്പിടിച്ചുയര്‍‍ത്തി.
എന്നിട്ടു്‌ രണ്ടാളും കൂടി പാടി.."വണ്‍ ചന്തു, റ്റു ചന്തു, ത്രീ ചന്തു, ഫോര്‍ ചന്തു....."

വിജയന്‍ മാഷിന്റെ വിസംഗതികള്‍

2007-10-10T11:46:00.000-07:00

വീരചരമമായിരുന്നു വിജയന്‍ മാഷിന്റേത്. പോരാടിക്കൊണ്ട് പടക്കളത്തില്‍ തന്നെ മരണം. അതും അവസാന വിജയത്തിന്റെ വിശദീകരണത്തിനായി വിളിച്ചു ചേര്‍ത്ത പത്രസമ്മേളനത്തില്‍ വച്ചു തന്നെ.
മരണകാരണങ്ങളെപ്പറ്റി സുകുമാര്‍ അഴീക്കോട് പറഞ്ഞതിനെ ഒരു ആപ്തമിത്രത്തിന്റെ ആപേക്ഷികമായ ആകുലതകളായി കണക്കാക്കി നമുക്കു തള്ളാം. അതു കേട്ടിട്ടും പ്രൊഫ. സുധീഷ്‌ ആദ്യദിവസം മൗനം ഭജിച്ചതു്‌ എനിക്കിഷ്ടമായി. പക്ഷേ രണ്ടാം ദിനം 'പാഠം' പോലൊരു മാസികയുടെ തിരുത്തല്‍ ദൗത്യം മറന്നുകൊണ്ടു്‌, എല്ലാ ഊഹങ്ങളേയും തെറ്റിച്ചുകൊണ്ടു്‌ അദ്ദേഹം നമ്മെ ഞെട്ടിച്ചുകളഞ്ഞു. അതു 'പാഠ'ത്തിന്റെ ആത്യന്തികലക്ഷ്യങ്ങളെപ്പോലും വഴി തെറ്റിച്ചു. അതിനോടു്‌ അഴീക്കോടു്‌ മാഷ് സംയമനം പാലിച്ചു. ആത്മസംയമനത്തിന്റെ ഉദാത്തമായ ഉദാഹരണം. ആളിക്കത്തേണ്ടിയിരുന്ന ഒരു കാട്ടുതീയാണു്‌ മാഷ് അതു വഴി അണച്ചു കളഞ്ഞത്. എന്തൊക്കെയായാലും നന്മ മാത്രം കാംക്ഷിക്കുന്ന ഒരു വിമര്‍ശകനും ഗുരുശ്രേഷ്ഠനുമാണു്‌ അഴീക്കോട്. നിലവിട്ടു പെരുമാറാതിരുന്ന അദ്ദേഹം അറിവിന്റേയും തറവാടിത്തത്തിന്റേയും ഔന്നത്യം പ്രകടമാക്കി.

2007-06-13T20:02:00.000-07:00

"Whenever you go back to your hometown, it's not the place you go, but to your evergrown childhood."

2007-05-24T15:55:00.000-07:00

ഞങ്ങള്‍ മൂവര്‍

- ചാരുദത്തന്‍

അവന്‍

പാസ്പോര്‍ട്ടൂ്‌ വാങ്ങി പണം

പലിശയ്ക്കു്‌ കൊടുക്കുന്നവന്‍
‍സമാദരണീയന്‍.
അവന്‍,
നമ്മുടെ പ്രത്യയശാസ്ത്രപരിമിതികള്‍‍ക്കു‍ പ്രാണന്‍ കൊടുത്തവന്‍
അവനെക്കുറിച്ചെഴുതേണ്ടെന്നു വച്ചു.

ഇവന്‍

ഇവന്‍ എന്റെ അന്നദാതാവ്‌
അതിനാല്‍
‍ഇവന്റെ കൂടെ മാറി മാറി വരുന്നപെണ്ണുങ്ങളെക്കുറിച്ചും
ഇവനെക്കുറിച്ചുംഞാനെഴുതേണ്ടെന്നു വച്ചു.

ഞാന്‍

അവനും ഇവനും
എന്റെ ഇടവും വലവും കാത്തു.
അവരുടെ മദ്ധ്യേ
ക്രൂശിതനാവുന്നതിലെ തമാശയോര്‍ത്ത്‌ ഞാന്‍ ഇറങ്ങി നടന്നു.‍

************************

2007-05-23T13:17:00.000-07:00

Don't let someone become a priority in your life,
When you're just an option in their life!

(Relationships work best when they're balanced!)